२ तिमोथी 2:18 - नेवाः बाइबल

¹⁸ इपिं सत्‍ययागु लँपुं चिलावने धुंकल। इमिसं सीपिं न्‍हापा हे म्‍वाना वये धुंकल, आः म्‍वाना वइ मखुत धकाः न्‍यंका जुयाः गुलिखय् विश्‍वासीतय्‌त स्‍यंकाबी धुंकल।

२ तिमोथी 2:18 ပူးပေါင်းရင်းမြစ်များ

मत्ती 15:13

वय्‌कलं धयादिल – “स्‍वर्गय् च्‍वनादीम्‍ह जिमि बाःनं पिना मदीगु फुक्‍क मायात लिनाछ्वयादी।

मत्ती 22:29

वय्‌कलं इमित धयादिल – “छिकपिन्‍सं द्वंकाच्‍वन, छाय्‌धाःसा छिकपिन्‍सं धर्मशास्‍त्रयागु खँ व परमेश्‍वरयागु शक्ति हे थुइकामदीनि।

लूका 8:13

ल्‍वहं दुथाय् लाःगु पुसा परमेश्‍वरयागु वचन न्‍यनाः लय्‌लय्‌तायाः विश्‍वास याइपिं मनूत खः। अय्‌नं वचन इमिगु दुनुगलय् थ्‍यंक दुहां मवंगुलिं इमिसं छुं ई तक जक विश्‍वास याइ। दुःखकष्‍ट वयेवं इमिसं विश्‍वास यायेगु त्‍वःताछ्वइ।

प्रेरित 5:39

मखु, परमेश्‍वरयापाखें खः धयागु जूसा छिकपिन्‍सं इमित स्‍यंके फइ मखु। झन जक छिकपिं हे परमेश्‍वर नाप ल्‍वाना जूपिं ठहरय् जुइ।” सभाय् च्‍वंपिन्‍सं वं धाःगु खँ न्‍यन।

१ कोरिन्‍थी 11:19

भिंम्‍ह मनू म्‍हसीकेत ला थथे ल्‍वापु नं दयेमाः मखु ला?

१ कोरिन्‍थी 15:12

जिमिसं छिमित “सी धुंकूम्‍ह ख्रीष्‍ट हानं म्‍वानावल” धकाः न्‍यंका जुया धाःसा हानं छिपिं मध्‍ये गुम्‍हं गुम्‍हय्‌सिनं सीम्‍ह म्‍वाना वइ मखु धकाः गथे धायेफत?

कलस्‍सी 3:1

छिपिं नं ख्रीष्‍टनाप तुं म्‍वाना वःगुलिं छिमिसं स्‍वर्गयागु खँय् जक मन ति। अन स्‍वर्गय् येशू ख्रीष्‍ट परमेश्‍वरया जवय् च्‍वनादीगु दु।

१ तिमोथी 1:19

विश्‍वास यायेगु व भिंगु खँ मतिइ तयेगु त्‍वःते मते। मति मभिना वंगुलिं ग्‍वःम्‍हय्‌सिनं ला विश्‍वास यायेगुनापं त्‍वःते धुंकल।

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

१ तिमोथी 6:21

छाय्‌धाःसा गुलिसिनं ला थज्‍याःगु खँय् जुयाः विश्‍वासयागु लँ हे त्‍वफिका छ्वःगु दु। परमेश्‍वरं छिमित दया माया यानादीमा।

२ तिमोथी 2:14

परमेश्‍वरया नामय् इमित थ्‍व खँय् ख्‍याच्‍वः ब्‍यु। म्‍वाःमदुगु खँय् ल्‍वाना जुइ मते, थुकिं इमित हे स्‍यंकी।

तीतस 1:11

थुमिगु म्‍हुतुप्‍वाः तिनाबीमाः। धिबायागु निंतिं थुमिसं स्‍यने मज्‍यूगु खँ स्‍यनाः छेँ स्‍यंकाच्‍वंगु दु।

हिब्रू 3:10

अय्‌जूगुलिं तंम्‍वय्‌काः जिं इमित थथे धया – ‘छिमिगु मन थाःगाः दइ मखु, छिमिसं जिगु लँपु मसिल।’

याकूब 5:19

दाजुकिजापिं, छिपिं मध्‍ये सुनानं परमेश्‍वरयात त्‍वःता वंम्‍ह मनूयात हानं लिगना हल धाःसा तसकं हे बांलाइ।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।