२ तिमोथी 2:19 - नेवाः बाइबल

¹⁹ अय्‌नं परमेश्‍वरं स्‍वनादीगु जग गुबलें दुनावनी मखु। अले थ्‍व जगय् थथे च्‍वयातःगु दु – “प्रभुया मनूयात प्रभुं म्‍हस्‍यू।” अले “प्रभुयागु नां कयाः जूपिन्‍सं मभिंगु ज्‍या याये मज्‍यू।”

२ तिमोथी 2:19 ပူးပေါင်းရင်းမြစ်များ

अय्‍यूब 28:28

अले वय्‌कलं मनूयात धयादिल, ‘स्‍व, प्रभुया भय कायेगु हे बुद्धि खः। मभिंगु ज्‍यापाखें तापाक च्‍वनेगु हे दुग्‍यां खः।’”

भजनसंग्रहया सफू 1:6

छाय्‌धाःसा परमप्रभुं धर्मीतय्‌गु लँयात रक्षा यानादी। तर दुष्‍टतय्‌गु लँ नाश जुयावनी।

भजनसंग्रहया सफू 112:6

धर्मी मनू गुबलें लिचिले माली मखु, वयागु लुमन्‍ति न्‍ह्याबलें दयाच्‍वनी।

भजनसंग्रहया सफू 34:14

मभिंगु खं तापाक च्‍वँ, अले भिंगु ज्‍या या। फुक्‍कलिसे मिलय् जुयाः च्‍वनेगु स्‍व।

भजनसंग्रहया सफू 37:18

परमप्रभुं भिंपिं मनूतय्‌त न्‍हियान्‍हिथं बिचाः यानातयादीगु दु, इपिं परमप्रभुं बियादीगु सर्बय सदां च्‍वने खनि।

भजनसंग्रहया सफू 97:10

परमप्रभुयात माया याइपिन्‍सं मभिंगुयात यय्‌की मखु, वय्‌कलं थः विश्‍वास याये बहःपिनिगु प्राण रक्षा यानादी, वय्‌कलं इमित दुष्‍टतय्‌गु ल्‍हातं बचय् यानादी।

हितोपदेश 10:25

वाफय् वइबलय् दुष्‍टतय्‌त पुइकायनी, धर्मीतय्‌त गुबलें नं इकिधिकि हे संकी मखु।

हितोपदेश 3:7

थःम्‍हं थःत सःस्‍यू धकाः जुइ मते। परमप्रभुयागु भय का, अले मभिंगु ज्‍या त्‍वःति।

यशैया 14:32

अले पलिश्‍तीपाखें बुखँ ज्‍वनाः वइपिं मनूतय्‌त झीसं छु लिसः बियेगु? “परमप्रभुं सियोनयात पलिस्‍था यानादिल, अले दुःखकष्‍टय् लानाच्‍वंपिं वय्‌कःया प्रजात अन शरण कायेखनी।”

यशैया 28:16

अथे जुयाः परमप्रभुं धयादी, “स्‍व, जिं सियोनय् छग्‍वः ल्‍वहं तयागु दु, जाँचय् यानातःगु छग्‍वः ल्‍वहं, तसकं बल्‍लाःगु जगया निंतिं मदय्‌कं मगाःगु मू ल्‍वहं। थुकी विश्‍वास याइपिं सुनानं लज्‍या चाय् माली मखु।

यशैया 63:19

न्‍हापा न्‍हापांनिसें जिपिं ला छिकपिनिम्‍ह हे खः, तर जिपिं छिं गुबलें शासन यानामदीपिं प्रजा थें च्‍वं, जिपिं छिगु नां ज्‍वनाः मजुइपिं प्रजा थें च्‍वं।

यशैया 65:15

छिमिसं थःपिनिगु नां जिं ल्‍ययापिनिगु निंतिं सरा कथं त्‍वःतावनि। अले जि, परमप्रभु परमेश्‍वरं छिमित स्‍यानाबी। तर जिं थः दासतय्‌गु निंतिं मेगु नां बी।

इजकिएल 9:4

अले वयात धयादिल, “यरूशलेम शहरया फुक्‍क थासय् वनाः अन याःगु फुक्‍क घच्‍चाइपुगु ज्‍याया निंतिं नुगः मछिंकुपिं व बिलाप याःपिं सकलें मनूतय्‌गु कपालय् छगू चिं ति!”

