२ तिमोथी 3:12 - नेवाः बाइबल

¹² ख्रीष्‍ट येशूयात मानय् यानाः वय्‌कलं धाःथें च्‍वनीपिन्‍त ला थथे दुःखकष्‍ट जू हे वइ।

२ तिमोथी 3:12 ပူးပေါင်းရင်းမြစ်များ

मत्ती 16:24

अले वय्‌कलं चेलातय्‌त धयादिल – “जि नाप वयेगु जूसा छिपिं सुनानं थःगु खँय् छुं हे च्‍यूताः तये मते। अले थःगु क्रूस थःम्‍हं हे क्‍वबिया सीत तकं लिमच्‍युसे जिगु ल्‍यूल्‍यू वा।

मत्ती 23:34

“उकिं जिं अगमवक्तात, बुद्धिमानत व शास्‍त्रीतय्‌त छिमिथाय् छ्वयाहये। थुपिं गुलिसितं ला छिमिसं स्‍याइ, गुलिसितं क्रूसय् यख्‍खाइ, गुलिसितं धर्मशास्‍त्र स्‍यनीगु छेँय् यनाः कोर्रां दाइ, गुलिसितं थाय् थासय् वनाः हे दुःखकष्‍ट बी।

मर्कूस 10:30

व दुःख स्‍यूपिन्‍त आः हे सछिदुगं अप्‍वः छेँबुँ, दाजुकिजा, तताकेहेँ, मांबौ व काय्‌म्‍ह्याय् सकलें दइ। अले हानं अनन्‍त जीवन नं दइ।

यूहन्‍ना 16:2

इमिसं छिमित धर्मशास्‍त्र स्‍यनीगु छेँनं पितिनाहइ। अले मनूतय्‌सं छिमित स्‍यानाः परमेश्‍वरयागु सेवा याना धकाः मतिइ तया जुइगु ई नं वइतिनि।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

यूहन्‍ना 17:14

छिगु वचन जिं इमित न्‍यंके धुनागुलिं गथे जि संसारयाम्‍ह मखु, अथे हे इपिं नं संसारयापिं मखुत, उकिं संसारं इमित हेला यात।

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

१ कोरिन्‍थी 15:19

ख्रीष्‍टयाके झीसं यानाच्‍वनागु आशा थ्‍व जीवन दतलेयात जक खः धयागु जूसा झीपिं संसारय् च्‍वंपिं स्‍वयाः नं तसकं मायावंपिं जुल।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 4:9

जिमि शत्रु यक्‍व दुसां पासा मदय्‌काः गुब्‍सं च्‍वनेम्‍वाः। जिमित बाम्‍हसिक्‍क दाल नं जिपिं मसी।

१ तिमोथी 2:2

शान्‍ति व चितासू दय्‌कः म्‍वानाच्‍वने फयेमा, अले परमेश्‍वरयागु सेवा दुग्‍यंक याये फयेमा धकाः जुजुपिनिगु निंतिं व अधिकार दुपिनिगु निंतिं नं प्रार्थना या।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ तिमोथी 6:3

सुनानं मेकथं स्‍यनेकने याना जुल, अले झी प्रभु येशू ख्रीष्‍टयागु सत्‍यगु वचन व झीसं परमेश्‍वरयात मानय् यायेमाःगु खँ मन्‍यन धाःसा

तीतस 1:1

परमेश्‍वरया दास, येशू ख्रीष्‍टयाम्‍ह प्रेरित जि पावलं च्‍वयाच्‍वनागु दु। जिगु ज्‍या हे परमेश्‍वरं ल्‍यया तःपिनिगु विश्‍वास क्‍वात्तुका बीगु व सत्‍य खँयात थुइका बियाः परमेश्‍वरयात यःथें याये सय्‌का बीगु खः।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

यहोशू 17:14

योसेफया सन्‍तानतय्‌सं यहोशूयात धाल, “परमप्रभुं झीत आः तक सुवाः बियावयाच्‍वंगु दु। जिमिगु ल्‍याः यक्‍व दु, अय्‌नं छाय् जिमित सर्बयया छब्‍व जक बियादियागु?”

१ पत्रुस 3:14

सुयातं भिंगु यानाः नं दुःखकष्‍ट जुल धाःसा परमेश्‍वरं छिमित आशिष बियादी। अथे दुःखकष्‍ट बीवं ग्‍याये मते, अले दुःख नं ताये मते।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

प्रकाश 12:4

वयागु न्‍हिप्‍यनं आकाशय् स्‍वब्‍वय् छब्‍व नगुयात बँ पुइ थें पुयाः पृथ्‍वीइ कुर्का हल। व अजिङ्गर बुइत्‍यंम्‍ह मचायात नयेत प्‍वाथय् दुम्‍ह मिसाया न्‍ह्यःने पिवाः च्‍वनाच्‍वन।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।