२ तिमोथी 3:15 - नेवाः बाइबल

¹⁵ मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

२ तिमोथी 3:15 ပူးပေါင်းရင်းမြစ်များ

२ इतिहास 34:3

योशियाह जुजु जूगु च्‍यागूगु दँय्, व ल्‍याय्‌म्‍हबलय् वं थः पुर्खा दाऊदया परमेश्‍वरयात माल। अले झिंनिगूगु दँय् यहूदा व यरूशलेमय् दुगु पुजा याइगु थाय् व अशेरा द्यःमय्‌जुया थांत अले कियाः दय्‌कातःगु व ढलोटया मूर्तित चीकल।

भजनसंग्रहया सफू 19:7

परमप्रभुया स्‍यनातःगु खँ पक्‍का खः, थुकिं झीत न्‍हूगु बल बी। वय्‌कःयागु नियम विश्‍वास यायेबहः जू, थुकिं छुं मस्‍यूपिन्‍त ज्ञां बी।

भजनसंग्रहया सफू 71:17

हे परमेश्‍वर, छिं जितः मचांनिसें स्‍यनादीगु दु। अले जिं आः तकं छिं यानादीगु अजू चायापुगु ज्‍या मेपिन्‍त कनावयाच्‍वनागु दु।

हितोपदेश 22:6

थः मस्‍तय्‌त भिंगु लँय् जुइकि, बुरा जुइकाः तकं इपिं व हे लँय् जुयाच्‍वनी।

हितोपदेश 8:17

जितः यय्‌कीपिन्‍त जिं नं यय्‌के, जितः मालीपिन्‍सं जितः लुइकी।

उपदेशक 12:1

दुःखया ई वये न्‍ह्यः, अले “थ्‍व ई वइगु जितः मयः” धकाः छं धाये न्‍ह्यः हे थःगु ल्‍याय्‌म्‍हया इलय् थःत दय्‌कादीम्‍हय्‌सित लुमंकेगु या!

मत्ती 22:29

वय्‌कलं इमित धयादिल – “छिकपिन्‍सं द्वंकाच्‍वन, छाय्‌धाःसा छिकपिन्‍सं धर्मशास्‍त्रयागु खँ व परमेश्‍वरयागु शक्ति हे थुइकामदीनि।

लूका 1:15

थ्‍व मचा परमप्रभुया न्‍ह्यःने तसकं तःधं जुइ। वं अय्‌लाः थ्‍वँ छुं हे त्‍वनी मखु। मांया प्‍वाथंनिसें हे पवित्र आत्‍मां जायाच्‍वंम्‍ह जुइ।

लूका 2:40

मचा तःधिकः जुयावल। बुद्धिं नं जायावल, अले परमेश्‍वरं नं वय्‌कःयात आशिष बियादीगु दु।

लूका 24:27

अले वय्‌कलं मोशांनिसें कयाः फुक्‍क अगमवक्तातय्‌सं धर्मशास्‍त्रय् च्‍वया थकूगु वय्‌कःयागु हे खँ ध्‍वाथुइकादिल।

लूका 24:32

इमिसं थःथवय् थथे खँ ल्‍हात – “वय्‌कलं झीत धर्मशास्‍त्रयागु खँ ध्‍वाथुइकादीबलय् झीगु नुगः लसतां चंचं धाःगु मखु ला?”

लूका 24:45

अले धर्मशास्‍त्र थुइके फय्‌केत इमिगु नुगः चाय्‌काः

यूहन्‍ना 5:47

मोशां च्‍वया थकूगु खँय् हे छिमिसं विश्‍वास मयासा जिगु खँय् गथे यानाः विश्‍वास याये फइ?”