नहूम 1:7

परमप्रभु भिंम्‍ह खः, दुःखया इलय् वय्‌कः शरण कायेगु थाय् खः। वय्‌कःयाके भलसा तइपिन्‍त वय्‌कलं सुसाकुसा यानादी।

हाग्‍गै 2:23

“ ‘उखुन्‍हु, हे शालतिएलया काय् जिम्‍ह दास यरूबाबेल, जिं छन्‍त कयाः अंगूयात थें तये, छाय्‌धाःसा जिं छन्‍त ल्‍ययागु दु’ धकाः दक्‍व शक्ति दुम्‍ह परमप्रभुं धयादी।”

जकरिया 3:9

यहोशूया न्‍ह्यःने जिं तयागु ल्‍वहंयात स्‍व। उकी न्‍हय्‌गः मिखा दु। आः ला जिं उकी आखः कियाबी।’ दक्‍व शक्ति दुम्‍ह परमप्रभुं धयादी, ‘अले छन्‍हुं हे थ्‍व देशयागु पाप चीकाबी।’”

गन्‍ती 16:5

अले वं कोरह व वयागु फुक्‍क पुचःयात थथे धाल, “कन्‍हय् सुथय् वय्‌कःयाम्‍ह सु खः, पवित्रम्‍ह सु खः, अले वय्‌कःया न्‍ह्यःने वनेत्‍यःम्‍ह सु खः धकाः परमप्रभुं हे क्‍यनादी। थम्‍हं ल्‍ययादीम्‍हय्‌सित वय्‌कलं थःगु न्‍ह्यःने वय्‌केबी।

गन्‍ती 6:27

“हारून व वया काय्‌पिन्‍सं इस्राएलीतय्‌त सुवाः बियाः जिगु नां काइबलय् जिं इमित सुवाः बी।”

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

मत्ती 7:23

जिं इमित थथे लिसः बी – जिं छिमित म्‍ह हे मस्‍यू। मभिंगु ज्‍याखँ यानाजुइपिं, छिपिं फुक्‍कं जिथासं तापाक्‍क हुँ।

मत्ती 7:25

वं छेँ दय्‌के धुंकाः तसकं वा वयाः बाः वल। हानं तसकं फय् वयाः वयागु छेँय् कल। अय्‌नं ल्‍वहंयागु बल्‍लाःगु जगय् दनातःगुलिं वयागु छेँ मदुन।

मर्कूस 12:16

इमिसं छगः धिबा हयाः वय्‌कःयात क्‍यन। वय्‌कलं न्‍यनादिल – “थुकी सुयागु ख्‍वाः व नां कियातःगु दु?” इमिसं “कैसरयागु” धकाः लिसः बिल।

मर्कूस 13:22

छाय्‌धाःसा उबलय् फताहा ख्रीष्‍ट व अगमवक्तात खनेदय्‌कः वइ। इमिसं फतिंफतलय् परमेश्‍वरं ल्‍ययातःपिं मनूतय्‌त झंगःलाय्‌त ततःधंगु चिं व अजू चायापुगु ज्‍या यानाक्‍यनी।

लूका 13:27

छिमिसं वय्‌कःयात अथे धाःसां वय्‌कलं छिमित थथे धया हइ – ‘धात्‍थें हे छिपिं गनं वःपिं खः धकाः जिं मस्‍यू। अले गज्‍याःपिं खः धकाः नं जिं मस्‍यू। मभिंगु जक ज्‍या यानाजुइपिं, हालाच्‍वने मते, हुँ।’

लूका 6:48

व मनू छेँ दय्‌कीम्‍ह मनू थें खः। गुम्‍हय्‌सिनं ल्‍वहंया द्यःने बल्‍लाक जग म्‍हुयाः छेँ दन। खुसिबाः वलं नं व छेँ चुइकः यंके मफुत, छाय्‌धाःसा व छेँ बल्‍लाक दय्‌कातःगु खः।

यूहन्‍ना 10:14

“जि भिंम्‍ह फैजवाः खः। अथे जूगुलिं जिं जिम्‍ह फैचात फुक्‍कं म्‍हस्‍यू, अले फैतय्‌सं नं जितः म्‍हस्‍यू।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 3:33

वय्‌कःयागु खँय् विश्‍वास याःम्‍ह मनुखं धाःसा परमेश्‍वर सत्‍य खः धकाः दसि बी।

प्रेरित 11:26

लुइके धुंकाः वयात एन्‍टिओखियाय् ब्‍वना हल। इपिं अन दच्‍छि तक च्‍वनाः मण्‍डलीइ च्‍वंपिं यक्‍वसित हे स्‍यनेकने यात। एन्‍टिओखियाय् हे दकलय् न्‍हापां विश्‍वासीतय्‌त ख्रीष्‍टियन धायेगु यात।

प्रेरित 15:17

अले मेपिं फुक्‍क मनूत, अज्‍ज ला जिं थः मनूत यायेत सःतापिं यहूदीमखुपिं मनूतय्‌सं तक नं परमेश्‍वरयात माली।

प्रेरित 9:14

थन नं तःधंपिं पुजाहारीतय्‌के छिकपिनि चेलातय्‌त ज्‍वनाः यंकेगु अधिकार कयाः वःगु दु हं।”

