२ तिमोथी 2:7 - नेवाः बाइबल

⁷ जिं धयागु खँ थुइकेगु कुतः या, छाय्‌धाःसा प्रभुं हे छन्‍त थुइके फय्‌कादी।

२ तिमोथी 2:7 ပူးပေါင်းရင်းမြစ်များ

१ इतिहास 22:12

परमप्रभुं छन्‍त इस्राएलया अधिकार बियादीबलय् छं परमप्रभु छिमि परमेश्‍वरयागु व्‍यवस्‍था पालन यायेत वय्‌कलं छन्‍त बुद्धि व ज्ञान बियादीमा।

१ इतिहास 29:19

जिमि काय् सोलोमनयात छिगु फुक्‍क आज्ञा, व्‍यवस्‍था व विधि मानय् यायेगु व छिगु देगः दय्‌केगु मन बियादिसँ। छिगु देगः दय्‌केत जिं थुपिं सामान ज्‍वरय् यानागु दु।”

भजनसंग्रहया सफू 119:125

जि छिकपिनि दास खः, छिगु नियम म्‍हसीकेत जितः थुइकेगु शक्ति बियादिसँ।

भजनसंग्रहया सफू 119:144

छिगु नियम न्‍ह्याबलेंया लागि पाय्‌छि जू, जितः थुइके बियादिसँ, अले जि म्‍वानाच्‍वनी।

भजनसंग्रहया सफू 119:73

छिगु हे ल्‍हातं जितः दय्‌कादीगु व समाः यानादीगु खः। जितः छिगु आज्ञा थुइकेत गाक्‍क बुद्धि बियादिसँ।

भजनसंग्रहया सफू 64:9

मनूत सकलें ग्‍याइ। इमिसं परमेश्‍वरं यानादीगु ततःधंगु ज्‍या लुमंकी। अले वय्‌कलं यानादीगु ज्‍या कनाजुइ।

हितोपदेश 24:32

व खनाः जिगु नुगलय् खँ वल, अले छु सय्‌काः कयाः धाःसा,

यशैया 1:3

द्वहंनं थः मालिकयात म्‍हस्‍यू, अले गधानं थः थुवालं नकिगु थल म्‍हस्‍यू, अय्‌नं इस्राएलं जितः म्‍हमस्‍यू। जि थः हे मनूतय्‌सं छुं हे मथू।”

यशैया 28:26

वया परमेश्‍वरं वयात पाय्‌छि पाय्‌छिगु खँ स्‍यनादी।

यशैया 5:12

इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

दानिएल 1:17

परमेश्‍वरं थुपिं प्‍यम्‍ह ल्‍याय्‌म्‍हतय्‌त फुक्‍क कथंया साहित्‍य थुइके फुपिं व बुद्धिया खँ सीके फुपिं यानादिल। दानिएलयात वय्‌कलं फुक्‍क कथंया दर्शन व म्‍हगसयागु खँ बांलाक थुइकेगु ज्ञान नं बियादिल।

लूका 21:15

छाय्‌धाःसा जिं छिमित थज्‍याःगु खँ व बुद्धि बी, गुकियात छिमि शत्रुतय्‌सं लिसः बी नं फइ मखु, त्‍वाःल्‍हाय् नं फइ मखु।

लूका 24:45

अले धर्मशास्‍त्र थुइके फय्‌केत इमिगु नुगः चाय्‌काः

लूका 9:44

“जिगु थ्‍व खँ बांलाक न्‍यना ति। मनूया काय्‌यात ज्‍वनाः मनूतय्‌गु ल्‍हातय् लःल्‍हाइगु ई वइन।”

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 16:13

गुबलय् सत्‍य आत्‍मा झायादी, अबलय् छिमित फुक्‍क सत्‍य खँ सीके फय्‌के बी। वय्‌कलं थःगु हे जक खँ कनादी मखु, बरु छु छु न्‍यनादिल व हे जक कनादी। वय्‌कलं लिपा जूवइतिनिगु खँ नं कनादी।

प्रेरित 7:10

वय्‌कलं वयात फुक्‍क दुःखकष्‍टं त्‍वःतकाः मिश्र देशयाम्‍ह जुजु फारोहया न्‍ह्यःने बुद्धि व भिंगु मति बियादिल। अले जुजुं वयात राजदरबारयाम्‍ह व मिश्र देशयाम्‍ह हाकिम यानाबिल।

१ कोरिन्‍थी 12:8

अले थ्‍व हे पवित्र आत्‍मां छम्‍हय्‌सित बुद्धि बियादीसा मेम्‍हय्‌सित ज्ञान बियादी।

व्‍यवस्‍था 32:29

इपिं बुद्धि दुपिं जूगु जूसा थ्‍व खँ थुइके फइगु खः। थःपिन्‍त छु जुइ धकाः इमिसं सीकेफइगु खः।

व्‍यवस्‍था 4:39

परमप्रभु हे च्‍वय् स्‍वर्गय् व क्‍वय् पृथ्‍वीइ परमेश्‍वर खः अले वय्‌कः बाहेक मेम्‍ह सुं मदु धकाः छिमिसं थौं सीका का, अले नुगलय् ति।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

कलस्‍सी 1:9

थ्‍व खँ न्‍यंसांनिसें पवित्र आत्‍मायागु बुद्धिं छिमिसं परमेश्‍वरयागु इच्‍छा बांलाक सीके थुइके फयेमा धकाः जिमिसं प्रार्थना याना वयाच्‍वनागु दु।

१ तिमोथी 4:15

दुनुगलंनिसें छं थ्‍व ज्‍या बांलाक याना च्‍वँ। अले छंगु ज्‍या मेपिन्‍सं नं खनी।

२ तिमोथी 2:6

हिचःति हाय्‌काः बुँज्‍या याइम्‍हय्‌सिनं हे दकलय् न्‍हापालाक लये खनी।

२ तिमोथी 2:8

दाऊदया सन्‍तान, सिनाः म्‍वानावःम्‍ह येशू ख्रीष्‍टयात लुमंकी। जिं न्‍यंकागु भिंगु खँ थ्‍व हे खः।

हिब्रू 12:3

पापी मनूतय्‌पाखें वय्‌कलं थुलिमछि दुःख गये यानाः सह यानादिल जुइ, व बिचाः या। उकिं छिपिं नं आशा त्‍वःताः लिचिले मते।

हिब्रू 13:7

छिमित परमेश्‍वरयागु वचन स्‍यनीपिं गुरुतय्‌त लुमंकी। इपिं गुकथं म्‍वानाच्‍वन, व स्‍वयाः छिमिसं नं इमिसं थें हे विश्‍वास यायेगु या।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

हिब्रू 7:4

मल्‍कीसेदेक गुलि तःधंम्‍ह खः धकाः छिमिसं हे थुइकेफु। झी तापाःबाज्‍या अब्राहामंनापं वयात थःम्‍हं लडाइँलय् त्‍याकाः हःगु सम्‍पत्तियागु झिब्‍वय् छब्‍व बिल।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

याकूब 3:15

थज्‍याःगु बुद्धि परमेश्‍वरपाखें वःगु मखु। थज्‍याःगु बुद्धि ला संसारं ब्‍यूगु, अले शैतानपाखें वःगु खः।

याकूब 3:17

परमेश्‍वरपाखें दुगु बुद्धि पवित्र, शान्‍ति बीगु, क्‍वमिलु जुइगु, मिजासं जाःगु, दया दुगु व भिंगु फल बीगु जुइ। थ्‍व ख्‍वाः स्‍वयाः ज्‍या मयाइगु व दुग्‍यंगु जुइ।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।