२ तिमोथी 2:2 - नेवाः बाइबल

² यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

२ तिमोथी 2:2 ပူးပေါင်းရင်းမြစ်များ

एज्रा 7:10

छाय्‌धाःसा एज्रां थःत परमप्रभुयागु व्‍यवस्‍था ब्‍वनेत व पालन यायेत अले थुकियागु विधि व नियम इस्राएलय् स्‍यनेत देछाःगु खः।

एज्रा 7:25

“छ एज्रां धाःसा छंके दुगु छिमि परमेश्‍वरयागु बुद्धिकथं यूफ्रेटिसया पच्‍छिमयागु प्रान्‍तयापिं छिमि परमेश्‍वरयागु व्‍यवस्‍था पालन यानाः न्‍याय याइपिं मनूत व हाकिमत ल्‍य। व्‍यवस्‍था मस्‍यूपिन्‍त धाःसा छं स्‍यँ।

नहेम्‍याह 7:2

जिं जिमि किजा हनानीनापं किल्‍लाया कप्‍तान हनन्‍याहयात यरूशलेमय् शासन यायेगु जिम्‍मा बिया। व मेपिं मनूत स्‍वयाः तसकं विश्‍वास याये बहःम्‍ह व परमेश्‍वरया ग्‍याःभय काइम्‍ह खः।

भजनसंग्रहया सफू 101:6

जिं परमेश्‍वरयात विश्‍वास याइपिं मनूतय्‌त जक ल्‍ययाः थःगु दरबारय् तये। अले द्वं मदय्‌कः जुइपिन्‍सं जक जिगु सेवा याइ।

हितोपदेश 13:17

दुष्‍टम्‍ह दूतं दुःखयागु खँ हइ, तर विश्‍वास याये बहःम्‍ह दूतं भिं उसाँय् हइ।

यर्मिया 23:28

सुं अगमवक्तां म्‍हगस खंगु दुसा वं वयागु म्‍हगस कनेमा, तर सुयाके जिगु वचन दु वं जिगु वचन खःकथं कनेमा। जि, परमप्रभुं धाये, छ्वालिनापं छ्वयागु छु स्‍वापु?

लेवी 14:42

अनंलि वं अंगलय् न्‍हूगु ल्‍वहं हयाः तिनाबीमाः, अले हाकनं लेवं इलाबीमाः।

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

गन्‍ती 12:7

तर जिमि दास मोशालिसे धाःसा जिं अथे याये मखु। जिगु फुक्‍क घरानाय् जिं पत्‍याः यानाम्‍ह व हे खः।

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

मत्ती 24:25

स्‍व, थथे जुइतिनि धकाः जिं छिमित न्‍हापां हे धयाबियागु दु।”

लूका 12:42

अले वय्‌कलं धयादिल – “भिंम्‍ह व विश्‍वास याये बहःम्‍ह च्‍यः सु जुइ? गुम्‍हय्‌सित वया मालिकं मेपिं च्‍यःतय्‌त ठीक ठीक इलय् नके त्‍वंकेगु ज्‍या बियाः इमि नायः याना तइ, व हे जुइ।

१ कोरिन्‍थी 4:2

विश्‍वास यायेबहःपिं च्‍यःत खः धकाः जिमिसं क्‍यनेमाः।

२ कोरिन्‍थी 2:14

परमेश्‍वरयात सुभाय् दु, छाय्‌धाःसा ख्रीष्‍टलिसे तुं जिपिं नं न्‍ह्याबलें त्‍याना च्‍वनेत वय्‌कलं जिमित दया माया यानादीगु दु। अले जिमिगुपाखें भिंगु खँ नस्‍वाः थें न्‍यंकभनं न्‍यंकादीगु दु।

२ कोरिन्‍थी 3:5

थ्‍व ज्‍या जिमिगु हे शक्तिं याये फु धकाः धायेगु जिमिगु शक्ति मदु। थ्‍व ज्‍या जिमित याये फय्‌कादीम्‍ह परमेश्‍वर हे खः।

कलस्‍सी 1:7

थ्‍व हे वचन छिमिसं जिपिं थें ज्‍याःम्‍ह प्रभुया दास इपाफ्रासयापाखें सय्‌का काःगु दु। व विश्‍वास याये बहःम्‍ह ख्रीष्‍टया छम्‍ह दास खः।

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

१ तिमोथी 4:14

थकालिपिन्‍सं छन्‍त छेनय् ल्‍हाः तयाः न्‍हापां हे क्‍वःछिनातःगु वरदानयात सितिं छ्वये मते।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

१ तिमोथी 5:22

हथाय् चायाः सुयातं छेनय् ल्‍हाः तयाः मण्‍डलीयागु ज्‍याय् तये मते, छाय्‌धाःसा व मनू मभिंम्‍ह जूसा वयागु पाप छन्‍त नं लाइ। थःत पापपाखें तापाक हे ति।

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

२ तिमोथी 3:10

छं जिं स्‍यनेकने यानागु, जिगु चालचलन, जिगु लक्ष्य, जिगु विश्‍वास, जिं गथे सह यानाच्‍वना, जिं गुलि माया यानाच्‍वना,

२ तिमोथी 3:14

छं जक थ्‍व खँ सुयापाखें स्‍यना कयागु खः, व सीकाः थःम्‍हं सय्‌कागु व विश्‍वास यानागु खँय् जुयाच्‍वँ।

हिब्रू 2:17

दक्‍व खँय् वय्‌कः थः हे दाजुकिजा थें जुयादी माल। थुकथं परमेश्‍वर व झीगु दथुइ च्‍वनाः झीगु पापया प्रायश्‍चित यायेत दयादुम्‍ह व विश्‍वास याये बहःम्‍ह दकलय् तःधंम्‍ह पुजाहारी थें जुयादिल।

१ शमूएल 2:35

जिं जिगु निंतिं छम्‍ह विश्‍वास याये बहःम्‍ह पुजाहारी ल्‍यये। वं हे जिगु मनय् व नुगलय् च्‍वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्‍ह मनूया न्‍ह्यःने सदां सेवा याइ।