रोमी 11:2

न्‍हापांनिसें ल्‍ययातःपिं वय्‌कःया मनूतय्‌त परमेश्‍वरं त्‍वःतादीगु मदुनि। एलियायागु खँ धर्मशास्‍त्रय् च्‍वयातःगु छिमिसं मस्‍यू ला? इस्राएलीतय्‌त मभिंकाः एलियां परमेश्‍वरयात थथे बिन्‍ति यात –

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

रोमी 15:20

ख्रीष्‍टयागु नां मस्‍यूपिन्‍थाय् वनाः ख्रीष्‍टयागु भिंगु खँ न्‍यंकेगु जिगु इच्‍छा खः। मेपिन्‍सं जग स्‍वना तये धुंकूथाय् वनाः छेँ दनेथें मेपिन्‍सं न्‍यंका तये धुंकूथाय् वनाः हानं न्‍यंके मास्‍ति मवः।

रोमी 15:9

यहूदीमखुपिन्‍सं नं परमेश्‍वरं दया माया यानादीगुलिं वय्‌कःयात जयजय यायेमा धकाः ख्रीष्‍ट झायादीगु खः। धर्मशास्‍त्रय् नं थथे च्‍वयातःगु दु – “यहूदीमखुपिं दुथाय् नं जिं छितः जयजय याये छिगु नां कयाः भजन हाले।”

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

रोमी 9:11

अले निम्‍हं काय् बुइ न्‍ह्यः हे, अले भिंगु मभिंगु ज्‍याखँ मयाःनिबलय् हे थःत यःथें परमेश्‍वरं ल्‍ययादिल।

१ कोरिन्‍थी 1:2

कोरिन्‍थय् च्‍वंगु मण्‍डलीयापिन्‍त ज्‍वजलपा! ख्रीष्‍ट येशूपाखें पवित्र जूपिं परमेश्‍वरया मनू जुइत सःतातःपिं व थाय् थासय् च्‍वंपिं झी प्रभु येशू ख्रीष्‍टयागु नां काइपिं सकसितं

१ कोरिन्‍थी 8:3

परमेश्‍वरयात माया यानाच्‍वंम्‍ह मनूयात धाःसा परमेश्‍वरं नं म्‍हस्‍यू।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

गलाती 4:9

आः छिमिसं परमेश्‍वरयात म्‍हसी धुंकल। वय्‌कलं नं छिमित म्‍हसीकादिल। आः हानं छिपिं गथे यानाः व हे ज्‍यालगय् मजूपिं व पुलांपिं द्यःतय्‌थाय् लिहां वनेफुगु? छु छिपिं हानं इमि दास जूवनेगु ला?

एफिसी 2:20

प्रेरिततय्‌सं व अगमवक्तातय्‌सं स्‍वना थकूगु जगय् दय्‌कूगु छेँ छिपिं नं खः। अले थ्‍व जगयागु मू ल्‍वहं येशू ख्रीष्‍ट खः।

एफिसी 3:15

वय्‌कलं हे स्‍वर्गय् च्‍वंपिं व पृथ्‍वीइ च्‍वंपिं फुक्‍कसित जीवन बियादीगु खः।

एफिसी 4:30

थुलि जक मखु, पवित्र आत्‍मायात दुःख बी मते, छाय्‌धाःसा पवित्र आत्‍मा उद्धार बी खुन्‍हुयात धकाः झीत बियातःगु चिं खः।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ तिमोथी 6:19

थुकथं इमिसं लिपायात स्‍यल्‍लाःगु धनसम्‍पत्ति मुंके फइ, अले धात्‍थेंगु जीवन कायेखनी।

हिब्रू 11:10

अब्राहाम ला सदां दयाच्‍वनीगु जगय् परमेश्‍वरं हे दय्‌कादीगु शहरय् च्‍वनेत पियाच्‍वंम्‍ह खः।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

प्रकाश 21:14

शहरया पःखाःयागु जग झिंनिथाय् दु। उकी द्यःने चीधिकःम्‍ह भ्‍याःचाया झिंनिम्‍ह प्रेरिततय्‌गु नां च्‍वयातःगु दु।

प्रकाश 22:4

इमिसं वय्‌कःयागु ख्‍वाः स्‍वये दइ। वय्‌कःयागु नां इमिगु कपालय् च्‍वयातःगु दइ।

प्रकाश 3:8

“छिमिसं यानाच्‍वंगु ज्‍याखँ जिं स्‍यू। स्‍व, जिं छिमिगु न्‍ह्यःने लुखा चाय्‌का बियागु दु। थ्‍व लुखा सुनानं ति फइ मखु। छिपिं यक्‍व शक्ति मदुपिं मनूत खःसां जितः त्‍वमतुसे विश्‍वास यानाच्‍वंगु दु धकाः जिं स्‍यू।