प्रेरित 13:2 - नेवाः बाइबल

² थुपिं अपसं च्‍वनाः प्रभुया आराधना यानाच्‍वंबलय् पवित्र आत्‍मां थथे धयादिल – “बारनाबास व शाऊलयात जिं सःतागु ज्‍याय् छ्व।”

प्रेरित 13:2 ပူးပေါင်းရင်းမြစ်များ

१ इतिहास 16:4

परमप्रभुया सनूया न्‍ह्यःने सेवा यायेत, वय्‌कःयात इनाप यायेत, सुभाय् देछायेत अले परमप्रभु, इस्राएलयाम्‍ह परमेश्‍वरया प्रशंसा यायेत दाऊदं छुं लेवीत ल्‍यल।

दानिएल 9:3

उकिं अपसं च्‍वनाः भांग्रा फिनाः नउ बुलाः परमप्रभु परमेश्‍वरया न्‍ह्यःने प्रार्थना व दुनुगलंनिसें बिन्‍ति याना।

मत्ती 17:21

थज्‍याःगु ज्‍या अपसं मच्‍वंकं व प्रार्थना मयाय्‌कं याये फइ मखु।”

मत्ती 6:16

“अपसं च्‍वनेबलय् छिमिसं निपाः ख्‍वाःपाः दुपिन्‍सं थें ख्‍वाः खिउँका च्‍वनेगु याये मते। अपसं च्‍वनागु धकाः क्‍यनेत इमिसं थःगु ख्‍वाः खिउँका जुइ। जिं धात्‍थें धयाच्‍वना – इमिसं काये माःगु सिरपाः काये धुंकूगु दु।

मत्ती 9:38

अय्‌जूगुलिं बाली थुवाःयात बाली लइपिं छ्वयाहयादिसँ धकाः प्रार्थना या।”

लूका 10:1

अनंलि प्रभुं मेपिं न्‍हयेम्‍ह मनूतय्‌त ल्‍ययादिल। अले इमित निम्‍ह निम्‍ह यानाः थः वनेगु शहर व गां पतिकं थः स्‍वयाः न्‍हापा छ्वयादिल।

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

प्रेरित 10:19

थ्‍व दर्शनयागु अर्थ छु जुइ धकाः मतिइ तया च्‍वंबलय् पवित्र आत्‍मां पत्रुसयात धयादिल – “कुने स्‍वम्‍ह मनूतय्‌सं छन्‍त माः वयाच्‍वंगु दु।

प्रेरित 10:30

अले कर्नेलियसं धाल – “थनिं प्‍यन्‍हु दत, न्‍हिनेसिया तीन बजे ति जि छेँय् प्रार्थना यानाच्‍वनाबलय् त्‍वइसे च्‍वंगु वसः पुनातःम्‍ह छम्‍ह स्‍वर्गदूतं जिगु न्‍ह्यःने दं वयाः

प्रेरित 13:3

अले इमिसं अपसं च्‍वनाः प्रार्थना यानाः छेनय् ल्‍हाः तयाः इमित ज्‍याय् छ्वयाबिल।

प्रेरित 13:4

थथे इपिं पवित्र आत्‍मां छ्वःगु ज्‍याय् वन। इपिं सिलुकिया जुयाः साइप्रस टापुपाखे लःजहाजं वन।

प्रेरित 14:26

अटालियां इपिं लःजहाजय् च्‍वनाः सिरियाया एन्‍टिओखियाय् लिहां वन। अन हे इमिसं पूवंका वःगु ज्‍याया निंतिं इमित परमेश्‍वरया दया मायाय् लःल्‍हाःगु खः।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

प्रेरित 22:21

“प्रभुं जितः थथे धयादिल – ‘छ वने हे माः, जिं छन्‍त तातापाक यहूदीमखुपिन्‍थाय् छ्वयेत्‍यना।’”

प्रेरित 4:36

थथे हे योसेफं नं थःगु जग्‍गा मियाः वःगु धिबा प्रेरिततय्‌त बिल। व साइप्रस धाःथाय् बूम्‍ह छम्‍ह लेवी खः। वयात प्रेरिततय्‌सं बारनाबास धकाः नां तःगु खः। थुकिया अर्थ “सकसितं साहस बी फुम्‍ह” खः।

