२ तिमोथी 4:14 - नेवाः बाइबल

¹⁴ अलेक्‍जेन्‍डर सिजःकःमिनं जितः तसकं बांमलाकल। प्रभुं वयात यायेमाःगु यानादी।

२ तिमोथी 4:14 ပူးပေါင်းရင်းမြစ်များ

२ शमूएल 3:39

जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

भजनसंग्रहया सफू 28:4

इमिगु ज्‍या व इमिसं याःगु मभिंगु ज्‍याकथं इमित सजाँय बियादिसँ, इमिगु ल्‍हातं याःगु ज्‍याकथं इमित पलेसा बियादिसँ, अले इमित बीमाःगु सजाँय बियादिसँ।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

यर्मिया 15:15

छिं स्‍यू, हे परमप्रभु, जितः लुमंकादिसँ, जितः वास्‍ता यानादिसँ। जिगु निंतिं जितः कसाः बीपिन्‍त बदला कयादिसँ। छि सह याये फुम्‍ह खः, जितः यंकादी मते! छिगु लागिं जिं गुलि ब्‍वः फये माल! व लुमंकादिसँ।

विलाप 3:64

हे परमप्रभु, इमिसं याःगु मभिंगु ज्‍याकथं इमित थिक सजाँय बियादिसँ।

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

रोमी 2:6

मनूतय्‌सं गथे गथे यात अथे अथे हे वय्‌कलं न्‍याय यानादी।

२ थेसलोनिकी 1:6

छिमित दुःखकष्‍ट ब्‍यूपिन्‍त वय्‌कलं दुःखकष्‍ट बियादी। परमेश्‍वर न्‍याय यानादीम्‍ह खः।

१ तिमोथी 1:20

अथे स्‍यंपिं मध्‍ये हुमेनियस व अलेक्‍जेन्‍डर नं खः। अज्‍ज अप्‍वः थुमिसं प्रभुयात बांमलाकाः खँ ल्‍हाना मजुइमा धकाः जिं थुमित शैतानयागु ल्‍हातय् लःल्‍हानाबी धुन।

२ तिमोथी 4:15

व खनाः छं नं होश‍ यानाच्‍वँ, छाय्‌धाःसा वं झीगु भिंगु खँयात तसकं मभिंकाः खँ ल्‍हानाच्‍वंगु दु।

१ यूहन्‍ना 5:16

सुनानं थः किजायात सीम्‍वाःलिगु पाप यानाच्‍वंगु खंसा वं थः किजायालागिं प्रार्थना यायेमाः। परमेश्‍वरं वयात जीवन बियादी। तर थ्‍व धाःसा सीम्‍वाःलिगु पाप याःपिनिगु निंतिं जक खः। सी मालिगु पाप नं दु। तर जिं छिमित थुकिया लागि प्रार्थना या धकाः धाये मखु।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 18:6

वं छिमित गथे यानातःगु खः छिमिसं नं वयात अथे हे या। वं याःगु ज्‍या सिबय् निदुगं अप्‍वः वयात छिमिसं नं या। छिमित त्‍वंकेत ख्‍वल्‍चाय् तयाब्‍यूगु सिबय् निदुगं अप्‍वः कडागु वयागु ख्‍वल्‍चाय् तयाब्‍यु।

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”

१ शमूएल 24:12

“झीपिं निम्‍हय्‌सियागु दथुइ परमप्रभुं हे न्‍याय यानादीमा। छिसं जिगु विरोधय् यानादीगु ज्‍याया निंतिं परमप्रभुं हे छितः बदला कयादीमा। अय्‌नं जिं धाःसा थःगु ल्‍हाः छिगु विरोधय् गुब्‍सं ल्‍ह्वने मखु।