२ तिमोथी 4:1 - नेवाः बाइबल

¹ सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

२ तिमोथी 4:1 ပူးပေါင်းရင်းမြစ်များ

भजनसंग्रहया सफू 50:6

परमेश्‍वर थः हे न्‍यायाधीश खः। आकाशयात वय्‌कःया धार्मिकता घोषणा याकेब्‍यु! सेला

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

लूका 19:12

“छम्‍ह तःधंम्‍ह मनू तापाःगु देशय् वनाः थःगु देशयाम्‍ह जुजु जुयाः लिहां वयेगु धकाः वन।

लूका 19:15

“जुजु जुयाः लिहां वये धुनेवं वं थः च्‍यःतय्‌त सःताः इमिसं व धिबां गुलि कमय् यानाः तया धकाः न्‍यन।

लूका 23:42

अले वं धाल – “येशू, छि जुजु जुयाः झायादीबलय् जितः नं लुमंकादिसँ।”

प्रेरित 10:42

व हे येशूं जिमित थ्‍व भिंगु खँ न्‍यंका जुइत व परमेश्‍वरं वय्‌कःयात हे सीपिनि व म्‍वाःपिनि न्‍यायाधीश यानादीगु दु धकाः न्‍यंका जुइत उजं बियादिल।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 2:16

परमेश्‍वरं न्‍याय यानादीबलय् वय्‌कलं फुक्‍क मनूतय्‌त जिं न्‍यंकाच्‍वनागु भिंगु खँय् च्‍वया तः थें ख्रीष्‍ट येशूपाखें फुक्‍क मनूतय्‌गु मनय् दुने च्‍वंगु खँया न्‍याय यानादी।

कलस्‍सी 3:4

ख्रीष्‍ट हे छिमिगु जीवन खः। वय्‌कः झाइबलय् छिपिं नं वय्‌कःनापं तुं खने दइ, अले तःधनी।

२ थेसलोनिकी 2:8

वयात पनातःम्‍ह चिला वन कि व दुष्‍ट खनेदय्‌कः वइ। अले प्रभु येशू ख्रीष्‍ट जलय् झःझः धाय्‌क झाइबलय् छगू सासलं हे वयात नाश यानाछ्वइ।

१ तिमोथी 5:21

परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

२ तिमोथी 1:10

झीत मुक्ति बियादीम्‍ह ख्रीष्‍ट येशू झायादी धुंकाः तिनि थ्‍व बांलाक सीदत। वय्‌कलं मृत्‍युयात त्‍याकाः भिंगु खँ न्‍यंक्‍वसित अनन्‍त जीवन बियादिल।

२ तिमोथी 2:14

परमेश्‍वरया नामय् इमित थ्‍व खँय् ख्‍याच्‍वः ब्‍यु। म्‍वाःमदुगु खँय् ल्‍वाना जुइ मते, थुकिं इमित हे स्‍यंकी।

२ तिमोथी 4:18

प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।

१ पत्रुस 4:5

इमिसं सी धुंकूपिन्‍त नं म्‍वानाच्‍वंपिन्‍त नं न्‍याय यानादीम्‍ह परमेश्‍वरयात लिसः बी माली।

१ पत्रुस 5:4

अले लिपा मूलम्‍ह फैजवाः येशू ख्रीष्‍ट झाइबलय् छिमिसं गुबलें नाश जुइ मखुगु श्रीपेच कायेखनी।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

२ पत्रुस 1:17

दकलय् तःधंम्‍ह परमेश्‍वर बाःनं येशूयात तःधंकाः थथे खँ ल्‍हानादीगु जिमिसं हे न्‍यनागु खः – “थ्‍व जि यःम्‍ह काय् खः। थ्‍व खनाः जि तसकं लय्‌ता।”

१ यूहन्‍ना 2:28

अय् जि यःपिं मस्‍त, ख्रीष्‍टनाप च्‍वनाच्‍वँ। अले जक ख्रीष्‍ट हानं थन झायादीबलय् झीपिं ग्‍याये माली मखु, अले वय्‌कः खनाः लज्‍या चाये माली मखु।

प्रकाश 1:7

“स्‍व, वय्‌कः सुपाँचय् झायादी तिनि, फुक्‍कसिगु मिखां खनीतिनि, वय्‌कःयात भालां सूपिन्‍सं नं खनी। अले संसारय् च्‍वंपिं फुक्‍क जातियापिं मनूत वय्‌कःयात खनाः नुगः दादां ख्‍वये मालीतिनि। थथे ला जु हे जुइ। आमेन!”