प्रेरित 10:43

न्‍हापायापिं अगमवक्तातय्‌सं नं येशूयात विश्‍वास याःपिं मनूतय्‌गु पाप वय्‌कःयागु नामं जक क्षमा जुइफु धकाः धयावंगु दु।”

प्रेरित 13:29

“थथे च्‍वया तः थें वय्‌कःयात जू वये माःगु फुक्‍क जुइ धुंकाः इमिसं वय्‌कःयात क्रूसं क्‍वकयाः चिहानय् तयाबिल।

प्रेरित 16:1

पावलपिं हानं डर्बी जुयाः लुस्‍त्राय् वन। अन तिमोथी धाःम्‍ह छम्‍ह चेला दु। वया मां विश्‍वासी यहूदी जूसां वया बौ ग्रीक खः।

प्रेरित 17:2

पावलं न्‍हापालिपा थें अन वनाः स्‍ववाः तक विश्रामबार पतिकं धर्मशास्‍त्रयागु खँ कयाः इपिं नाप न्‍ह्यसः लिसः यात।

प्रेरित 26:24

पावलं थथे नवानाच्‍वंबलय् हे फेस्‍तसं ततःसलं वयात थथे धाल – “पावल, छ वें जुल ला कि छु? यक्‍व ब्‍वनाः छ वें जुइ धुंकल।”

रोमी 1:2

थ्‍व हे भिंगु खँ न्‍हापांनिसें हे परमेश्‍वरं वय्‌कःया अगमवक्तातय्‌त धर्मशास्‍त्रय् च्‍वकाः थथे यानादी धकाः धयादीगु खः।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

रोमी 2:27

थथे म्‍हय् चिं मतःसां व्‍यवस्‍था मानय् याःपिं मनूतय्‌सं छिमित दोषी ठहरय् याइ, छाय्‌धाःसा म्‍हय् चिं तःसां व च्‍वयातःगु नियम छिमिके दःसां छिमिसं व्‍यवस्‍था मानय् मयाः।

१ कोरिन्‍थी 1:21

थःगु हे ज्ञान बुद्धिं मनूतय्‌सं परमेश्‍वरयात म्‍हसीके फइ मखु धयागु खँ वय्‌कलं स्‍यू। उकिं सःस्‍यूपिन्‍सं मूर्ख खँ ताय्‌कूगु येशू क्रूसय् सिनादीगु खँ न्‍यनाः विश्‍वास याःपिन्‍त बचय् यायेगु क्‍वःछिनादिल।

एफिसी 6:4

बौपिन्‍सं थः मस्‍तय्‌त तंचाय्‌केगु याये मते, बरु इमित प्रभुयागु खँ स्‍यनेकने यानाः वय्‌कःया अनुशासनय् ब्‍वलंकी।

व्‍यवस्‍था 4:6

छिमिसं परमप्रभुं धाःथें यात धाःसा मेगु जातितय्‌त छिमिगु बुद्धि व छिमिसं खँ थूगु क्‍यनी। अले इमिसं थुपिं आज्ञा न्‍यनाः धाइ, “धात्‍थें हे थ्‍व तःधं जातियापिं मनूत बुद्धि दुपिं व खँ थूपिं खः।”

१ तिमोथी 4:13

जि मवतले मनूतय्‌त धर्मशास्‍त्रं ब्‍वनेगु, स्‍यनेगु व न्‍वायेगु याना च्‍वँ।

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें

२ तिमोथी 1:5

छं यचुगु नुगलं विश्‍वास याःगु जि अज्‍जं लुमनि। छिमि बज्ये लोइस व मां युनिसं नं अथे हे यचुगु नुगलं विश्‍वास याःगु खः। छं अज्‍ज नं उकथं हे यचुगु नुगलं विश्‍वास यानाच्‍वंगु दइ धकाः जितः विश्‍वास दु।

२ पत्रुस 3:16

पावलं च्‍वयातःगु पौलय्‌ नं थ्‍व हे खँ न्‍ह्यथनातःगु दु। गनं गनं पावलं च्‍वयातःगु खँ थुइकेत थाकु। बांलाक मस्‍यूपिं मनूतय्‌सं व क्‍वात्तुक विश्‍वास यानाच्‍वने मफुपिं मनूतय्‌सं ला च्‍वयातःगु खँया अर्थ हे हीका छ्वइ। थथे हे इमिसं धर्मशास्‍त्रयागु अर्थ नं हीका छ्वइ। थथे इमिसं थःत थःम्‍हं हे स्‍यंकी।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

१ शमूएल 2:18

उबलय् शमूएल भिंगु सूती कापःया एपोद फिनाः परमप्रभुया न्‍ह्यःने सेवा याना हे च्‍वन।