प्रेरित 1:9 - नेवाः बाइबल

⁹ थुलि धयादी धुंकाः इमिसं स्‍वया च्‍वँच्‍वं हे वय्‌कःयात थत यंकाः सुपाँचं त्‍वपुयाबिल।

प्रेरित 1:9 ပူးပေါင်းရင်းမြစ်များ

भजनसंग्रहया सफू 68:18

हे परमप्रभु परमेश्‍वर, छि तःजाःथाय् थाहां झाःबलय् छिं कैदीतय्‌त ज्‍वनाः झाल। छिं मनूतय्‌गु देछा कयादिल, विद्रोहीतय्‌गु देछा तकं कयादिल, हे परमप्रभु परमेश्‍वर, छि अन सदांया निंतिं च्‍वनादी।

प्रस्‍थान 19:9

परमप्रभुं वयात धयादिल, “स्‍व, जिं छनापं खँ ल्‍हाइबलय् मनूतय्‌सं तायेमा अले छन्‍त न्‍ह्याबलें पत्‍याः यायेमा धकाः जि छन्‍थाय् ख्‍वातुगु सुपाँचय् वये।” अले मनूतय्‌सं धाःगु खँ मोशां परमप्रभुयात कन।

प्रस्‍थान 34:5

अले परमप्रभु सुपाँचय् क्‍वहां झायाः व नापं अन दनाः थःगु पवित्र नां, “परमप्रभु” धकाः न्‍ववानादिल।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

दानिएल 7:13

“चान्‍हय्‌यागु जिगु दर्शनय् जिं मनूया काय् थें च्‍वंम्‍ह सुं छम्‍ह आकाशया सुपाँय्‌नापं झायाच्‍वंगु खना। अले वय्‌कः न्‍ह्याबलें म्‍वानाच्‍वनादीम्‍हय्‌सिया थ्‍यन अले इमिसं वय्‌कःयात वय्‌कःया न्‍ह्यःने हल।

मर्कूस 16:19

थथे इपिं नाप खँ ल्‍हाये धुंकाः प्रभु येशूयात स्‍वर्गय् थत यंकल। अले वय्‌कः परमेश्‍वरयागु जवय् च्‍वनादिल।

लूका 21:27

अले इमिसं मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी।

यूहन्‍ना 6:62

मनूया काय् वय्‌कःया न्‍हापायागु थासय् तुं लिहां वंगु खन धाःसा छिमिसं छु यायेगु?

प्रेरित 1:11

थथे धाल – “गालीलय् च्‍वंपिं मनूत, छाय् वातां दनाः आकाशय् स्‍वयाच्‍वनागु? येशू स्‍वर्गय् झायादीगु छिमिसं खंथें तुं वय्‌कः हानं अथे हे थन लिहां झायादी तिनि।”

प्रेरित 1:2

वय्‌कलं ल्‍ययादीपिं प्रेरिततय्‌त पवित्र आत्‍मां आज्ञा बियादी धुंकाः स्‍वर्गय् झायादीगु खँ तक च्‍वयागु दु।

१ थेसलोनिकी 4:17

थ्‍व हे इलय् तक म्‍वानाच्‍वंपिं नं इपिं नाप तुं प्रभुयात आकाशय् नापलायेत सुपाँचय् थाहां वनी। थुकथं झीपिं सदां प्रभु नाप च्‍वने खनी।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

प्रकाश 1:7

“स्‍व, वय्‌कः सुपाँचय् झायादी तिनि, फुक्‍कसिगु मिखां खनीतिनि, वय्‌कःयात भालां सूपिन्‍सं नं खनी। अले संसारय् च्‍वंपिं फुक्‍क जातियापिं मनूत वय्‌कःयात खनाः नुगः दादां ख्‍वये मालीतिनि। थथे ला जु हे जुइ। आमेन!”

प्रकाश 11:12

अले इमिसं स्‍वर्गं थथे धयाहःगु सः ताल – “थन थाहां वा।” इमि शत्रुतय्‌सं खंक खंक हे इपिं सुपाँचय् च्‍वनाः स्‍वर्गय् थाहां वन।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।