प्रेरित 15:8 - नेवाः बाइबल

⁸ मनूतय्‌गु नुगलय् च्‍वंगु खँ स्‍यूम्‍ह परमेश्‍वरं झीत थें इमित नं पवित्र आत्‍मा बियाः इपिं नं विश्‍वासी जुइ ज्‍यू धकाः क्‍यनादिल।

प्रेरित 15:8 ပူးပေါင်းရင်းမြစ်များ

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

भजनसंग्रहया सफू 44:21

परमेश्‍वरं थ्‍व खँ सि हे सी। छाय्‌धाःसा वय्‌कलं फुक्‍कसिगु नुगलय् दुने च्‍वंगु खँ स्‍यू।

यर्मिया 11:20

तर हे दक्‍व शक्ति दुम्‍ह परमप्रभु, छिं खःकथं न्‍याय यानादी। छिं मनूतय् नुगः दुवालादी। छिं इमित बदला कयादीगु जिं स्‍वये दयेमा, छाय्‌धाःसा छितः हे जिं जिगु मुद्दा लःल्‍हानागु दु।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 20:12

हे धर्मीतय्‌त जाँचय् यानादीम्‍ह अले नुगः व मन दुवालादीम्‍ह दक्‍व शक्ति दुम्‍ह परमप्रभु, छिं इमित बदला कयादीगु जिं स्‍वये दयेमा, छाय्‌धाःसा जिं जिगु मुद्दा छितः हे लःल्‍हानागु दु।

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

यूहन्‍ना 5:37

जितः छ्वयाहयादीम्‍ह बाःनं हे जिगु साक्षी बियादीगु दु। वय्‌कःयागु सः छिमिसं गुबलें मताःनि, अले ख्‍वाः नं मखंनि।

प्रेरित 1:24

अले इमिसं थथे प्रार्थना यात – “मनूतय्‌गु नुगलय् दुने च्‍वंगु खँ स्‍यूम्‍ह प्रभु, थुपिं निम्‍हय् गुम्‍हय्‌सित छिं ल्‍ययादिया, जिमित क्‍यनादिसँ।

प्रेरित 10:47

“झीत थें थुमित नं पवित्र आत्‍मां जाय्‌कादी धुंकल। आः सुनां थुमित बप्‍तिस्‍मा बी मते धकाः पने फइ?”

प्रेरित 14:3

अय्‌नं इपिं मग्‍यासे प्रभुयागु वचन स्‍यँस्‍यं तःन्‍हु तक अन च्‍वनाच्‍वन। इमिसं नवाःगु प्रभुयागु वचन खः धकाः दसि बीत इमिसं यक्‍व अजू चायापुगु चिं व ज्‍या यानाक्‍यन।

प्रेरित 15:28

“मयासें मगाःगु ला याये हे माल, थ्‍व बाहेक छिकपिन्‍त मेगु म्‍वाःमदुगु कु क्‍वमबीकेगु हे जिमित व पवित्र आत्‍मायात भिं ताल।

प्रेरित 2:4

थुकथं इपिं फुक्‍कं पवित्र आत्‍मां जायाः वय्‌कःयागु शक्तिं इमिसं मेमेगु भाषां नवाना हल।

प्रेरित 4:31

प्रार्थना याये सिधये धुंकाः इपिं मुनाच्‍वंगु थाय् सन। अले इपिं फुक्‍कं पवित्र आत्‍मां जाल। अले इमिसं परमेश्‍वरयागु वचन मग्‍यासे नवाना जुल।

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

१ शमूएल 16:7

तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”