प्रेरित 11:8 - नेवाः बाइबल

⁸ “जिं लिसः बिया – ‘मखु प्रभु, थौं तक जिं शुद्ध मजूगु व थीमज्‍यूगु मनयानि।’

प्रेरित 11:8 ပူးပေါင်းရင်းမြစ်များ

होशे 9:3

इपिं परमप्रभुया देशय् च्‍वनी मखु। एफ्राइम मिश्र देशय् लिहांवनी। अश्‍शूरय् अशुद्धगु नसा नइ।

लेवी 10:10

पवित्र व साधारण अले शुद्ध व अशुद्धया दथुइ छिमिसं पाःगु म्‍हसीकेमाः।

लेवी 11:47

छिमिसं शुद्ध व अशुद्ध, अले नये ज्‍यूपिं व नये मज्‍यूपिं प्राणीत पाःगु म्‍हसीकेमाः।’”

मर्कूस 7:2

थुमिसं चेलातय्‌सं ल्‍हाः मस्‍युसे हे नःगु खन।

प्रेरित 11:7

अले जिं थथे धयाहःगु सः ताया – ‘दँ पत्रुस, थुमित स्‍यानाः न।’

प्रेरित 11:9

“स्‍वर्गं हानं जितः थथे धयाहल – ‘परमेश्‍वरं शुद्ध याःगुयात छं शुद्ध मजू धकाः धाये मते।’

रोमी 14:14

प्रभु येशूयात विश्‍वास यानागुलिं छुं नं नसा थः हे अशुद्ध धयागु मदु धकाः जिं बांलाक थुइकाः सीका तयागु दु। सुनानं थ्‍व अशुद्ध खः धकाः बिचाः याःसा वयात व अशुद्ध हे जुइ।

१ कोरिन्‍थी 7:14

छाय्‌धाःसा विश्‍वासी मखुम्‍ह भाःत विश्‍वासी कलाःम्‍हं यानाः पवित्र जुल। अथे हे विश्‍वासी मखुम्‍ह कलाः विश्‍वासी भाःतं यानाः पवित्र जुल। अथे मखुसा ला इपिंपाखें दुम्‍ह मचा पवित्र जुइ हे मखुत नि। तर इपिं ला पवित्र हे जुइ।