प्रेरित 12:9 - नेवाः बाइबल

⁹ पत्रुस वया ल्‍यूल्‍यू वन। थ्‍व फुक्‍कं जुयाच्‍वंगु धात्‍थें खः धकाः वं मस्‍यू। वयात ला थ्‍व फुक्‍कं म्‍हगसय् म्‍हना च्‍वंथें च्‍वन।

प्रेरित 12:9 ပူးပေါင်းရင်းမြစ်များ

उत्‍पत्ति 45:26

इमिसं वयात धाल, “योसेफ मसीनि। व ला मिश्र देशया हामा जुयाच्‍वन।” थ्‍व न्‍यनाः याकूबं छुं हे धाये मफुत। वं थ्‍व खँ पत्‍याः हे याये मफुत।

उत्‍पत्ति 6:22

नोआं परमेश्‍वरं धाःथें फुक्‍कं यात।

भजनसंग्रहया सफू 126:1

परमप्रभुं लिहांवःपिन्‍त सियोनय् लित हयादीबलय् जिपिं ला म्‍हगस खंपिं थें जुल।

यूहन्‍ना 2:5

अय्‌नं वय्‌कःया मांनं च्‍यःतय्‌त धाल – “वय्‌कलं छु धयादी छिमिसं व हे या।”

प्रेरित 10:17

थथे पत्रुसं थःम्‍हं खंगु दर्शनयागु अर्थ छु जुइ धकाः मतिइ तया च्‍वंबलय् लाक्‍क हे कर्नेलियसं छ्वयाहःपिं मनूत सिमोनयागु छेँ लुइकाः लुखाय् दनाः

प्रेरित 10:3

छन्‍हु न्‍हिनय् तीन बजे परमेश्‍वरया छम्‍ह दूतं दर्शन बियाः वयात – “कर्नेलियस” धकाः सःतूगु वं बांलाक हे ताल।

प्रेरित 11:5

“योप्‍पाय् छन्‍हु प्रार्थना यानाच्‍वनाबलय् जिं दर्शन खना। व दर्शनय् जिं छकू देलासा थें ज्‍याःगु प्‍यखें कुन्‍चाय् ज्‍वनाः स्‍वर्गं जिथाय् कुतुं वयाच्‍वंगु खना।

प्रेरित 12:8

स्‍वर्गदूतं वयात धाल – “लं फ्‍यु अले लाकां न्‍ह्या।” वं धाःथें यात। स्‍वर्गदूतं वयात हानं धाल – “गां न्‍ययाः जि ल्‍यूल्‍यू वा।”

प्रेरित 26:19

“थथे जूगुलिं हे, जुजु अग्रिपास, जिं स्‍वर्गपाखेंयागु दर्शनय् खनागु खँ गथे मन्‍यनेगु?

प्रेरित 9:10

दमस्‍कसय् हननिया धाःम्‍ह छम्‍ह चेला च्‍वनाच्‍वंगु दु। थ्‍व हे चेलायात प्रभुं दर्शन बियाः – “हननिया” धकाः सःतादिल। अले वं लिसः बिल – “प्रभु, जि थनसं दु।”

हिब्रू 11:8

विश्‍वासं हे अब्राहामं परमेश्‍वरयागु खँ न्‍यन। परमेश्‍वरं वयात सःताः थःम्‍हं बी धकाः धयादीगु देशय् हुँ धकाः उजं बियादिल। गन वनेगु धकाः मसीकं हे वं थःगु देश त्‍वःतावन।