२ तिमोथी 4:19 - नेवाः बाइबल

¹⁹ प्रिस्‍किला व अकिलास, अले ओनेसिफरसया जहानपिं सकसितं जिगु ज्‍वजलपा धयाब्‍यु।

२ तिमोथी 4:19 ပူးပေါင်းရင်းမြစ်များ

मत्ती 5:47

छिमिसं थः दाजुकिजापिन्‍त जक हनाबना तल धाःसा छु हे भिंगु ज्‍या यात? छु परमेश्‍वरयात म्‍हमस्‍यूपिन्‍सं जक अथे मयाः ला?

प्रेरित 18:18

अथे जुइ धुंकाः नं तःन्‍हु तक पावल विश्‍वासी दाजुकिजापिं नाप अन हे च्‍वन। अले पावल, प्रिस्‍किला व अकिलास नाप लःजहाजय् च्‍वनाः सिरियापाखे वन। वने न्‍ह्यः पावलं थःम्‍हं भाकल याःथें किंक्रियाय् सँ खात।

प्रेरित 18:2

कोरिन्‍थय् वं पोन्‍टसयाम्‍ह अकिलास धाःम्‍ह छम्‍ह यहूदी मनू नापलात। कैसर क्‍लौडियसं फुक्‍क यहूदीतय्‌त रोमं पिहां वनेगु आज्ञा ब्‍यूगुलिं थ्‍व अकिलास नं थः कलाः प्रिस्‍किला नाप नकतिनि हे जक इटालियां कोरिन्‍थय् वयाः च्‍वनाच्‍वंगु खः। पावलं इमित नापलाः वन।

प्रेरित 18:26

वं धर्मशास्‍त्र स्‍यनीगु छेँय् वनाः मग्‍यासे स्‍यनेकने याना जुल। थथे वं स्‍यना जूगु प्रिस्‍किला व अकिलासं न्‍यनाः वयात थःगु छेँय् ब्‍वना यंकाः परमेश्‍वरयागु लँयागु खँ अज्‍जं बांलाक ध्‍वाथुइका बिल।

१ कोरिन्‍थी 16:19

एशियाय् च्‍वंगु मण्‍डलीपाखें छिमित ज्‍वजलपा धयाहःगु दु। अकिलास व प्रिस्‍का अले इमिगु छेँय् दुगु मण्‍डलीं नं प्रभुयागु नामं छिमित ज्‍वजलपा धयाहःगु दु।