२ तिमोथी 4:18 - नेवाः बाइबल

¹⁸ प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।

२ तिमोथी 4:18 ပူးပေါင်းရင်းမြစ်များ

उत्‍पत्ति 48:16

जितः दुःखय् ग्‍वाहालि यानादीम्‍ह स्‍वर्गदूतं थ्‍व मस्‍तय्‌त आशिष बियादीमा। अले थुमिपाखें हे जिगु नां, जिमि बाज्‍या अब्राहाम व बाः इसहाकयागु नां ल्‍यनाच्‍वने मा। पृथ्‍वीइ थुमि सन्‍तान यक्‍व दयाः न्‍यनावनेमा।”

१ इतिहास 4:10

तर याबेसं इस्राएलयाम्‍ह परमेश्‍वरयात थथे धकाः प्रार्थना यात, “हे परमेश्‍वर, जितः आशिष बियादिसँ। जितः तःकूगु इलाका बियादिसँ। जिं यानागु न्‍ह्यागु नं ज्‍याय् छि जिनापं च्‍वनादिसँ। जितः कसाः बीगु दुःखपाखें बचय् यानादिसँ।” अले परमेश्‍वरं वयागु बिन्‍ति न्‍यनादिल।

भजनसंग्रहया सफू 121:7

परमप्रभुं छन्‍त फुक्‍क मभिंगु खं बचय् यानादी, वय्‌कलं छंगु बिचाः यानादी।

भजनसंग्रहया सफू 37:28

छाय्‌धाःसा परमप्रभु सत्‍य यःम्‍ह खः, वय्‌कलं थःत विश्‍वास याइपिन्‍त गुब्‍सं त्‍वःतादी मखु। वय्‌कलं इमित न्‍ह्याबलें बचय् यानादी। मभिंपिं मनूतय् सन्‍तान धाःसा नाश जुइ।

भजनसंग्रहया सफू 73:24

छिं जितः सल्‍लाह बियाः लँ क्‍यनादी अले लिपा जितः तःधंकाः थःथाय् दुकयादी।

भजनसंग्रहया सफू 92:10

छिं जितः गुँयाम्‍ह द्वहं थें बल्‍लाकादीगु दु, छिं जितः लसताया चिकनं अभिषेक यानादीगु दु।

हितोपदेश 14:32

दुष्‍टत इमिगु मभिंगु ज्‍यां यानाः नाश जुयावनी, धर्मीतय्‌त सीबलय् नं रक्षा याना तइ।

मत्ती 13:43

परमेश्‍वरं यःथें यानाजुइपिं जक थः परमेश्‍वर बाःया राज्‍यय् सूर्य थें थिनाच्‍वनी। सुयाके न्‍हाय्‌पं दु वं न्‍यनाः का।”

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

लूका 11:4

जिमिगु पाप क्षमा यानादिसँ, गथे जिमिसं नं जिमित स्‍यंकूपिन्‍त क्षमा याना बियाच्‍वनागु दु। प्रभु, जिमित सह याये मफय्‌क जाँचय् लाकादी मते।’”

लूका 12:32

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।

लूका 22:29

अय्‌जूगुलिं गथे जिमि बाःनं जितः जुजु यानादिल, जिं नं छिमित अथे हे यानाबी।

यूहन्‍ना 17:15

अय्‌जूसां छिं इमित संसारं यंकादिसँ धकाः मखु बरु इमित मभिंगु ज्‍याखँ मयाकुसे बचय् यानातयादिसँ धकाः जिं छितः बिन्‍ति यानागु खः।

रोमी 11:36

फुक्‍कं परमेश्‍वरं सृष्‍टि यानादीगु खः। वय्‌कलं हे यानाः अले वय्‌कःयात हे फुक्‍क दुगु खः। वय्‌कःया हे सदां जयजय जुयाच्‍वनेमा! आमेन।

रोमी 16:27

छम्‍ह हे जक बुद्धिमान परमेश्‍वरयात येशू ख्रीष्‍टयापाखें सदां जयजय जुयाच्‍वनेमा। आमेन।

