२ तिमोथी 4:10 - नेवाः बाइबल

¹⁰ डेमास थ्‍व संसारयात माया यानाः जितः त्‍वःताः थेसलोनिकाय् वने धुंकल। क्रेसेन्‍स गलातियाय् वन, तीतस दलमातियाय् वन।

२ तिमोथी 4:10 ပူးပေါင်းရင်းမြစ်များ

मत्ती 12:32

मनूया काय्‌यात मभिंकाः खँ ल्‍हाःम्‍हय्‌सित क्षमा यानाबी, पवित्र आत्‍मायात मभिंकाः खँ ल्‍हाःम्‍हय्‌सित धाःसा आः नं, लिपा नं, गुबलें हे क्षमा बी मखु।”

मत्ती 26:56

अगमवक्तातय्‌सं धर्मशास्‍त्रय् च्‍वया थकूगु पूवनेमा धकाः हे थथे जूगु खः।” अले चेलात फुक्‍कं वय्‌कःयात त्‍वःताः उखेलाः थुखेलाः मदय्‌क बिस्‍युं वन।

लूका 14:33

अथे हे छिमिसं नं थःके दुगु फुक्‍कं त्‍वःते मफुसा छिपिं जिम्‍ह चेला जुइ फइ मखु।

लूका 16:13

“सुं च्‍यलं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा, मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।”

लूका 17:32

लोतया कलाःयात लुमंकी।

प्रेरित 13:13

पावल व वया पासापिं पाफोसं लःजहाजय् च्‍वनाः पामफिलियाय् लाःगु पर्गा धाःगु शहरय् थ्‍यंकः वल। यूहन्‍ना धाःसा इमित अन हे त्‍वःताः यरूशलेमय् लिहां वन।

प्रेरित 15:38

न्‍हापा प्रभुयागु खँ न्‍यंका जूबलय् व इमित पामफिलियाय् त्‍वःताः लिहां वंगुलिं पावलं वयात ब्‍वना मयंकेगु खँ ल्‍हात।

प्रेरित 16:6

इमित पवित्र आत्‍मां एशियाय् प्रभुयागु खँ न्‍यंक वने मते धकाः पनादीगुलिं इपिं फ्रिगिया व गलातिया देश जुयाः वन।

प्रेरित 17:1

अनं इपिं अम्‍फिपोलिस व अपोल्‍लोनिया जुयाः थेसलोनिके शहरय् वन। अन धर्मशास्‍त्र स्‍यनीगु छेँ छखा दु।

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

प्रेरित 17:13

थेसलोनिकेय् च्‍वंपिं यहूदीतय् नायःतय्‌सं पावलं बेरियाय् वनाः परमेश्‍वरयागु वचन न्‍यंकाच्‍वंगु दु धकाः सीकाः अन नं मनूतय्‌त ग्‍वाकाः जुल।

प्रेरित 18:23

लिपा व हानं गलातिया व फ्रिगिया वनाः थाय् थासय् च्‍वंपिं विश्‍वासीतय्‌त साहस बियाः विश्‍वासय् बल्‍लाका थकल।

२ कोरिन्‍थी 2:13

अय्‌नं किजा तीतसयात लुइके मफुगुलिं जितः तसकं सुख मन्‍त। अय्‌जूगुलिं जि अनं बिदा कयाः माकेडोनिया वना।

२ कोरिन्‍थी 7:6

अय्‌नं नुगः ख्‍वःपिन्‍त सान्‍त्‍वना बियादीम्‍ह परमेश्‍वरं तीतसयात छ्वयाहयाः जिमित लय्‌ताय्‌कादिल।

२ कोरिन्‍थी 8:16

परमेश्‍वरं यानाः तीतसं नं जिं थें छिमित ग्‍वाहालि बी मास्‍ति वय्‌काच्‍वंगुलिं जिमिसं परमेश्‍वरयात सुभाय् बियाच्‍वनागु दु।

२ कोरिन्‍थी 8:23

तीतस जक जि लिसे जानाः छिमित ग्‍वाहालि बीगु ज्‍या यानाच्‍वंम्‍ह खः। व नाप वःपिं मेपिं दाजुकिजापिं मण्‍डलीयापिं मनूत खः, इपिं नं ख्रीष्‍टयागु नां तःधंकेत ज्‍या याइपिं खः।

२ कोरिन्‍थी 8:6

तीतसं न्‍हापा हे छिमिथाय् शुरु याये धुंकूगु भिंगु ज्‍या पूवंकेत जिमिसं वयात हे छ्वयाहयागु खः।

गलाती 1:2

जिलिसें थन दुपिं दाजुकिजापिनिपाखें गलातियाय् च्‍वंगु मण्‍डलीयात ज्‍वजलपा!

फिलिप्‍पी 2:21

येशू ख्रीष्‍टयागु च्‍यूताः हे मतसे मेपिं फुक्‍कं थथःगु स्‍वार्थया ज्‍याय् जक जुयाच्‍वंगु दु।

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

२ तिमोथी 1:15

एशियाय् च्‍वंपिं फुक्‍कसिनं जितः त्‍वःतावन धकाः ला छं सि हे स्‍यू। फुगेलस व हेर्मोगेनसं तकं जितः त्‍वःतावन।

२ तिमोथी 4:16

दकलय् न्‍हापां जिगु मुद्दा जूबलय् जिगु पंलिनाः सुनानं नमवाः। फुक्‍कसिनं जितः त्‍वःतल। इमिसं थुकियागु ल्‍याःचाः प्रभुयात बी म्‍वाःलेमा।

तीतस 1:4

तीतस, झीगु विश्‍वासं यानाः छन्‍त जिं थः हे काय् थें यानातयागु दु। झी परमेश्‍वर बाः व झीत मुक्ति बियादीम्‍ह ख्रीष्‍ट येशूं छन्‍त दया माया व शान्‍ति बियादीमा।

फिलेमोन 1:24

जिनापं ख्रीष्‍ट येशूयागु ज्‍या यानाच्‍वंपिं मर्कूस, अरिस्‍तार्खस, डेमास व लूकां नं छिमित ज्‍वजलपा धयाहःगु दु।

२ पत्रुस 2:15

इपिं भिंगु लँपु त्‍वःताः मभिंगु लँपुइ वनाच्‍वंगु दु। अगमवक्ता जुयाः नं मभिंगु ज्‍या यानाः धिबा कमय् यायेत स्‍वःम्‍ह बओरया काय् बालामयागु लँपुइ इपिं वनाच्‍वंगु दु।