प्रेरित 10:2 - नेवाः बाइबल

² व छम्‍ह धर्मीम्‍ह मनू खः। व अले वया जहानपिं फुक्‍कसिनं परमेश्‍वरयात मानय् याः। वं फ्‍वं वःपिन्‍त नुगः मस्‍यासे ब्‍यू। अले परमेश्‍वरयात न्‍ह्याबलें प्रार्थना नं याः।

प्रेरित 10:2 ပူးပေါင်းရင်းမြစ်များ

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

१ राजा 8:43

छिं थः च्‍वनादीगु स्‍वर्गं वयागु प्रार्थना न्‍यनादिसँ। व परदेशीं छु फ्‍वंगु खः व बियादिसँ। संसारया फुक्‍क जातिं नं छितः इस्राएलीतय्‌सं थें म्‍हसीमा अले छिगु आज्ञा मानय् यायेमा। अबलय् जिं छिगु नांया इज्‍जतया निंतिं थ्‍व देगः दय्‌कूगु धकाः इमिसं सी।

२ इतिहास 6:33

छिं वयागु प्रार्थना न्‍यनादिसँ। थः च्‍वनादीगु स्‍वर्गय् छिं वयागु प्रार्थना न्‍यनादिसँ। वं इनाप याःथें यानादिसँ। अले संसारया फुक्‍क जातिं छिकपिनि मनूत इस्राएलीतय्‌सं थें छितः म्‍हसीमा अले छिगु आज्ञा पालन यायेमा। इमिसं थ्‍व देगः जिं छिगु नांया इज्‍जतया लागिं दय्‌कागु खः धकाः नं सी।

अय्‍यूब 1:1

ऊज देशय् अय्‍यूब नांयाम्‍ह छम्‍ह मनू दु। व छुं दोष मदुम्‍ह, स्‍वजाम्‍ह व परमेश्‍वरयागु भय काइम्‍ह मनू खः, अले व मभिंपाखें न्‍ह्याबलें तापाक्‍क हे च्‍वनीगु।

अय्‍यूब 1:5

भ्‍वय्‌या कन्‍हय् खुन्‍हु अय्‍यूब सुथ न्‍हापां दनाः इमिगु ल्‍याःकथं होमबलि छाइगु। थुकथं वं थःकाय् म्‍ह्याय्‌पिन्‍त च्‍वख याइगु, छाय्‌धाःसा वं थथे मतिइ तइगु, “जिमि काय् म्‍ह्याय्‌पिन्‍सं पाप याःगु जुइफु अले मनं मनं परमेश्‍वरयात सराः ब्‍यूगु जुइफु।” अय्‍यूबं न्‍ह्याबलें थथे याइगु।

भजनसंग्रहया सफू 102:15

जाति जातियापिं मनूतय्‌सं परमप्रभुया नांयात च्‍वछाइ, अले पृथ्‍वीयापिं सकलें जुजुपिन्‍सं वय्‌कःया महिमायात तःधंकी।

भजनसंग्रहया सफू 119:2

धन्‍य खः वय्‌कःया नियम पालन याइपिं व वय्‌कःयात दुनुगलंनिसें मालिपिं मनूत।

भजनसंग्रहया सफू 25:5

छिगु सत्‍यया लँपुइ जितः यंकादिसँ, अले स्‍यनादिसँ, छाय्‌धाःसा छि जितः बचय् यानादीम्‍ह परमेश्‍वर खः। न्‍हियान्‍हिथं जिं छिगु भलसा कयागु दु।

भजनसंग्रहया सफू 41:1

धन्‍य खः इपिं, गुपिन्‍सं छुं मदुपिनिगु च्‍यूताः काइ। इमित दुःख जुइबलय् परमप्रभुं ग्‍वाहालि यानादी।

भजनसंग्रहया सफू 55:17

सुथय्, न्‍हिनय्, बहनी जिं ततःसलं जिगु दुःख न्‍यंकाः प्रार्थना याये। अले परमप्रभुं जिगु सः न्‍यनादी।

भजनसंग्रहया सफू 86:3

हे परमप्रभु, जितः दया यानादिसँ, छाय्‌धाःसा जिं न्‍हिच्‍छिं हे छितः प्रार्थना यानाच्‍वनागु दु।

