२ तिमोथी 3:16 - नेवाः बाइबल

¹⁶ धर्मशास्‍त्रयागु फुक्‍क खँ परमेश्‍वरया प्रेरणां च्‍वःगु खः, थुपिं स्‍यनेकने यायेत, न्‍वायेत, द्वंगु भिंकेत व खःकथं म्‍वायेत तिबः बी।

२ तिमोथी 3:16 ပူးပေါင်းရင်းမြစ်များ

२ शमूएल 23:2

परमप्रभुया आत्‍मां जिके जुयाः नवानादिल, वय्‌कःया वचन जिगु म्‍हुतुइ हे दु।

नहेम्‍याह 9:20

इमित छिं स्‍यनेकने यायेत थःगु भिंगु आत्‍मा बियादिल, छिं इमिगु म्‍हुतुं छिगु मन्‍न चीका मदी व इपिं प्‍याचाःबलय् छिं इमित लः बियादिल।

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

भजनसंग्रहया सफू 119:130

छिगु वचन थुइकाबीबलय् जिमित जः दइ। थुकिं छुं मस्‍यूपिन्‍त ज्ञान दइ।

भजनसंग्रहया सफू 119:9

छम्‍ह ल्‍याय्‌म्‍हम्‍ह मनुखं गथे थःगु जीवन शुद्ध तये फइ? छिगु वचनकथं म्‍वानाः हे खः।

हितोपदेश 15:10

सुनां भिंगु लँ त्‍वःतावनी, वयात बांमलाक सजाँय बी। सुनां अनुशासनयात घृणा याइ व सी।

हितोपदेश 15:31

थःगु द्वं भिंकेत न्‍ह्यचिल धाःसा छ बुद्धिमान खः।

हितोपदेश 6:23

छाय्‌धाःसा इमिगु उजं मत खः, इमिगु न्‍वानाखँ जः खः, इमिसं ब्‍वःबियाः छं थःगु जीवन सुथां लाके फइ।

मीका 2:7

हे याकूबया घराना, थथे धायेमाःगु खः ला? “परमप्रभुया आत्‍मा तंचायादीगु दु ला? वय्‌कलं थज्‍याःगु ज्‍या यानादी ला?” “तप्‍यंगु लँपुइ जुइपिन्‍त छु जिगु वचनं भिं मयाइ ला?

सपन्‍याह 3:2

वं आज्ञा मानय् याइ मखु, वं न्‍वाखँ नाला काइ मखु। वं परमप्रभुयाके नं भलसा मतः व थः परमेश्‍वरया न्‍ह्यःने वनी मखु।

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

मत्ती 21:42

वय्‌कलं हानं धयादिल – “धर्मशास्‍त्रय् च्‍वयातःगु छिकपिन्‍सं ब्‍वनादियागु मदु ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जुल। परमेश्‍वरं हे थथे यानादीगु खः। झीसं स्‍वयेबलय् थ्‍व तसकं अजू चायापु।’”

मत्ती 22:43

वय्‌कलं धयादिल – “अय्‌सा परमेश्‍वरयागु आत्‍मां दाऊदयात वय्‌कःयात ‘प्रभु’ धकाः छाय् धाय्‌कूगु लय्? दाऊदं थथे धाःगु दु –

मत्ती 26:54

थथे यात धाःसा धर्मशास्‍त्रय् च्‍वयातःगु खँ गथे जुयाः पूवनी?”

मत्ती 26:56

अगमवक्तातय्‌सं धर्मशास्‍त्रय् च्‍वया थकूगु पूवनेमा धकाः हे थथे जूगु खः।” अले चेलात फुक्‍कं वय्‌कःयात त्‍वःताः उखेलाः थुखेलाः मदय्‌क बिस्‍युं वन।

मर्कूस 12:24

थ्‍व न्‍यनाः वय्‌कलं धयादिल – “छिमिसं तसकं द्वंकाच्‍वन, छाय्‌धाःसा छिमिसं धर्मशास्‍त्रयागु खँ व परमेश्‍वरयागु शक्ति हे मथूनि।

मर्कूस 12:36

पवित्र आत्‍मां जायाः दाऊद थःम्‍हं हे थथे धयावंगु खः – “‘छं शत्रुतय्‌त छंगु पालि तःले मततले छ जिगु जवय् च्‍वनाच्‍वँ धकाः परमप्रभुं जिमि प्रभुयात धयादिल।’

यूहन्‍ना 10:35

सुनां परमेश्‍वरयागु वचन न्‍यना काइ, वयात वय्‌कलं द्यः धकाः धयादी। थथे धाल धकाः धर्मशास्‍त्र मानय् मयाःगु जुइ मखु।

यूहन्‍ना 3:20

दुष्‍ट ज्‍याखँ यानाजुइपिं मनूतय्‌सं जःयात हेला याइ, अले जलय् वइ मखु। जलय् वल कि इमिसं याना जूगु दुष्‍ट ज्‍याखँ खने दइ धकाः इपिं ग्‍याः।

