प्रेरित 10:5 - नेवाः बाइबल

⁵ आः छं मनूतय्‌त योप्‍पाय् छ्वयाः सिमोन धाःम्‍ह पत्रुसयात सःतके छ्व।

प्रेरित 10:5 ပူးပေါင်းရင်းမြစ်များ

मर्कूस 3:16

झिंनिम्‍ह थुपिं हे खः – सिमोन, गुम्‍हय्‌सिगु नां वय्‌कलं पत्रुस तयादिल,

यूहन्‍ना 1:42

वं वयात येशूयाथाय् ब्‍वना हल। वय्‌कलं वयात स्‍वयाः धयादिल – “छ ला योआनेसया काय् सिमोन खः। आवंनिसें छन्‍त केफास धाइ।” केफास व पत्रुसया अर्थ “ल्‍वहं” खः।

प्रेरित 10:18

सःताः “सिमोन धाःम्‍ह पत्रुस थन च्‍वनाच्‍वंगु दु ला” धकाः न्‍यन।

प्रेरित 10:32

अय्‌जूगुलिं योप्‍पाय् छं मनूतय्‌त सिमोन धाःम्‍ह पत्रुसयात सःतके छ्व। व मनू सिमोन धाःम्‍ह छेंगूया ज्‍या याइम्‍हय्‌सिगु समुद्र सिथय् च्‍वंगु छेँय् च्‍वनाच्‍वंगु दु।’

प्रेरित 15:7

ताःहाकय्‌क खँल्‍हाबल्‍हा जुइ धुंकाः पत्रुसं दनाः धाल – “दाजुकिजापिं, यक्‍व दँ न्‍हापा यहूदीमखुपिन्‍त नं भिंगु खँ न्‍यंकाः विश्‍वास याकेत परमेश्‍वरं छिकपिनिगु दथुं जितः ल्‍ययादिल। थ्‍व ला छिकपिन्‍सं सि हे स्‍यू।

प्रेरित 16:9

अबलय् पावलं छन्‍हु चान्‍हय् थज्‍याःगु दर्शन खन। माकेडोनियाय् च्‍वंम्‍ह छम्‍ह मनुखं दनाः वयात बिन्‍ति यानाः थथे धयाच्‍वन – “माकेडोनियाय् झायाः जिमित ग्‍वाहालि यानादिसँ।”

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

प्रेरित 9:38

लुड्डा योप्‍पां तामपाःगुलिं चेलातय्‌सं पत्रुस अन दनि धकाः सीकाः निम्‍ह मनूयात सःतके छ्वल। इमिसं वनाः धाल – “लिबाकादी मते, याकनं झासँ।”

प्रेरित 9:42

थ्‍व खँ योप्‍पाय् फुक्‍कभनं बय्‌बय् जूगुलिं यक्‍वसिनं प्रभुयात विश्‍वास यात।

प्रेरित 9:43

पत्रुस तःन्‍हु तक अन हे सिमोन धाःम्‍ह छेंगूया ज्‍या याइम्‍हय्‌सिगु छेँय् च्‍वन।