प्रेरित 1:3 - नेवाः बाइबल

³ दुःख सीधुंकाः वय्‌कलं पिइन्‍हु तक धुवांधु इमिथाय् झायाः इमित परमेश्‍वरया राज्‍ययागु खँ कँकं वय्‌कः हानं म्‍वानावःगु खः धयागु यक्‍व ग्‍यसुलाःगु दसि क्‍यनादिल।

प्रेरित 1:3 ပူးပေါင်းရင်းမြစ်များ

१ राजा 19:8

वं दनाः नल, त्‍वन, व हे नसां बल दयाः पिइन्‍हु तक चान्‍हि न्‍यासि वँवं व परमेश्‍वरया पर्वत होरेबय् थ्‍यंकः वन।

मत्ती 21:43

“उकिं जिं छिकपिन्‍त धाये – परमेश्‍वरयागु राज्‍य छिकपिनिगु ल्‍हातं लिफ्‍यानाः परमेश्‍वरयागु ज्‍या बांलाक याइपिं मनूतय्‌त बियादी।

मत्ती 28:9

येशूं इमित नाप लानाः “छिमित शान्‍ति दयेमा” धकाः धयादिल। इमिसं न्‍ह्यःने वनाः वय्‌कःयागु तुति ज्‍वनाः भ्‍वपुल।

मत्ती 3:2

थथे धकाः भिंगु खँ न्‍यंकाजुल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वःगु दु।”

मत्ती 4:2

पिइन्‍हु पिइचा तक अपसं च्‍वनादीगुलिं वय्‌कःयात तसकं हे नयेपित्‍यात।

मर्कूस 16:19

थथे इपिं नाप खँ ल्‍हाये धुंकाः प्रभु येशूयात स्‍वर्गय् थत यंकल। अले वय्‌कः परमेश्‍वरयागु जवय् च्‍वनादिल।

यूहन्‍ना 20:26

च्‍यान्‍हु लिपा, वय्‌कःया चेलात हानं खापा तिनाः छेँय् मुनाच्‍वन। थुबलय् अन थोमा नं दु। खापा तिनातःथाय् हे दुहां झायाः येशूं इमिगु दथुइ दनाः थथे धयादिल – “छिमित शान्‍ति दयेमा।”

यूहन्‍ना 21:1

अनंलि येशू हानं तिबेरियास समुद्र सिथय् चेलातय्‌थाय् खनेदय्‌कः झाल।

यूहन्‍ना 21:14

सिनाः म्‍वाना वये धुंकाः चेलातय्‌थाय् झायाः क्‍यनादीगु थ्‍वनापं स्‍वकः जुल।

प्रेरित 13:31

अले तःन्‍हु तक थःपिं नाप गालीलंनिसें यरूशलेमय् थ्‍यंक वःपिन्‍थाय् खनेदय्‌कः झाल। थुपिं आः तक थ्‍व खँया साक्षी दनि।

प्रेरित 19:8

अले पावलं स्‍वला तक धर्मशास्‍त्र स्‍यनीगु छेँय् वनाः इपिं दक्‍वसिया न्‍ह्यःने मनूतय्‌त मग्‍यासे परमेश्‍वरया राज्‍ययागु खँ कनाः विश्‍वास याकेगु कुतः यात।

प्रेरित 28:23

अले इमिसं छन्‍हु पावलया खँ न्‍यनेगु क्‍वःछित। क्‍वःछिना तःखुन्‍हु हे इपिं फुक्‍क पावल च्‍वनाच्‍वंगु छेँय् मुंवल। उखुन्‍हु वं सुथंनिसें बहनी तकं इमित परमेश्‍वरयागु राज्‍ययागु खँ बांलाक ध्‍वाथुइक कन। मोशायागु व्‍यवस्‍था व अगमवक्तातय्‌गु सफुलिं ग्‍वाहालि कयाः वं येशूयागु खँ नं ध्‍वाथुइक कन।

प्रेरित 28:31

थुकथं वं परमेश्‍वरयागु राज्‍ययागु खँ न्‍यंकाः प्रभु येशू ख्रीष्‍टयागु खँ स्‍यनाच्‍वन। वयात सुनानं पने मफु, अले वं मग्‍यासे थथे यानाच्‍वन।

प्रेरित 8:12

अय्‌नं फिलिपं इमित परमेश्‍वरयागु राज्‍य व येशू ख्रीष्‍टयागु भिंगु खँ न्‍यंकल। इमिसं वं धाःगु खँय् विश्‍वास यानाः मिसा मिजं सकसिनं बप्‍तिस्‍मा काल।

रोमी 14:17

परमेश्‍वरयागु राज्‍य नयेगु व त्‍वनेगु जक मखु, बरु पवित्र आत्‍मां बियादीगु धार्मिकता, शान्‍ति व आनन्‍द खः।

व्‍यवस्‍था 9:18

छिमिसं परमप्रभुया मिखाय् पाप ज्‍या यानाः वय्‌कःयात तंचाय्‌कूगुलिं जि न्‍हापा थें पिइन्‍हु व पिइचा तक परमप्रभुया न्‍ह्यःने भ्‍वसुलाच्‍वना। जिं मरि मनया लः नं मत्‍वना।

व्‍यवस्‍था 9:9

परमप्रभुं छिपिंलिसें चिनादीगु बाचाया ल्‍वहं पौ कायेत जि पहाडय् थाहां वना। अले पिइन्‍हु व पिइचा जि व पहाडय् च्‍वना। जिं मरि नं मनया लः नं मत्‍वना।

कलस्‍सी 1:13

वय्‌कलं हे झीत शैतानयागु खिउँगु राज्‍यं लिगनाः थः यःम्‍ह काय्‌यागु राज्‍यय् हयादिल।

१ थेसलोनिकी 2:12

छिमिसं परमेश्‍वरयात यःथें याना जुइ फयेमा धकाः जिमिसं छिमित गुलि अर्ती व साहस बिया। वय्‌कलं हे छिमित थःगु राज्‍यय् दुकायेत व तःधंकेत सःतादीगु खः।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।