भजनसंग्रहया सफू 88:1

हे परमप्रभु, जितः मुक्ति बियादीम्‍ह परमेश्‍वर! जिं चान्‍हि छितः ततःसलं बिन्‍ति यानाच्‍वनागु दु।

उपदेशक 7:18

छगूयात ज्‍वना तयेगु व मेगुयात मत्‍वःतेगु नितां बांला। सुनां परमेश्‍वरया भय काइ व मनू थुपिं फुक्‍क तच्‍वःगु खँपाखें अलग च्‍वनी।

यशैया 59:19

पच्‍छिमया देशंनिसें मनूतय्‌सं परमप्रभुया नांया भय काइ, अले पुर्बंनिसें इमिसं वय्‌कःया नांया महिमा याइ। छाय्‌धाःसा वय्‌कः खुसिबाः वः थें झायादी, गुकियात परमप्रभुया सासलं बाः वय्‌की।

दानिएल 6:10

व पौलय्‌ सही याये धुंकूगु सियाः दानिएल थःगु छेँय् वन। वयागु छेँय्‌या तलय्‌यागु क्‍वथाया झ्‍याः यरूशलेमपाखे स्‍वः। अले न्‍हापा न्‍हापा याःगु थें झ्‍याःपाखे स्‍वयाः वं परमेश्‍वरया न्‍ह्यःने न्‍हि स्‍वकः पुलिं चुयाः सुभाय् बीगु व प्रार्थना यायेगु यात।

दानिएल 6:16

उकिं जुजुं दानिएलयात ज्‍वनेगु आज्ञा बिल अले इमिसं वयात हयाः सिंहत तयातःगु तःजाःगु गालय् वांछ्वल। जुजुं दानिएलयात धाल, “छं न्‍ह्याबलें सेवा याइम्‍ह छिमि परमेश्‍वरं छन्‍त बचय् यायेमा।”

दानिएल 6:20

अले व सिहंत तयातःगु तःजाःगु गाः लिक्‍क थ्‍यंबलय् ख्‍वःसलं धाल, “हे दानिएल, म्‍वाःम्‍ह परमेश्‍वरया दास, छं न्‍ह्याबलें सेवा याइम्‍ह छिमि परमेश्‍वरं छन्‍त बचय् याये फत ला?”

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

मत्ती 25:17

अथे हे निगू लाख काःम्‍ह च्‍यलं नं व दामं ब्‍यापार यानाः मेगु निगू लाख दां मुंकल।

लूका 18:1

अले येशूं चेलातय्‌सं न्‍ह्याबलें प्रार्थना यानाच्‍वनेमा, अले प्रार्थना यायेगु मत्‍वःतेमा धकाः ध्‍वाथुइकेत छगू उखान कनादिल।

लूका 2:25

अबलय् यरूशलेमय् शिमियोन धाःम्‍ह छम्‍ह मनू दु। थ्‍व मनू तसकं धर्मीम्‍ह व परमेश्‍वरया भक्त खः। व इस्राएलीतय्‌गु उद्धार जुइगु दिं स्‍वयेत पियाच्‍वंम्‍ह खः। पवित्र आत्‍मा वयाके च्‍वनादीगु दु।

प्रेरित 10:22

इमिसं धाल – “कर्नेलियस धाःम्‍ह परमेश्‍वरयात मानय् याइम्‍ह व भिंम्‍ह छम्‍ह कप्‍तान दु। वय्‌कःयात यहूदीतय्‌सं नं मानय् याः। पवित्रम्‍ह स्‍वर्गदूतं दर्शन बियाः छितः सःताः छिगु खँ न्‍यँ धकाः वय्‌कःयात धयादीगुलिं जिपिं वयागु खः।”

प्रेरित 10:31

थथे धाल – ‘कर्नेलियस, छं याःगु प्रार्थना व मेपिन्‍त ग्‍वाहालि याना जूगु परमेश्‍वरयात तसकं यल।

प्रेरित 10:35

वय्‌कःयात मानय् यानाः भिंगु भिंगु ज्‍या याना जूपिं न्‍ह्याम्‍हय्‌सितं वय्‌कलं यय्‌कादी।

