प्रेरित 1:5 - नेवाः बाइबल

⁵ यूहन्‍नां ला लखं बप्‍तिस्‍मा बिल, आः याकनं हे पवित्र आत्‍मापाखें छिमिगु बप्‍तिस्‍मा जुइतिनि।”

प्रेरित 1:5 ပူးပေါင်းရင်းမြစ်များ

योएल 3:18

“व दिंखुन्‍हु पहाडं तसकं साःगु दाखमद्य ज्‍वया वइ। अले डाँडाय् दुरु बाः वइ। यहूदाया फुक्‍कं खुसिचाय् लः बा वइ। परमप्रभुया देगलय् लःया मूल तज्‍यानाः लः पिहां वयाः शित्तीमया बेँसीयात प्‍याकी।

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मत्ती 3:6

अले थथःगु पाप स्‍वीकार यानाः यर्दन खुसिइ यूहन्‍नापाखें बप्‍तिस्‍मा काल।

मर्कूस 1:8

जिं ला छिमित लखं बप्‍तिस्‍मा बियाच्‍वना। वय्‌कलं छिमित पवित्र आत्‍मां बप्‍तिस्‍मा बियादी।”

लूका 3:16

उकिं यूहन्‍नां इमित थथे धाल – “जिं ला छिमित लखं बप्‍तिस्‍मा बियाच्‍वना। जि स्‍वयाः तःधंम्‍ह छम्‍ह झायाच्‍वंगु दु। वय्‌कःयागु लाकांया पुतु फ्‍यनेत तकं जि मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

यूहन्‍ना 1:26

वं लिसः बियाः धाल – “जिं ला छिमित लखं बप्‍तिस्‍मा बिया, अय्‌नं छिमिगु पुचलय् छिमिसं हे म्‍हमस्‍यूनिम्‍ह छम्‍ह दनाच्‍वंगु दु।

यूहन्‍ना 1:31

जिं नं वय्‌कःयात म्‍हमस्‍यू, अय्‌नं वय्‌कःयात इस्राएलीतय्‌त म्‍हसीके बी माःगुलिं जिं लखं बप्‍तिस्‍मा बियाच्‍वनागु खः।”

यूहन्‍ना 1:33

जिं थथःम्‍हं तुं वय्‌कःयात म्‍हमस्‍यू, अय्‌नं जितः लखं बप्‍तिस्‍मा बीके छ्वया हःम्‍हय्‌सिनं थथे धयादिल – ‘गुम्‍हय्‌सिके आत्‍मा क्‍वहां वयाः च्‍वनी, पवित्र आत्‍मां बप्‍तिस्‍मा बीम्‍ह व हे खः।’

प्रेरित 10:45

थथे यहूदीमखुपिन्‍त नं पवित्र आत्‍मां जाय्‌कादीगु खनाः पत्रुस नाप वःपिं यहूदी विश्‍वासीत अजू चाल,

प्रेरित 19:4

थ्‍व न्‍यनाः वं धाल – “यूहन्‍नां ब्‍यूगु बप्‍तिस्‍मा पश्‍चातापयागु बप्‍तिस्‍मा खः। वं थः लिपा वयाच्‍वंम्‍ह येशूयात विश्‍वास याः धकाः मनूतय्‌त कनीगु खः।”

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

तीतस 3:5

वय्‌कलं झीत मुक्ति बियादिल। झीसं भिंगु भिंगु जक ज्‍या यानागुलिं झीत मुक्ति बियादीगु मखु, बरु वय्‌कलं दया यानाः झीत झीगु पाप सिलाः न्‍हूपिं यानाः व पवित्र आत्‍मायागु शक्तिं मुक्ति बियादीगु खः।