२ तिमोथी 4:22 - नेवाः बाइबल

²² प्रभु छंगु नुगलय् दीमा। परमेश्‍वरं छिमित दया माया यानादीमा।

२ तिमोथी 4:22 ပူးပေါင်းရင်းမြစ်များ

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

१ कोरिन्‍थी 16:23

प्रभु येशूयागु दया माया छिमित दयेमा।

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

गलाती 6:18

यःपिं दाजुकिजापिं, झी प्रभु येशू ख्रीष्‍टया दया माया छिमित दयाच्‍वनेमा। आमेन।

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

फिलिप्‍पी 4:23

येशू ख्रीष्‍टयागु दया माया छिपिं फुक्‍कसित दया हे च्‍वनेमा।

कलस्‍सी 4:18

जि पावलं थःगु हे ल्‍हातं छिमित ज्‍वजलपा च्‍वयाच्‍वनागु दु। जि झ्‍यालखानाय् लानाच्‍वंगु खँ छिमिसं ल्‍वःमंके मते। परमेश्‍वरं छिमित दया माया यानादीमा।

१ तिमोथी 6:21

छाय्‌धाःसा गुलिसिनं ला थज्‍याःगु खँय् जुयाः विश्‍वासयागु लँ हे त्‍वफिका छ्वःगु दु। परमेश्‍वरं छिमित दया माया यानादीमा।

फिलेमोन 1:25

प्रभु येशू ख्रीष्‍टं छिमित दया माया यानादीमा।

१ पत्रुस 5:14

आम्‍कन च्‍वंपिं दाजुकिजापिं सकसितं थःथवय् यचु नुगलंनिसें माया यानाः ज्‍वजलपा यायेगु या। ख्रीष्‍टया मनूत, छिमित शान्‍ति दयाच्‍वनेमा।

प्रकाश 22:21

प्रभु येशूयागु दया माया फुक्‍कसित दयेमा। आमेन।