२ तिमोथी 3:3 - नेवाः बाइबल

³ दया माया याये मसःपिं, क्षमा याइमखुपिं, मेपिन्‍त मभिंकाः खँ ल्‍हानाजुइपिं, थःत कःघाये मफुपिं, नुगः छाःपिं, भिंगु खँ मयय्‌कीपिं,

२ तिमोथी 3:3 ပူးပေါင်းရင်းမြစ်များ

उत्‍पत्ति 49:7

इमिगु तंयात सराः लायेमा छाय्‌धाःसा व तसकं ग्‍यानापु। इमिगु तंयात सराः लायेमा छाय्‌धाःसा व तसकं छाः। जिं इमित ब्‍वथलाबी जिं इमित इस्राएलय् छ्यालब्‍याल यानाबी।

भजनसंग्रहया सफू 15:4

गुम्‍हय्‌सिनं मभिंपिं मनूतय्‌त इज्‍जत याइ मखु, परमप्रभुया ग्‍याःभय काइपिन्‍त धाःसा हनाबना तइ, थःत न्‍ह्याक्‍व हे थाकुसां थःगु बचं पूवंकी।

भजनसंग्रहया सफू 22:6

जि ला छम्‍ह की जक खः, मनू मखु, सकसिनं क्‍वह्यंकाः व हेपंख्‍याकाच्‍वने माःम्‍ह!

यशैया 53:3

वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

यशैया 60:14

छन्‍त दुःख बिइपिनि काय्‌पिं छन्‍थाय् हे क्‍वमिलु जुयाः वइ। छन्‍त हेला याइपिं फुक्‍क छंगु पाली भ्‍वपू वइ। इमिसं छन्‍त परमप्रभुया शहर, इस्राएलया पवित्र परमेश्‍वरया सियोन धकाः धाइ।

दानिएल 8:23

“उपिं देशतय्‌गु लिपांगु इलय् इमिगु पाप दकले च्‍वय् थ्‍यनीबलय् छम्‍ह तसकं मभिंम्‍ह व छल यायेसःम्‍ह जुजु दनी।

मत्ती 10:21

“मनूतय्‌सं थः हे दाजुकिजापिन्‍त महियाः स्‍याके बी। बौनं थः हे काय् म्‍ह्याय्‌पिन्‍त, अले काय् म्‍ह्याय्‌पिन्‍सं थः हे मां बौयात महियाः स्‍याके बी।

मत्ती 4:1

पवित्र आत्‍मां येशूयात शैतानपाखें जाँचय् याकेत मरुभूमिइ ब्‍वनायंकल।

लूका 10:16

थुलि धयादी धुंकाः वय्‌कलं चेलातय्‌त धयादिल – “छिमिगु खँ न्‍यंपिन्‍सं जिगु हे खँ न्‍यंगुति ग्‍यनी। अले छिमित मयःगु जितः मयःगुति हे ग्‍यनी। अले जितः मयःगु ला जितः छ्वया हःम्‍हय्‌सित मयःगुति हे ग्‍यनी।”

लूका 16:14

धिबा जक दुसा गाःपिं फरिसीतय्‌सं वय्‌कलं धयादीगु खँ न्‍यनाः वय्‌कःयात गिजय् यात।

यूहन्‍ना 6:70

वय्‌कलं इमित धयादिल – “छिपिं झिंनिम्‍हय्‌सितं जिं हे ल्‍ययागु, मखु ला? अय्‌नं छिपिं मध्‍ये छम्‍ह शैतानयाम्‍ह दु।”

रोमी 1:29

थज्‍याःपिं मनूतय्‌गु नुगः थज्‍याःगुलिइ जक जायाच्‍वनी – पापी ज्‍या, मभिंगु ज्‍या, लोभ, मभिंगु इच्‍छा, नुगः मुइकेगु, मनू स्‍यायेगु, ल्‍वापु यायेगु, थगय् यायेगु, हेय्‌काः कायेगु व कर्पिन्‍त क्‍वह्यंकेगु,

