२ तिमोथी 3:17 - नेवाः बाइबल

¹⁷ परमेश्‍वरया मनूतय्‌सं न्‍ह्याथें ज्‍याःगु भिंगु ज्‍याखँ नं याये फयेमा धकाः धर्मशास्‍त्र बियातःगु खः।

२ तिमोथी 3:17 ပူးပေါင်းရင်းမြစ်များ

नहेम्‍याह 2:18

जिं इमित जिमि परमेश्‍वरया दया दुगु ल्‍हाः जिके दुगुया बारे व जुजुं जितः छु छु धयादीगु खः व फुक्‍क खँ कना। इमिसं थथे लिसः बिल, “झीसं हाकनं शहर व पखाः दय्‌केगु ज्‍या शुरु यायेनु।” थुकथं इमिसं थ्‍व भिंगु ज्‍या शुरु यात।

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

२ कोरिन्‍थी 9:8

अले परमेश्‍वरं छिमित फुक्‍क कथंया आशिष अझ अप्‍वः हे बियादी। छिमित गुब्‍सं मगाःमचाः जुइ मखु। अले भिंगु ज्‍या यायेत नं छिमिके यक्‍व दइ।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

२ तिमोथी 2:21

अय्‌जूगुलिं सुनां थःत थज्‍याःगु मभिंगु ज्‍याखं तापाक तया तइ, व मनू तःजिगु थलबल थें जुइ। वं थःम्‍हं थःत शुद्ध यानाः थः मालिकयागु ज्‍याय् न्‍ह्याबलें न्‍ह्यचिला च्‍वने फइ।

तीतस 1:16

इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

तीतस 3:1

सरकार व हाकिमतय्‌सं धाःथें च्‍वनाः इमिसं धाःगु खँ न्‍यनेमाः धकाः विश्‍वासीतय्‌त थुइकाब्‍यु। भिंगु न्‍ह्यागु ज्‍याय् नं न्‍ह्यच्‍यु।

हिब्रू 10:24

झीसं थःथवय् माया यायेगु व भिंगु ज्‍या यायेगु मनय् तयेमाः।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।