२ तिमोथी 4:16 - नेवाः बाइबल

¹⁶ दकलय् न्‍हापां जिगु मुद्दा जूबलय् जिगु पंलिनाः सुनानं नमवाः। फुक्‍कसिनं जितः त्‍वःतल। इमिसं थुकियागु ल्‍याःचाः प्रभुयात बी म्‍वाःलेमा।

२ तिमोथी 4:16 ပူးပေါင်းရင်းမြစ်များ

मर्कूस 14:50

अले चेलात फुक्‍क उखेलाः थुखेलाः मदय्‌क बिस्‍युं वन।

लूका 12:11

“छिमित ज्‍वनाः धर्मशास्‍त्र स्‍यनीगु छेँ, तःधंम्‍ह हाकिमयाथाय्, अले अदालतय् न्‍ह्याथाय् यंकूसां छिमिसं इमित छु लिसः बीगु धकाः धन्‍दा काये म्‍वाः।

यूहन्‍ना 16:32

ई वइ, अले वये नं धुंकल, आः छिपिं फुक्‍कं जितः त्‍वःताः छ्यालब्‍याल जुयाः थथःगु थासय् वनी। थुकथं जि याकःचा जुइ, अय्‌नं जि याकःचा जुइ मखु, छाय्‌धाःसा जि नाप बाः दी।

प्रेरित 22:1

“बाः धाये ल्‍वःपिं व दाजुकिजापिं, छिकपिन्‍त धायेमाःगु जिगु खँ न्‍यनादिसँ।”

प्रेरित 25:16

जिं इमित थथे धकाः लिसः बिया – ‘सुनानं मनूयात वयागु दोष ठहरय् मजुइकं सजाँय बीगु रोमीतय्‌गु चलन मदु। अले वं पाः याःपिनिगु न्‍ह्यःने थःगु खँ नं धाये दयेमाः।’

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।

१ कोरिन्‍थी 13:5

माया दुम्‍ह मनू छुच्‍चा जुइ मखु, वं थः जक भिंकेगु स्‍वइ मखु, तंम्‍वय्‌की मखु, अले जुइ धुंकूगु बांमलाःगु व मभिंगु लुमंका तइ मखु।

१ कोरिन्‍थी 9:3

जितः कुंखिनिपिन्‍त जिं थथे लिसः बी –

२ कोरिन्‍थी 7:11

छिमिसं दुःख ताय्‌कूगुलिं परमेश्‍वरं छु यानादिल लुमंकी। थुकिं यानाः छिमित भिंपिं यानाबिल, द्वंबिद्वं मदु धकाः क्‍यनेत छिमित हथाय् चाय्‌कल। जिगु तमं छिमित ग्‍याकल, जितः स्‍वयेत छिमित आय्‌बुइकल। अले दोषीम्‍हय्‌सित सजाँय बीमाः धकाः मतिइ तय्‌कल। थुकिं हे छिमिके दोष मदु धयागु सीदत।

फिलिप्‍पी 1:17

मेपिन्‍सं धाःसा जि कुंका तःम्‍हय्‌सित अज्‍ज अप्‍वः दुःख सास्‍ती यायेमा धकाः मभिंगु मतिइ तयाः ख्रीष्‍टयागु खँ न्‍यंकाजूगु खः।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

२ तिमोथी 1:15

एशियाय् च्‍वंपिं फुक्‍कसिनं जितः त्‍वःतावन धकाः ला छं सि हे स्‍यू। फुगेलस व हेर्मोगेनसं तकं जितः त्‍वःतावन।

२ तिमोथी 4:10

डेमास थ्‍व संसारयात माया यानाः जितः त्‍वःताः थेसलोनिकाय् वने धुंकल। क्रेसेन्‍स गलातियाय् वन, तीतस दलमातियाय् वन।

२ तिमोथी 4:15

व खनाः छं नं होश‍ यानाच्‍वँ, छाय्‌धाःसा वं झीगु भिंगु खँयात तसकं मभिंकाः खँ ल्‍हानाच्‍वंगु दु।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।