प्रेरित 13:1 - नेवाः बाइबल

¹ एन्‍टिओखियाय् च्‍वंगु मण्‍डलीइ अगमवक्ता व गुरुत नं दु। थुपिं बारनाबास, हाकु धाःम्‍ह शिमियोन, कुरेनीं वःम्‍ह लुकियस, दरबारय् हेरोद जुजु नाप ब्‍वलंम्‍ह मनेन व शाऊल खः।

प्रेरित 13:1 ပူးပေါင်းရင်းမြစ်များ

मत्ती 27:32

येशूयात स्‍यायेत यंकाच्‍वंबलय् कुरेनी च्‍वंम्‍ह सिमोन धाःम्‍ह छम्‍ह मनूयात नापलात। अले इमिसं वयात कर कर यानाः येशूयागु क्रूस क्‍वबिकल।

लूका 3:1

रोमयाम्‍ह महाराजा तिबेरिअसं राज्‍य यानाच्‍वंगु झिंन्‍यादँ दुबलय् पन्‍तियस पिलातस यहूदियायाम्‍ह शासक जुयाच्‍वंगु खः। अले हेरोद गालीलयाम्‍ह शासक जुयाच्‍वंगु खः। अथे हे इतुरिया व त्राखोनितिसय् हेरोदया किजा फिलिप व अबिलेनय् लुसानियास शासक जुयाच्‍वंगु खः।

प्रेरित 11:30

मुंगु भेटी शाऊल व बारनाबासयागु ल्‍हातं यरूशलेमया मण्‍डलीया थकालिपिन्‍त बीके छ्वल।

प्रेरित 12:25

बारनाबास व शाऊल भेटी बीगु ज्‍या सिधय्‌काः मर्कूस धाःम्‍ह यूहन्‍नायात नं ब्‍वनाः यरूशलेमं एन्‍टिओखियाय् लिहां वन।

प्रेरित 13:9

थथे याःगुलिं शाऊलं (वयात पावल नं धाः) पवित्र आत्‍मां जायाः वयात मिखा हे लिमकासे स्‍वयाः धाल –

प्रेरित 15:32

हानं यहूदा व सिलास थः हे अगमवक्तात जूगुलिं इमिसं अन च्‍वंपिं विश्‍वासीतय्‌त यक्‍व खँ धयाः साहस बियाः बल्‍लाकल।

प्रेरित 15:35

पावल व बारनाबास मेपिंनापं प्रभुयागु खँ न्‍यंका जुयाः एन्‍टिओखियाय् हे च्‍वन।

प्रेरित 19:6

वं इमिगु छेनय् ल्‍हाः तयेवं इपिं पवित्र आत्‍मां जाल। अले इमिसं थीथी भाषां नवात वनापं अगमवाणी नं धाल।

प्रेरित 21:9

फिलिपया अगमवाणी कनीपिं, बिया मछ्वःनिपिं प्‍यम्‍ह म्‍ह्याय्‌पिं दु।

प्रेरित 4:36

थथे हे योसेफं नं थःगु जग्‍गा मियाः वःगु धिबा प्रेरिततय्‌त बिल। व साइप्रस धाःथाय् बूम्‍ह छम्‍ह लेवी खः। वयात प्रेरिततय्‌सं बारनाबास धकाः नां तःगु खः। थुकिया अर्थ “सकसितं साहस बी फुम्‍ह” खः।

प्रेरित 9:1

शाऊलं धाःसा प्रभुया चेलातय्‌त स्‍यायेगु व ख्‍याच्‍वः बीगु याना जुल तिनि। छन्‍हु थ्‍व शाऊलं दकलय् तःधंम्‍ह पुजाहारीयाथाय् वनाः

रोमी 16:21

जि नाप नाप प्रभुयागु ज्‍या यानाच्‍वंम्‍ह तिमोथी, जिमि यहूदी किजापिं लुकियस, यासोन व सोसिपात्रोसपिन्‍सं छिमित ज्‍वजलपा धयाहःगु दु।

१ कोरिन्‍थी 11:4

अय्‌जूगुलिं प्रार्थना यायेबलय् व अगमवाणी कनीबलय् मिजंतय्‌सं छ्यं त्‍वपुया तल धाःसा वं ख्रीष्‍टयात क्‍वह्यंकूगु जुइ।

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

१ कोरिन्‍थी 13:8

माया सदां दयाच्‍वनी। अगमवाणी कनेगु वरदान धाःसा मदयावनी। थीथी भाषां नवायेगु वरदान नं मदयावनी। ज्ञान नं मदयावनी।

१ कोरिन्‍थी 14:29

अले हानं अगमवाणी कनेगु नं निम्‍ह स्‍वम्‍हय्‌सिनं जक यायेमाः। थथे इमिसं न्‍यंकीगु वचनयात खः ला कि मखु धकाः जाँचय् यायेमाः।

१ कोरिन्‍थी 14:32

अगमवाणी कनेगु वरदान दुपिं मनूतय्‌सं थःत बसय् तयेमाः।

१ कोरिन्‍थी 9:6

बारनाबासं व जिं जक ज्‍या यानाः नया जुइमाः धयागु दु ला?

गलाती 2:13

पत्रुस नाप जूपिं यहूदी विश्‍वासीतय्‌सं नं अथे हे यात। इमिसं यानाः बारनाबासंनापं अथे यात।

गलाती 2:9

मण्‍डलीया थां धयातःपिं याकूब, पत्रुस व यूहन्‍नां परमेश्‍वरं जितः थ्‍व ज्‍या बियादीगु खः धकाः सीकाः बारनाबासयात व जितः मण्‍डलीया जव ल्‍हाः यात। जिमिगु ज्‍या यहूदीमखुपिन्‍थाय् वनेगु, अले इमिगु ज्‍या यहूदीतय्‌थाय् वनेगु जुल।

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

फिलिप्‍पी 4:22

थनच्‍वंपिं फुक्‍क विश्‍वासीतय्‌सं नं छिमित ज्‍वजलपा धयाहःगु दु। खास यानाः कैसरया जहानपिनिपाखें ज्‍वजलपा धयाहःगु दु।

१ थेसलोनिकी 5:20

अगमवाणीयात क्‍वथुनाः खँ ल्‍हाये मते।