प्रेरित 12:3 - नेवाः बाइबल

³ थुकिं यानाः यहूदीतय् नायःत लय्‌ताःगुलिं झन पत्रुसयातनापं ज्‍वनेत न्‍ह्यचिल। वयात ज्‍वंगु सोडा मतःगु मरि नयेगु नखःबलय् खः।

प्रेरित 12:3 ပူးပေါင်းရင်းမြစ်များ

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

प्रस्‍थान 23:15

“छिमिसं सोडा मतःगु मरिया नखः हनेगु या। छिमित आज्ञा बिया थें आबीब लाया क्‍वःछिनातःगु इलय् न्‍हय्‌न्‍हु तक सोडा मतःगु मरि नयेगु या, छाय्‌धाःसा व हे लाय् छिपिं मिश्रं पिहां वःगु खः। “सु नं जिगु न्‍ह्यःने ल्‍हातय् छुं मदय्‌क खनेदः वये मते।

मत्ती 26:17

सोडा मतःगु मरि नयेगु नखःयागु न्‍हापां खुन्‍हु चेलातय्‌सं वयाः वय्‌कःयाके – “गन वनाः छुत्‍काराया नखःयात ज्‍वरय् याः वने?” धकाः न्‍यन।

यूहन्‍ना 12:43

छाय्‌धाःसा इमित परमेश्‍वरं स्‍वयाः मनूतय्‌सं च्‍वछाइगु यः।

यूहन्‍ना 19:11

वय्‌कलं वयात लिसः बियादिल – “छितः थ्‍व अधिकार च्‍वय्‌नं मब्‍यूगु जूसा छिं जितः छुं नं याये फइ मखु। अय्‌जूगुलिं सुनां जितः ज्‍वनाः छिथाय् हल, वयात हे अप्‍वः पाप लाइ।”

यूहन्‍ना 21:18

“जिं छन्‍त खःगु खँ धाये – ल्‍याय्‌म्‍हबलय् छं थःम्‍हं हे वसः पुनाः थः यःथाय् वना जुल। बुरा जुल धाय्‌वं छं ल्‍हाः प्‍वःचिनाः च्‍वनेमाली। मेपिन्‍सं हे वसः पुंकाः छन्‍त मयःथाय् ब्‍वना यंकी।”

प्रेरित 12:4

पत्रुसयात ज्‍वनाः झ्‍यालखानाय् तल। छुत्‍काराया नखः धुंकाः जक मनूतय्‌गु न्‍ह्यःने यंकेगु मतिइ तयाः प्‍यम्‍ह प्‍यम्‍ह यानाः प्‍यथ्‍वः सिपाइँतय्‌त पाः तया तल।

प्रेरित 2:14

अले पत्रुसं झिंनिम्‍ह प्रेरिततनापं दनाः तःसलं थथे धाल – “यहूदी दाजुकिजापिं व यरूशलेमय् वःपिं मनूत, जिगु खँ न्‍यनाः थुइकादिसँ।

प्रेरित 20:6

जिपिं धाःसा सोडा मतःगु मरि नयेगु नखः धुंकाः फिलिप्‍पीं लःजहाजय् च्‍वनावना। न्‍यान्‍हु लिपा जिपिं त्रोआसय् इमिथाय् थ्‍यंकः वना, अले न्‍हय्‌न्‍हु तक अन हे च्‍वना।

प्रेरित 24:27

निदँ लिपा फेलिक्‍सया थासय् पर्किअस फेस्‍तस बडा-हाकिम जुयाः वल। फेलिक्‍सं यहूदीतय्‌त लय्‌ताय्‌का तयेत पावलयात कुना तुं तल।

प्रेरित 25:9

फेस्‍तसं यहूदीतय्‌त लय्‌ताय्‌केत पावलयात थथे धाल – “जिं छन्‍त यरूशलेमय् छ्वयाबी, अले अन हे छंगु न्‍याय याये, मज्‍यू ला?”

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

गलाती 1:10

जिं थथे धयाच्‍वनागु छु मनूतय्‌त लय्‌ताय्‌केत खः ला? मखु! जिं ला परमेश्‍वरयात हे लय्‌ताय्‌केत थथे यानाच्‍वनागु खः। जिं मनूतय्‌त लय्‌ताय्‌केत यानागु जूसा जि येशू ख्रीष्‍टया सेवा याइम्‍ह दास हे जुइ फइ मखु।

१ थेसलोनिकी 2:4

परमेश्‍वरं हे जिमित विश्‍वास यानाः भिंगु खँ न्‍यंकेगु ज्‍या लःल्‍हानादीगु खः। जिमिसं मनूतय्‌त मखु, बरु जिमित जाँचय् यानादीम्‍ह परमेश्‍वरयात लय्‌ताय्‌केत नवानाच्‍वनागु खः।