प्रेरित 6:4

जिपिं जक प्रार्थनाय् व परमेश्‍वरयागु वचन न्‍यंकेगु ज्‍याय् जुयाच्‍वने।”

प्रेरित 8:29

अले पवित्र आत्‍मां फिलिपयात धाल – “व बग्‍गिया लिक्‍क हुँ।”

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

रोमी 10:15

मछ्वय्‌कं गथे यानाः मनूतय्‌सं न्‍यंकः वनी? यशैयायागु सफुलिइ थथे च्‍वयातःगु दु – “भिंगु खँ न्‍यंक वःपिं मनूत वयाच्‍वंगु गुलि बांलाः।”

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

१ कोरिन्‍थी 12:11

थथे थीथी वरदान बियादीम्‍ह थ्‍व हे पवित्र आत्‍मा खः। थ्‍व हे पवित्र आत्‍मां थःत यःथें फुक्‍कसित थीथी वरदान बियादी।

१ कोरिन्‍थी 7:5

छम्‍हं मेम्‍हय्‌सित मयः धकाः धाये मते। सल्‍लाह यानाः छुं ईया लागि अलग च्‍वनाः प्रार्थना यायेमाःसां मेबलय् नापं हे जु। छिमिसं थःत कःघाये मफुसा शैतानं छिमित स्‍यंकेत स्‍वइ।

२ कोरिन्‍थी 11:27

द्यँ हे मद्यंसे नं जिं चच्‍छि चच्‍छिं ज्‍या याये धुन। तःकः मछि नयेत्‍वने मखन। अप्‍वः यानाः गाक्‍क नये मखं, द्यनेत थाय्, अले पुनेत वसः मदय्‌का जुइ धुन।

२ कोरिन्‍थी 6:5

दालं नं, झ्‍यालखानाय् कुनं नं, मनूतय्‌सं हय्‌क्‍कावःसां, सिक्‍क ज्‍या यायेमाःसां, नये मखंसां, द्यने मखंसां।

गलाती 1:15

अय्‌नं दया यानादीम्‍ह परमेश्‍वरं जि बु हे मबूनिबलय् निसें जितः ल्‍ययादिल। अले थथे वय्‌कःयागु ज्‍या याके छ्वयाहयादिल।

एफिसी 3:7

परमेश्‍वरं दया यानाः हे जितः थथे भिंगु खँ न्‍यकं जुइम्‍ह यानादिल। थःगु शक्तिं वय्‌कलं जितः थथे यानादिल।

व्‍यवस्‍था 10:8

थौं तक जुया वयाच्‍वंगु थें परमप्रभुयागु बाचाया सनू क्‍वबीत परमप्रभुया न्‍ह्यःने च्‍वनाः वय्‌कःयागु सेवा यायेत अले वय्‌कःया नामय् सुवाः बीत उबलय् परमप्रभुं लेवी कुलयात ल्‍ययादिल।

कलस्‍सी 4:17

अर्खिप्‍पसयात प्रभुं याकेब्‍यूगु ज्‍या बांलाक मन तयाः या धकाः धयाब्‍यु।

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

२ तिमोथी 1:11

थ्‍व हे भिगुं खँ न्‍यंकेत व स्‍यनेत जितः प्रेरित दय्‌कादीगु खः।

२ तिमोथी 2:2

यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

२ तिमोथी 4:11

लूका जक जि नाप दु। मर्कूसयात मालाः छनापं ब्‍वना हजि। वं जिगु ज्‍याय् यक्‍व हे ग्‍वाहालि बी।

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

हिब्रू 5:4

सुं मनू थथःम्‍हं दकलय् तःधंम्‍ह पुजाहारी जुइ मखु। हारूनयात परमेश्‍वरं दकलय् तःधंम्‍ह पुजाहारी यानादी थें तुं मेपिन्‍त नं वय्‌कलं हे दकलय् तःधंम्‍ह पुजाहारी ल्‍ययादी।

१ शमूएल 2:11

अले एल्‍काना थःगु छेँ रामाय् लिहां वन। मचाम्‍ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्‍वन।