१ कोरिन्‍थी 1:21

थःगु हे ज्ञान बुद्धिं मनूतय्‌सं परमेश्‍वरयात म्‍हसीके फइ मखु धयागु खँ वय्‌कलं स्‍यू। उकिं सःस्‍यूपिन्‍सं मूर्ख खँ ताय्‌कूगु येशू क्रूसय् सिनादीगु खँ न्‍यनाः विश्‍वास याःपिन्‍त बचय् यायेगु क्‍वःछिनादिल।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

१ कोरिन्‍थी 15:50

यःपिं दाजुकिजापिं, परमेश्‍वरं जितः धयादीगु सत्‍य खँ थ्‍व हे खः। थ्‍व संसारय् म्‍वानाच्‍वंपिं मनूत स्‍वर्गय् परमेश्‍वरयागु राज्‍यय् दुथ्‍याइ मखु। अथे हे नाश जुइपिन्‍सं नाश मजुइके फइ मखु।

२ कोरिन्‍थी 1:10

अथे सी हे धुंकूपिं जिमित परमेश्‍वरं बचय् यानादिल, थथे हे लिपा तक नं बचय् यानातयादी। वय्‌कलं हानं हानं जिमित बचय् यानातयादी धकाः वय्‌कःयाके जिमिसं आशा तयाच्‍वना।

गलाती 1:5

परमेश्‍वर सदां तःधना च्‍वनेमा! आमेन।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

२ थेसलोनिकी 3:3

प्रभु विश्‍वास याये बहःम्‍ह खः। वय्‌कलं हे छिमित बल्‍लाकादी, अले दुष्‍टम्‍ह मनूपाखें बचय् यानातयादी।

१ तिमोथी 1:17

न्‍ह्याबलें दयाच्‍वनीम्‍ह जुजु, गुबलें सी मखुम्‍ह, खने मदुम्‍ह छम्‍ह हे जक परमेश्‍वर न्‍ह्याबलें तःधनेमा अले वय्‌कःयात हे फुक्‍कसिनं हनेमा। आमेन।

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

२ तिमोथी 4:1

सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

हिब्रू 11:16

तर इमिसं व स्‍वयाः भिंगु व बांलाःगु स्‍वर्गयागु देशय् वनेगु मनंतुनाच्‍वंगु दु। उकिं परमेश्‍वरं नं थःत इमि परमेश्‍वर खः धकाः धयादीत लज्‍या चायामदी, छाय्‌धाःसा वय्‌कलं इमिगु निंतिं छगू शहर हे दय्‌कादीगु दु।

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।

१ पत्रुस 5:11

परमेश्‍वरयाके न्‍ह्याबलें शक्ति दयाच्‍वनेमा। आमेन।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

यहूदा 1:1

याकूबया किजा व येशू ख्रीष्‍टया दास यहूदापाखें परमेश्‍वरं सःतादीपिन्‍त, परमेश्‍वर बाःनं माया यानातःपिन्‍त, अले येशू ख्रीष्‍टं बचय् यानातःपिन्‍त ज्‍वजलपा।

१ शमूएल 17:37

सिंह व भालूपाखें बचय् यानादीम्‍ह परमप्रभुं थ्‍व पलिश्‍तीयागु ल्‍हातं नं जितः बचय् यानादी।” शाऊलं धाल, “अथे खःसा छ हुँ, अले परमप्रभु छनापं दीमा।”

१ शमूएल 25:39

नाबाल सित धकाः दाऊदं न्‍यन अले धाल, “परमप्रभुया प्रशंसा जुइमा! जितः मभिंकाः हेस्‍याःगुलिं वय्‌कलं वयात ब्‍वलासायादिल अले जितः मभिं यायेगुपाखें बचय् यानादिल। नाबालं याःगु मभिंगु ज्‍या परमप्रभुं वयागु हे छेनय् प्‍वंकादिल।” अनंलि दाऊदं थः च्‍यःतपाखें अबीगेलयात थःनापं ब्‍याहा यायेगु निंतिं खबर छ्वल।