२ तिमोथी 2:22 - नेवाः बाइबल

²² ल्‍याय्‌म्‍ह इलय् मभिंगु मतिइ वइ, उकिं थज्‍याःगुलिं तापाक च्‍वँ। बरु यचुगु नुगलं प्रभुयात मानय् याइपिंलिसे जुयाः धर्मी जुइगु, विश्‍वास यायेगु, माया यायेगु व मिलय्‌चलय् जुयाच्‍वनेगु या।

२ तिमोथी 2:22 ပူးပေါင်းရင်းမြစ်များ

भजनसंग्रहया सफू 119:9

छम्‍ह ल्‍याय्‌म्‍हम्‍ह मनुखं गथे थःगु जीवन शुद्ध तये फइ? छिगु वचनकथं म्‍वानाः हे खः।

भजनसंग्रहया सफू 17:1

हे परमप्रभु! न्‍यायया निंतिं यानागु जिगु इनापयात न्‍यनादिसँ। जिगु प्रार्थनायात ध्‍यान बियादिसँ। जिं भिं नुगलं यानागु प्रार्थनायात न्‍यनादिसँ!

हितोपदेश 15:8

परमप्रभु दुष्‍टतय्‌सं छाःगु बलिं लय्‌तायादी मखु, भिंपिं मनूतय्‌सं याःगु प्रार्थनां वय्‌कः लय्‌तायादी।

हितोपदेश 6:5

जालं झंगः पिहां वये थें, शिकारीया ल्‍हातिं चल्‍ला बिस्‍युं वने थें थःत जालं पिका।

हितोपदेश 7:8

व ल्‍याय्‌म्‍ह व मिसाया छेँ वनेगु लँय् वनाच्‍वन। अले व मिसाया छेँ न्‍ह्यःने थ्‍यन।

लेवी 15:18

सुं मिजं मिसालिसे द्यनीबलय् वीर्य लात धाःसा इपिं निम्‍हय्‌सिनं नं म्‍वःल्‍हुइमाः, अले इपिं सन्‍ध्‍याकाः ईतक अशुद्ध जुइ।

प्रेरित 7:59

इमिसं थथे ल्‍वहँतं कय्‌का च्‍वंबलय् स्‍तिफनसं थथे प्रार्थना यात – “प्रभु येशू, जिगु आत्‍मा कयादिसँ।”

प्रेरित 9:14

थन नं तःधंपिं पुजाहारीतय्‌के छिकपिनि चेलातय्‌त ज्‍वनाः यंकेगु अधिकार कयाः वःगु दु हं।”

रोमी 14:17

परमेश्‍वरयागु राज्‍य नयेगु व त्‍वनेगु जक मखु, बरु पवित्र आत्‍मां बियादीगु धार्मिकता, शान्‍ति व आनन्‍द खः।

रोमी 14:19

उकिं छु याःसा शान्‍ति जुइ, अले फुक्‍क मिलय् जुयाः सकसिगुं भिं जुइगु खः, व जक यानाजुइगु स्‍वये माल।

१ कोरिन्‍थी 1:10

यःपिं दाजुकिजापिं, झी प्रभु येशू ख्रीष्‍टया नामय् छिमित जिगु बिन्‍ति दु – छिपिं सकसिनं छगू हे खँ ल्‍हायेगु या। छिमिगु दथुइ ल्‍वापु मजुइमा बरु छिपिं फुक्‍कं मिलय् जुयाः छगू हे बिचाः व छगू हे मन जुयाच्‍वनेगु त्‍वःते मते।

१ कोरिन्‍थी 1:2

कोरिन्‍थय् च्‍वंगु मण्‍डलीयापिन्‍त ज्‍वजलपा! ख्रीष्‍ट येशूपाखें पवित्र जूपिं परमेश्‍वरया मनू जुइत सःतातःपिं व थाय् थासय् च्‍वंपिं झी प्रभु येशू ख्रीष्‍टयागु नां काइपिं सकसितं

१ कोरिन्‍थी 10:14

अथे जूगुलिं यःपिं दाजुकिजापिं, मूर्ति पुजा यायेगुपाखें तापाक च्‍वँ।

१ कोरिन्‍थी 14:1

अय्‌जूगुलिं छिमिसं कर्पिन्‍त माया यायेगु कुतः या। आत्‍मायागु वरदान कायेत नं कुतः या। अज्‍ज ला अगमवाणी कनेगु वरदान कायेत स्‍व।

१ कोरिन्‍थी 6:18

व्‍यभिचारपाखें तापाक च्‍वँ। मेमेगु पाप याःसां म्‍हयात छुं नं जुइ मखु। व्‍यभिचार यात धाःसा थःगु हे म्‍ह लिसे पाप याःगु जुइ।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

१ तिमोथी 1:5

यचुगु नुगलं, भिंगु मतिं व शंका मयासें याइगु विश्‍वासं दइगु मायायात ब्‍वलंकेत जिमिसं थथे धयाच्‍वनागु खः।

१ तिमोथी 2:8

मिजंतय्‌सं न्‍ह्याथाय् नं तं मचासे व जवाःसवाः मयासें दुनुगलंनिसें पवित्र ल्‍हाः ल्‍ह्वनाः प्रार्थना यायेमाः।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

१ पत्रुस 3:11

पापं लिचिलाः भिंगु ज्‍या या। शान्‍तियागु लँपु त्‍वःतावने मते।

३ यूहन्‍ना 1:11

यःम्‍ह किजा, अय्‌जूगुलिं छं मभिंगु बांमलाःगु खँ याये सय्‌के मते, बरु भिंगु बांलाःगु खँ जक सय्‌कि। भिंगु बांलाःगु यानाजुइपिं परमेश्‍वरया मनूत खः। मभिंगु बांमलाःगु यानाजुइपिं मनूतय्‌सं परमेश्‍वरयात म्‍हमस्‍यू।