प्रेरित 17:12 - नेवाः बाइबल

¹² अय्‌जूगुलिं इपिं यक्‍वसिनं हे विश्‍वास यात। अथे हे तःधंपिं ग्रीक मिसा व मिजंतय्‌सं नं विश्‍वास यात।

प्रेरित 17:12 ပူးပေါင်းရင်းမြစ်များ

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

प्रेरित 13:50

अय्‌नं यहूदीतय्‌सं नांजाःपिं धर्मीपिं मिसातय्‌त व शहरय् च्‍वंपिं नायःतय्‌त ग्‍वाकाः पावल व बारनाबासयात ख्‍यानाः इमिगु इलाकां पितिनाछ्वल।

१ कोरिन्‍थी 1:26

यःपिं दाजुकिजापिं, परमेश्‍वरं सःतादीबलय् छिपिं गज्‍याःपिं खः छकः लुमंका स्‍व। मनूतय्‌गु न्‍ह्यःने छिपिं गुम्‍हं गुम्‍हं जक बुद्धिमान, शक्ति दुपिं, अले तःधंपिं खः।

प्रेरित 14:1

आइकोनियनय् थ्‍यंकाः नं इपिं निम्‍हं धर्मशास्‍त्र स्‍यनीगु छेँय् वन। अन इमिसं तसकं बांलाक नवाःगुलिं यक्‍व हे यहूदीतय्‌सं व यहूदीमखुपिन्‍सं नं विश्‍वास यात।

याकूब 1:21

मभिंगु बांमलाःगु ज्‍याखँ त्‍वःताछ्व। छिमित स्‍यनातःगु परमेश्‍वरयागु वचनयात दुनुगलय् तयाति। थ्‍व हे वचनं छिमित पाप याके मब्‍यूसे पापं बचय् यानातये फु।

याकूब 1:10

अथे हे तःमिम्‍ह मनू नं चीमि जुइमाःगुलिइ लय्‌ता छाय्‌धाःसा व झ्‍वाः जुयावनीगु ख्‍यलय् च्‍वंगु स्‍वां थें खः।

प्रेरित 13:46

अय्‌नं पावल व बारनाबासं मग्‍यासे थथे धाल – “परमेश्‍वरयागु भिंगु खँ छिकपिन्‍त निं न्‍हापालाक न्‍यंके माःगु खः। छिकपिन्‍सं हे न्‍यने मयः धाल धाःसा, अले थःपिन्‍त अनन्‍त जीवन कायेत मल्‍वःपिं ताय्‌कल धाःसा आः जिपिं यहूदीमखुपिन्‍थाय् वनाः कं वने।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

मर्कूस 15:43

अरिमथिया धाःगु थासय् च्‍वंम्‍ह योसेफ पिलातसयाथाय् वन। थ्‍व फुक्‍कसिनं हनातःम्‍ह सभाय् च्‍वंम्‍ह सल्‍लाह बीम्‍ह मनू खः। थ्‍व नं परमेश्‍वरयागु राज्‍य वइतिनि धकाः आशा यानाच्‍वंम्‍ह खः। अबलय् वं मग्‍यासे पिलातसयाथाय् वनाः येशूयागु सीम्‍ह फ्‍वं वन।

प्रेरित 2:47

थुकथं इमिसं परमेश्‍वरयात तःधंका च्‍वन। मनूतय्‌सं नं इमित मानय् या। अले उद्धार जूपिन्‍त प्रभुं न्‍हिं न्‍हिं इमिगु पुचलय् तना बियादिल। थुकथं इपिं अप्‍वः दयावन।