प्रेरित 10:4

वं स्‍वःगु स्‍वलं तुं यानाः ग्‍याग्‍यां धाल – “प्रभु, छु याये माल, धयादिसँ?” अले दूतं वयात धाल – “छं मेपिन्‍त याःगु ग्‍वाहालि व प्रार्थना खनाः परमेश्‍वर तसकं लय्‌तायादिल।

प्रेरित 10:7

स्‍वर्गदूत वने धुंकाः वं निम्‍ह च्‍यःतय्‌त व थःगु पल्‍टनयाम्‍ह छम्‍ह धर्मीम्‍ह सिपाइँयात सःताः

प्रेरित 11:14

थ्‍व हे मनुखं छंगु व छिमि फुक्‍क जहानपिनिगु पाप क्षमा जुइगु खँ कनी।’

प्रेरित 13:16

अले पावलं दनाः ल्‍हाःभाय् यानाः थथे धाल – “इस्राएली दाजुकिजापिं व परमेश्‍वरयात मानय् याइपिं, जिगु खँ न्‍यनादिसँ।

प्रेरित 13:26

“दाजुकिजापिं, अब्राहामया सन्‍तान जूसां वा परमेश्‍वरयात मानय् याइपिं यहूदीमखुपिं जूसां थ्‍व मुक्तियागु खँ परमेश्‍वरं झी फुक्‍कसितं छ्वयाहयादीगु खः।

प्रेरित 13:50

अय्‌नं यहूदीतय्‌सं नांजाःपिं धर्मीपिं मिसातय्‌त व शहरय् च्‍वंपिं नायःतय्‌त ग्‍वाकाः पावल व बारनाबासयात ख्‍यानाः इमिगु इलाकां पितिनाछ्वल।

प्रेरित 18:8

अन च्‍वंम्‍ह कजी क्रिस्‍पस व वया जहानपिं फुक्‍कसिनं प्रभुयात विश्‍वास यात। अले हानं यक्‍व हे कोरिन्‍थीतय्‌सं पावलयागु खँ न्‍यनाः विश्‍वास यानाः बप्‍तिस्‍मा काल।

प्रेरित 2:5

अबलय् सारा संसारय् च्‍वंपिं परमेश्‍वरयात मानय् याइपिं यहूदीत यरूशलेमय् वयाच्‍वंगु दु।

प्रेरित 22:12

“अन च्‍वंपिं यहूदीतय्‌सं मानय् यानातःम्‍ह अले मोशायागु व्‍यवस्‍थाय् धयातःथें यानाजुइम्‍ह हननिया धाःम्‍ह छम्‍ह मनुखं वयाः

प्रेरित 8:2

सुं विश्‍वासीतय्‌सं वयाः स्‍तिफनसयात यंकाः थुनाबिल। थथे व सीगुलिं इपिं तसकं नुगः मछिंकाः ख्‍वल।

प्रेरित 9:11

प्रभुं वयात धयादिल – “याकनं तप्‍यं धाःगु गल्‍लिइ वनाः यहूदायागु छेँय् टार्ससयाम्‍ह शाऊल धाःम्‍ह मनूयात माः हुँ। वं प्रार्थना यानाच्‍वंगु दु।

प्रेरित 9:31

थथे यहूदिया, गालील व सामरियाय् च्‍वंगु मण्‍डलीइ सुख शान्‍ति जुल। प्रभुयात हनेगु व वय्‌कःयागु खँ न्‍यनिगुलिं यानाः पवित्र आत्‍मायागु ग्‍वाहालि दयाः मण्‍डली च्‍वन्‍ह्याना वल, अले विश्‍वासीत नं यक्‍व दयावल।

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

कलस्‍सी 4:2

छिमिसं प्रार्थना यायेगु गुबलें त्‍वःते मते। म्‍हुतुं जक प्रार्थना यायेगु मखु, दुनुगलंनिसें परमेश्‍वरयात सुभाय् बियाः प्रार्थना यायेमाः।

१ थेसलोनिकी 5:17

न्‍ह्याबलें प्रार्थना याना च्‍वँ।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”