२ तिमोथी 2:26 - नेवाः बाइबल

²⁶ थुकथं वाः चायेकाः इपिं शैतानयागु ल्‍हातं बिस्‍युं वये फइ, छाय्‌धाःसा शैतानं इमित च्‍यः यानातःगु दु।

२ तिमोथी 2:26 ပူးပေါင်းရင်းမြစ်များ

अय्‍यूब 1:12

अले परमप्रभुं शैतानयात धयादिल, “ज्‍यू, वयाके दुगु फुक्‍क छंगु हे ल्‍हातय् दु। अय्‍यूबयागु म्‍हयात धाःसा थी मते।” अले शैतान परमप्रभुया न्‍ह्यःनं पिहां वन।

अय्‍यूब 2:6

अले परमप्रभुं शैतानयात धयादिल, “का सा, अथे जूसा व छंगु ल्‍हातय् दु। तर वयागु ज्‍यान धाःसा त्‍वःताः ब्‍यु।”

भजनसंग्रहया सफू 124:7

शिकारीया जालं झंगः बचय् जूगु थें झीपिं बचय् जुइ धुंकल। इमिगु जाः गुत अले झीपिं बचय् जुल।

यशैया 28:13

अथे जुयाः परमप्रभुया वचन इमिगु निंतिं थथे जुइ – भतिचा थन, भतिचा अन हे स्‍यनेगु, अले हानं हानं कनेगु, अले हानं हानं धायेगु। थुकथं इपिं लुफिं हानाः दयेमा, घाःपाः जुइमा, जालय् तक्‍यनेमा, अले ज्‍वनेमा।

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

यशैया 8:15

अप्‍वः थें मनूत लुफिं हानाः क्‍वःदइ, इपिं चुंचुं जुइ, इपिं जालय् तक्‍यनी अले इमित ज्‍वनाः कुनाबी।”

लूका 11:21

तसकं बल्‍लाःम्‍ह मनू हतियार ज्‍वनाः छेँ पिवाः च्‍वनाच्‍वन धाःसा अन च्‍वंगु मालताल खुया यंके फइ मखु।

लूका 15:17

“छन्‍हु वयात होश वल, वं थथे बिचाः यात – ‘जिमि बाःयाथाय् ज्‍या याइपिं मनूतय्‌सं प्‍वाः जाय्‌क नयाः नं थयेत दु, जि धाःसा थन नये हे मखनाः सिनावनिन।

लूका 5:10

व नाप ज्‍या याइपिं जब्‍दिया काय्‌पिं याकूब व यूहन्‍ना नं अजू चाल। अले वय्‌कलं सिमोनयात धयादिल – “ग्‍याये मते, छं न्‍या लाः जुइ म्‍वाल, आवंनिसें छ मनू लाइम्‍ह जुइ।”

यूहन्‍ना 13:2

बहनी नयाच्‍वंबलय् येशूयात धोखा बीगु खँ सिमोनया काय् यहूदा इस्‍करियोतयागु मनय् शैतानं तयाबी धुंकल।

यूहन्‍ना 13:27

मरि कुचा काये धुंकाः वयाके शैतान दुबित। अले येशूं वयात धयादिल – “छं यायेत्‍यनागु ज्‍या याकनं याः हुँ।”

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

प्रेरित 5:3

थ्‍व खँ पत्रुसं सियाः धाल – “हननिया, शैतानयात थःगु नुगलय् तयाः छिं पवित्र आत्‍माया न्‍ह्यःने छाय् मखुगु खँ ल्‍हानादियागु? जग्‍गा मियाः वःगु धिबा भचा छिकपिन्‍सं सुचुकादियागु मखु ला?

१ कोरिन्‍थी 15:34

भिंगु ज्‍याखँ यायेत न्‍ह्यलं चाय्‌कि, अले पाप यायेगु त्‍वःति। छिमित मछालापुकेत जिं थथे धयाच्‍वनागु खः, छाय्‌धाःसा छिपिं गुम्‍हं गुम्‍हय्‌सिनं परमेश्‍वरयात म्‍हसीके मफुनि।

२ कोरिन्‍थी 2:11

झीसं थथे क्षमा याःसा शैतानं झीत स्‍यंके फइ मखु। शैतानं झीत न्‍ह्याथे यानाः सां क्‍वथलेत स्‍वयाच्‍वंगु खँ झीसं स्‍यू।

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

कलस्‍सी 1:13

वय्‌कलं हे झीत शैतानयागु खिउँगु राज्‍यं लिगनाः थः यःम्‍ह काय्‌यागु राज्‍यय् हयादिल।

१ तिमोथी 1:20

अथे स्‍यंपिं मध्‍ये हुमेनियस व अलेक्‍जेन्‍डर नं खः। अज्‍ज अप्‍वः थुमिसं प्रभुयात बांमलाकाः खँ ल्‍हाना मजुइमा धकाः जिं थुमित शैतानयागु ल्‍हातय् लःल्‍हानाबी धुन।

१ तिमोथी 3:7

अले मण्‍डलीं पिने नं नांजाःम्‍ह जुइमाः, अथे जूसा जक वयात मनूतय्‌सं हेबाय्‌चबाय् याइ मखु, अले शैतानयागु जालय् नं लाइ मखु।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।