२ तिमोथी 3:14 - नेवाः बाइबल

¹⁴ छं जक थ्‍व खँ सुयापाखें स्‍यना कयागु खः, व सीकाः थःम्‍हं सय्‌कागु व विश्‍वास यानागु खँय् जुयाच्‍वँ।

२ तिमोथी 3:14 ပူးပေါင်းရင်းမြစ်များ

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 14:5

गुम्‍ह गुम्‍हय्‌सिनं मेमेगु दिनयात स्‍वयाः छन्‍हुयात तःधं धकाः मानय् याइ। गुम्‍ह गुम्‍हय्‌सिनं फुक्‍क दिनयात उत्‍थें खः धकाः मानय् याइ। फुक्‍कं थथःम्‍हं विश्‍वास यानागु खँय् पक्‍का जुयाच्‍वनेमाः।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ तिमोथी 4:16

थःगु खँय् व थःम्‍हं स्‍यनागु खँय् बांलाक बिचाः या। थथे याःसा छन्‍त नं छंगु खँ न्‍यंपिन्‍त नं मुक्ति दइ।

२ तिमोथी 1:13

ख्रीष्‍ट येशूं झीत क्‍यनादीगु विश्‍वास व माया थें छं नं जिं धयागु फुक्‍क खँ याना क्‍यँ।

२ तिमोथी 2:2

यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

२ तिमोथी 3:15

मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

तीतस 1:9

अले थःम्‍हं स्‍यनाकयातःगु भिंगु खँयात क्‍वात्तुक ज्‍वनातइम्‍ह व जिमिसं स्‍यना थें मेपिन्‍त नं भिंगु स्‍यनेकने यानाः साहस बीम्‍ह जुइमाः। अले हानं थ्‍व भिंगु खँयात मभिंकाः जुइपिन्‍त नं इमिगु द्वंबिद्वं क्‍यनाबी फुम्‍ह जुइमाः।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

हिब्रू 6:11

थुकथं हे छिमिसं मन तयाः लिपा तकं कुतः यानाच्‍वनी धकाः जिमिसं मनं तुनाच्‍वना। अले छिमिगु आशा नं पूवनी।