प्रेरित 1:16

“दाजुकिजापिं, येशूयात ज्‍वंकूम्‍ह यहूदाया खँय् न्‍हापां हे दाऊदया म्‍हुतुं पवित्र आत्‍मां नवाःगु खँ धर्मशास्‍त्रय् च्‍वयातःगु खः। थथे जुइ हे माःगु खः, अले जु नं जुल।

प्रेरित 18:25

वं प्रभुयागु खँ बांलाक सय्‌का सीका तःगुलिं दुनुगलंनिसें येशूयागु खँ खःकथं स्‍यना जुयाच्‍वंगु खः। अय्‌नं वं यूहन्‍नायागु बप्‍तिस्‍मायागु खँ जक स्‍यू।

प्रेरित 20:20

जिं छेँय् छेँय् वनाः मनूतय्‌गु न्‍ह्यःने भिंगु खँ न्‍यंका जुयाबलय् छिकपिनिगु भिं जुइगु छुं हे खँ मल्‍यंका।

प्रेरित 20:27

छाय्‌धाःसा परमेश्‍वरयागु खँ छुं नं मल्‍यंकुसे जिं छिकपिन्‍त न्‍यंकागु हे दु।

प्रेरित 28:25

थःथवय् खँ मिलय् मजूगुलिं इपिं अनं वनेत्‍यन। इपिं वने न्‍ह्यः पावलं थथे धाल – “यशैया अगमवक्तायागु म्‍हुतुं पवित्र आत्‍मां छिकपिनि तापाःबाज्‍यापिन्‍त थथे धयादीगु खःगु हे खँ खः –

रोमी 15:4

न्‍हापा न्‍हापा जूगु च्‍वयातःगु फुक्‍क खँ झीत स्‍यनेत खः। धर्मशास्‍त्रय् च्‍वयातःगुपाखें ग्‍वाहालि कयाः सह यानाच्‍वन धाःसा झीत आशा दइ।

रोमी 2:20

मूर्खतय्‌त कजय् याये फु” धकाः धयाजुल। हानं “जिपिं मस्‍तय् गुरु खः, व्‍यवस्‍थाया खँ जिमिके दुगुलिं सय्‌के सीके माःगु फुक्‍क खँ जिमिसं स्‍यू” धकाः नं धक्‍कु त्‍वःता जुल।

रोमी 3:2

न्‍ह्याखें नं इमित फाइदाया फाइदा जक दु। दकलय् न्‍हापालाक यहूदीतय्‌त हे परमेश्‍वरयागु वचन लः ल्‍हानातःगु खः।

रोमी 4:23

वयात धर्मी ठहरय् याःगु खँ वयात जक च्‍वयातःगु मखु, झीत नं खः।

१ कोरिन्‍थी 12:7

फुक्‍क विश्‍वासीत भिना वइगु ज्‍या याये फयेमा धकाः हे परमेश्‍वरं झीत पवित्र आत्‍मा बियादीगु खः।

गलाती 3:8

यहूदीमखुपिन्‍सं परमेश्‍वरयात विश्‍वास यात धाःसा परमेश्‍वरं इमित नं धर्मी ठहरय् यानादी धकाः न्‍हापा हे धर्मशास्‍त्रय् च्‍वयातःगु दु। अय्‌जूगुलिं हे अब्राहामयात परमेश्‍वरं “छंगुपाखें हे संसारय् च्‍वंपिं फुक्‍क जात जातितय्‌त आशिष बी” धकाः धयादिल।

व्‍यवस्‍था 29:29

गुप्‍ति खँ परमप्रभु झी परमेश्‍वरयागु खः। अय्‌नं वय्‌कलं नियम क्‍यनादीगु दु अले झीसं व झी मचाखाचातय्‌सं उपिं मानय् यायेमाः।

व्‍यवस्‍था 4:36

छिपिं खःकथं जुइमा धकाः वय्‌कलं आकाशं थःगु सः न्‍यंकादिल, अले पृथ्‍वीइ थःगु तःधंगु मि छिमित क्‍यनादिल। छिमिसं मिं वय्‌कःया सः न्‍यन।

२ तिमोथी 2:25

अले शत्रुयात नं क्‍वमिलु जुयाः थुइका बीम्‍ह जुइमाः। सके परमेश्‍वरं इमिगु नुगः हे हिलाः सत्‍य खँयात थुइके फयेकादी ला?

२ तिमोथी 4:2

परमेश्‍वरयागु वचन न्‍यंकि। भिंगु इलय् नं मभिंगु इलय् नं न्‍यंकि, न्‍ह्यागु जूसां सह यानाः मनूतय्‌त इमिगु दोष क्‍यनाः स्‍यनेकने या, ब्‍वःब्‍यु, अले साहस नं ब्‍यु।

हिब्रू 11:1

आशा यानागु खँ दइ धकाः ढुक्‍क जुइगु व मखंगु खँ धात्‍थें दु धकाः धायेगु हे विश्‍वास खः।

हिब्रू 3:7

पवित्र आत्‍मां थथे धयादीगु दु – “थौं छिमिसं परमेश्‍वरयागु सः ताल धाःसा,

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।