रोमी 1:31

बुद्धि मदुपिं, पत्‍याः याये बहःमजूपिं, दया माया याये मसःपिं,

१ कोरिन्‍थी 7:5

छम्‍हं मेम्‍हय्‌सित मयः धकाः धाये मते। सल्‍लाह यानाः छुं ईया लागि अलग च्‍वनाः प्रार्थना यायेमाःसां मेबलय् नापं हे जु। छिमिसं थःत कःघाये मफुसा शैतानं छिमित स्‍यंकेत स्‍वइ।

१ कोरिन्‍थी 7:9

थःत कःघाये मफुसा ब्‍याहा यायेमाः। छाय्‌धाःसा प्‍याःचाः सह याये मफय्‌का च्‍वनेगु स्‍वयाः ब्‍याहा यायेगु बांलाः।

१ थेसलोनिकी 4:8

उकिं सुनां थ्‍व खँ न्‍यनी मखु वं मनूयागु मखु, बरु छिमित पवित्र आत्‍मा बियादीम्‍ह परमेश्‍वरयागु हे खँ मन्‍यंगु जुइ।

१ तिमोथी 3:11

इमि कलाः नं अथे हे भिंपिं, दुग्‍यंपिं, मेपिन्‍त हेबाय्‌चबाय् याना मजुइपिं, थातं च्‍वने फुपिं व न्‍ह्यागु खँय् नं विश्‍वास यायेबहःपिं जुइमाः।

तीतस 1:8

पाहांयात दुनुगलंनिसें दुकाइम्‍ह, भिंगु खँ यय्‌किम्‍ह, मन तयाः ज्‍या याइम्‍ह, ख्‍वाः स्‍वयाः ज्‍या मयाइम्‍ह, पवित्रम्‍ह, थःत कःघाये फुम्‍ह जुइमाः।

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

याकूब 2:6

तर छिमिसं ला चीमिपिन्‍त हे हेला यानाच्‍वन। छिमित त्‍यला तःपिं सु? तःमिपिं हे मखु ला? छिमित अदालतय् यंकीपिं सु? तःमिपिं हे मखु ला?

२ पत्रुस 2:14

इमिसं न्‍ह्याबलें व्‍यभिचार यायेत जक स्‍वयाच्‍वनी। न्‍ह्याक्‍व हे पाप याना जूसां इपिं गुबलें लुमधं। इमिसं बमलाःपिं मनूतय्‌त थःगु ल्‍हातय् काइ। अले इमिगु मन हे लोभ यायेगु ज्‍याय् लाये धुंकल। परमेश्‍वरयागु सराः इमित हे लाइ।

२ पत्रुस 2:19

इमिसं हे हानं मुक्ति बीगु धकाः धयाजुइ, तर थःपिं हे पापया दास जुया जुइ, छाय्‌धाःसा मनूतय्‌त छुकिं त्‍याकल मनू उकिया हे दास जुइ।

२ पत्रुस 3:3

दकलय् न्‍हापां थ्‍व खँ सीकि, लिपा लिपायागु दिनय् थःत यःथें सना जुइपिं मनूत वइतिनि। अले थज्‍याःपिं मनूतय्‌सं छिमित गिजय् याइ।

यहूदा 1:16

थुपिं गुब्‍सं लुमधनिपिं, मेपिनिगु दोष जक मालाजुइपिं, थःत यःथें सना जुइपिं, तःधंछुना जुइपिं, व थःगु ज्‍या तिप्‍यंकेत मेपिन्‍त ह्यय्‌कः जुइपिं खः।

यहूदा 1:18

इमिसं छिमित थथे धयावंगु खः – “दकलय् लिपा छिमित हेस्‍याइपिं व थःत यःथें यानाजुइपिं मनूत वइ।”

प्रकाश 13:15

न्‍हापांयाम्‍ह पशुयागु मूर्तियात नवाकेत सास तयाबीगु व वयात पुजा मयाःपिन्‍त स्‍यायेगु अधिकार व पशुयात बियातःगु दु।

प्रकाश 13:17

थ्‍व चिं मदुपिं सुनानं न्‍याये नं दइ मखु, अले मी नं दइ मखु। थ्‍व चिं व पशुयागु नां धाःसां ज्‍यू, ल्‍याः धाःसां ज्‍यू।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

प्रकाश 17:6

अले जिं व मिसां येशूयात विश्‍वास याःपिं पवित्रपिं मनूतय्‌गु हिं काय्‌काजूगु खनाः जि छक्‍क जुल।