२ तिमोथी 2:3 - नेवाः बाइबल

³ ख्रीष्‍ट येशूयाम्‍ह भिंम्‍ह सिपाइँ जुयाः छं नं जि नाप दुःखकष्‍ट फ।

२ तिमोथी 2:3 ပူးပေါင်းရင်းမြစ်များ

प्रेरित 23:31

सिपाइँतय्‌सं उजं ब्‍यू थें पावलयात चां चां हे एन्‍टिपाट्रिसय् थ्‍यंकल।

१ कोरिन्‍थी 13:7

माया दुम्‍ह मनुखं न्‍ह्याबलें सह यानाच्‍वनी, न्‍ह्याबलें विश्‍वास याइ, न्‍ह्याबलें आशा यानाच्‍वनी, अले न्‍ह्याबलें मनयात थातं तयाच्‍वनी।

१ कोरिन्‍थी 9:7

सुं सिपाइँनं थःम्‍हं हे खर्च यानाः ज्‍या याइ ला? दाखमा प्‍यूम्‍हय्‌सिनं दाख नये मदइ ला? फैजवालं थःम्‍हं लहिनातःपिं फैतय्‌गु दुरु त्‍वने मदइ ला?

२ कोरिन्‍थी 1:6

जिमिसं दुःखकष्‍ट सियाच्‍वनागुलिं छिमित सान्‍त्‍वना व मुक्ति दइ। परमेश्‍वरं जिमित सान्‍त्‍वना बियादिल धाःसा छिमित नं सान्‍त्‍वना दइ। अथे हे दुःखकष्‍ट जुइबलय् जिमित थें छिमित नं सह याये फइगु शक्ति दइ।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें

२ तिमोथी 1:8

उकिं झी प्रभुयागु भिंगु खँ न्‍यंका जुइत लज्‍या चाये मते, अले जितः कुनातःगुलिइ नं लज्‍या चाये मते, बरु परमेश्‍वरयागु शक्तिइ भरोसा तयाः छं नं जिं थें तुं भिंगु खँयागु निंतिं दुःखसिया जु।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

२ तिमोथी 2:9

थ्‍व हे भिंगु खँ न्‍यंकाः जिं थथे अपराधीयात थें नेवलं चिकाः च्‍वनेमाली। तर परमेश्‍वरयागु वचनयात सुनानं चिनातये फइ मखु।

२ तिमोथी 3:11

जितः गुलि दुःखकष्‍ट बिल, जिं गुलि सास्‍ती नये माल, एन्‍टिओखियाय्, आइकोनियनय् अले लुस्‍त्राय् जितः छु छु जुल धयागु फुक्‍कं छं स्‍यू। गज्‍याः गज्‍याःगु दुःखकष्‍ट जिं फये माल अले प्रभुं फुक्‍क दुःखकष्‍टं जितः बचय् याना तयादिल।

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

फिलेमोन 1:2

व विश्‍वासी केहेँ अप्‍पिया व झीपिं थें ख्रीष्‍टयागु ज्‍या यानाच्‍वंम्‍ह अर्खिप्‍पस व छिमिगु छेँय् मुं वइपिं विश्‍वासीतय्‌त ज्‍वजलपा।

हिब्रू 10:32

न्‍हापायागु खँ छकः लुमंकि – भिंगु खँ न्‍यने धुंकाः व परमेश्‍वरयागु जः काये धुंकाः छिमित गुलि दुःखकष्‍ट जूवल। अय्‌नं छिमिसं विश्‍वास यायेगु मत्‍वःतू।

हिब्रू 11:27

विश्‍वासं हे जुजुयागु तं खनाः मग्‍यासे मोशां मिश्र देश त्‍वःतावन। अले खने मदुम्‍ह परमेश्‍वरयात खं थें च्‍वंक नुगः क्‍वात्तुकाच्‍वन।

हिब्रू 6:15

अब्राहाम हथाय् मचासे पियाच्‍वंगुलिं परमेश्‍वरं बियादी धकाः बचं बियादीगु आशिष वयात दत।

याकूब 1:12

दुःखकष्‍ट जुयाच्‍वंबलय् नं परमेश्‍वरयाके भरोसा तयाच्‍वंम्‍ह मनू धन्‍यम्‍ह खः। अथे दुःखकष्‍ट सीधुंकाः वयात परमेश्‍वरं वय्‌कःयात माया याःपिन्‍त बी धकाः धयादीगु जीवनयागु श्रीपेच बियादी।

न्‍यायकर्ता 3:2

इस्राएलीतय् लडाइँ याये मसःपिं लिपाया सन्‍तानतय्‌त लडाइँ यायेगु स्‍यनेत वय्‌कलं थथे यानादीगु खः।