२ तिमोथी 2:25 - नेवाः बाइबल

²⁵ अले शत्रुयात नं क्‍वमिलु जुयाः थुइका बीम्‍ह जुइमाः। सके परमेश्‍वरं इमिगु नुगः हे हिलाः सत्‍य खँयात थुइके फयेकादी ला?

२ तिमोथी 2:25 ပူးပေါင်းရင်းမြစ်များ

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

इजकिएल 11:19

अले जिं इमित छगू हे मन बी। इमिके छगू न्‍हूगु आत्‍मा तयाबी। जिं इमिगु म्‍हं ल्‍वहंया नुगः लिकयाः इमित लायागु नुगः बी।

इजकिएल 12:3

“उकिं अय् सीमानिम्‍ह मनू, देशं ज्‍वनायंकूम्‍ह मनू थें थःगु सामान प्‍वःच्‍यु, अले न्‍हिनय् इमिगु मिखाया न्‍ह्यःने हे छ थः च्‍वनाच्‍वंगु थासं मेगु थासय् हुँ! इपिं विद्रोही घराना जूसां इमिसं छुं थुइ ला?

इजकिएल 36:26

जिं छिमित छगू न्‍हूगु नुगः बी, अले छिमिगु दुने जिं न्‍हूगु आत्‍मा तयाबी। छिमिगु म्‍हं ल्‍वहंया नुगः लिकयाः जिं छिमित लायागु नुगः बी।

इजकिएल 36:31

अबलय् छिमिसं थःगु मभिंगु चाला व मभिंगु ज्‍यायात लुमंकी, थःगु पाप व घच्‍चाइपुगु चलनया कारणं छिमिसं थःपिन्‍त हे घृणा याइ।

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

मत्ती 21:32

भिंगु व धात्‍थेंगु लँपु क्‍यनेत बप्‍तिस्‍मा बीम्‍ह यूहन्‍ना छिकपिन्‍थाय् वल, अय्‌नं छिकपिन्‍सं वयागु खँ न्‍यनामदी। बरु कर काइपिं मनूतय्‌सं व वेश्‍यातय्‌सं वयागु खँय् विश्‍वास यात। इमिसं याःगु फुक्‍कं खंक खंक नं छिकपिन्‍सं पश्‍चाताप मयात धाःसा अले वयात विश्‍वास यानामदी।”

मर्कूस 1:15

“ई जुइ धुंकल, परमेश्‍वरयागु राज्‍य न्‍ह्यःने थ्‍यने धुंकल। पश्‍चाताप या, भिंगु खँय् विश्‍वास या।”

यूहन्‍ना 5:34

जिगु लागि सुनानं साक्षी बी म्‍वाः। अय्‌नं छिपिं बचय् जुइमा धकाः जिं थथे धयाच्‍वनागु खः।

प्रेरित 11:18

इमिसं फुक्‍क खँ न्‍यने धुंकाः पत्रुसयात ब्‍वःबीगु त्‍वःताः थथे धकाः परमेश्‍वरयात तःधंकल – “अय्‌सा परमेश्‍वरं यहूदीमखुपिन्‍त नं पश्‍चाताप याकाः म्‍वाकादिल खनी।”

प्रेरित 2:38

अले पत्रुसं इमित धाल – “पश्‍चाताप या, अले छिकपिं छम्‍ह छम्‍हय्‌सिनं थःगु पापया क्षमा या लागि येशू ख्रीष्‍टयागु नामं बप्‍तिस्‍मा कयादिसँ। अले छिकपिन्‍सं परमेश्‍वरयागु वरदान पवित्र आत्‍मा कायेखनी।

प्रेरित 20:21

जिं यहूदीतय्‌त व यहूदीमखुपिन्‍त पश्‍चाताप यानाः परमेश्‍वरयाथाय् लिहां वयेत व झी प्रभु येशू ख्रीष्‍टयात विश्‍वास यायेत न्‍यंका जुया।

प्रेरित 5:21

अले स्‍वर्गदूतं धाःथें इमिसं सुथ न्‍हापां देगलय् वनाः स्‍यनेकने यात। उखे धाःसा दकलय् तःधंम्‍ह पुजाहारी व वया मनूतय्‌सं इस्राएलय् च्‍वंपिं फुक्‍क थकालिपिन्‍त सभा सःतल। इमिसं प्रेरिततय्‌त काय्‌के छ्वल।

प्रेरित 5:31

परमेश्‍वरं हे वय्‌कःयात तःधंकाः जव ल्‍हातय् तयादिल। इस्राएलीतय्‌त पश्‍चाताप याकाः पाप क्षमा बीकेत वय्‌कःयात हे जुजु व मुक्ति बीम्‍ह यानादिल।

प्रेरित 8:22

अथे जूगुलिं छं पश्‍चाताप यानाः पापं लिच्‍यु। अले प्रभुयात प्रार्थना याःसा छंगु पाप क्षमा जुइफु, छाय्‌धाःसा छंगु नुगः तसकं हे वँचु धकाः जिं स्‍यू।

गलाती 6:1

यःपिं दाजुकिजापिं, सुनानं मभिंगु ज्‍या याःगु खन धाःसा छिपिं परमेश्‍वरया आत्‍मां धाःथें याइपिन्‍सं वयात मिजासं भिंकेगु स्‍वयेमाः। तर बांलाक होश या, थथे यायेबलय् छिपिं थः हे मभिंगु ज्‍याय् मलायेमा।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

२ तिमोथी 3:7

थ्‍व मिसातय्‌सं स्‍यनाः सय्‌का कायेत यक्‍व स्‍वइ। अय्‌नं सत्‍य छु खः धकाः गुब्‍सं सीके फइ मखु।

तीतस 1:1

परमेश्‍वरया दास, येशू ख्रीष्‍टयाम्‍ह प्रेरित जि पावलं च्‍वयाच्‍वनागु दु। जिगु ज्‍या हे परमेश्‍वरं ल्‍यया तःपिनिगु विश्‍वास क्‍वात्तुका बीगु व सत्‍य खँयात थुइका बियाः परमेश्‍वरयात यःथें याये सय्‌का बीगु खः।

तीतस 3:2

सुयातं मभिंकाः खँ ल्‍हाये मते, सुंनाप ल्‍वाना जुइ मते, अले फुक्‍क नाप क्‍वमिलु जुयाः मिलय् जुयाच्‍वँ धकाः इमित थुइकाब्‍यु।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।

१ यूहन्‍ना 5:16

सुनानं थः किजायात सीम्‍वाःलिगु पाप यानाच्‍वंगु खंसा वं थः किजायालागिं प्रार्थना यायेमाः। परमेश्‍वरं वयात जीवन बियादी। तर थ्‍व धाःसा सीम्‍वाःलिगु पाप याःपिनिगु निंतिं जक खः। सी मालिगु पाप नं दु। तर जिं छिमित थुकिया लागि प्रार्थना या धकाः धाये मखु।