२ तिमोथी 3:5 - नेवाः बाइबल

⁵ पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

२ तिमोथी 3:5 ပူးပေါင်းရင်းမြစ်များ

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

मत्ती 7:15

“फताहा अगमवक्तात खनाः होश या, छाय्‌धाःसा थुपिं फैचायागु ख्‍वाःपालं पुया वइ। दुनें धाःसा थुपिं ग्‍यानापुपिं गुँखिचा थें जुइ।

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

२ थेसलोनिकी 3:14

आम्‍कन च्‍वंपिं सुनानं जिमिसं च्‍वयाहयागु खँ मन्‍यन धाःसा अज्‍याःपिन्‍त म्‍हसीकाः इपिं नाप तापाक हे च्‍वनेगु या। अले इपिं थथःम्‍हं मछाली।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

१ तिमोथी 4:7

म्‍वाःमदुगु मनय् वः थें बाखं कनाजुइपिंपाखें तापाक हे च्‍वँ। बरु परमेश्‍वरयात यय्‌क जक जुयाच्‍वँ।

१ तिमोथी 4:8

म्‍हयागु ज्‍याखँ यानाः कम हे जक ज्‍यालगय् जुइ। आत्‍मायागु ज्‍याखँ धाःसा आः व लिपा तकं ज्‍यालगय् जुयाच्‍वनी।

१ तिमोथी 5:8

सुनां थःथितियागु, अज्‍ज ला थः हे जहानपिनिगु तकं सुसाःकुसाः याइ मखु, वयागु विश्‍वास सितिं वंगु ति ग्‍यनी। अज्‍याःपिं मनूत विश्‍वास मयाःपिं स्‍वयाः नं मभिंपिं जुइ।

१ तिमोथी 6:5

थुमिसं न्‍ह्याबलें ल्‍वापु जक थया जुइ, थुमिगु न्‍ह्यपु हे खतं नयेधुंकल, थुमिके सत्‍य धयागु हे मदु। थुमिसं धर्म हे धिबा कमय् यायेगु लँपु खः धकाः धयाजुइ।

२ तिमोथी 2:16

म्‍वाःमदुगु खँय् सुंनाप हाः जुइ मते, छाय्‌धाःसा थथे हाला जुइपिं मनूत परमेश्‍वर नाप झन झन तापानावनी।

२ तिमोथी 2:23

म्‍वाःमदुगु व थःम्‍हं मस्‍यूगु खँय् जवाःसवाः याना जुइ मते। थुकिं ल्‍वापु जक पिहां वइ धकाः ला छं सि हे स्‍यू।

तीतस 1:16

इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।

तीतस 3:10

मनूतय्‌त ल्‍वाका जुइपिन्‍त छकः निकः न्‍वाना नं मजिल धाःसा व नाप जुइ मते।