२ तिमोथी 1:5 - नेवाः बाइबल

⁵ छं यचुगु नुगलं विश्‍वास याःगु जि अज्‍जं लुमनि। छिमि बज्ये लोइस व मां युनिसं नं अथे हे यचुगु नुगलं विश्‍वास याःगु खः। छं अज्‍ज नं उकथं हे यचुगु नुगलं विश्‍वास यानाच्‍वंगु दइ धकाः जितः विश्‍वास दु।

२ तिमोथी 1:5 ပူးပေါင်းရင်းမြစ်များ

भजनसंग्रहया सफू 116:16

परमप्रभु, जि धात्‍थें छिकपिनि दास खः। जि छिगु हे छेँय् बूम्‍ह खः, जि छिकपिनि दास, छिं जितः चिनातःगु सिखलं त्‍वःतकादीगु दु।

भजनसंग्रहया सफू 17:1

हे परमप्रभु! न्‍यायया निंतिं यानागु जिगु इनापयात न्‍यनादिसँ। जिगु प्रार्थनायात ध्‍यान बियादिसँ। जिं भिं नुगलं यानागु प्रार्थनायात न्‍यनादिसँ!

भजनसंग्रहया सफू 18:44

मेगु जातियापिं मनूत नं जिगु न्‍ह्यःने क्‍वछुइ अले जिं धाःथें च्‍वनी।

भजनसंग्रहया सफू 22:10

बूखुन्‍हुंनिसें हे जितः छिगु ल्‍हातय् लःल्‍हात, बूसांनिसें छि जिम्‍ह परमेश्‍वर खः।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

भजनसंग्रहया सफू 77:6

जिं बहनिइ थःगु म्‍ये लुमंका जिं ध्‍यानय् दुनाः थःत हे न्‍यना,

भजनसंग्रहया सफू 81:15

जितः महीपिन्‍सं ग्‍यानाः जिगु न्‍ह्यःने भ्‍वपू वइगु खः। इमिगु सजाँय सदां सदांया निंतिं जुइगु खः।

भजनसंग्रहया सफू 86:16

जिपाखे लिहांझासँ, अले जितः दया यानादिसँ, जि, छिकपिनि दासयात थःगु बल बियादिसँ, थः दासीया काय्‌यात उद्धार यानादिसँ।

यर्मिया 3:10

थुलि जूसां नं वया विश्‍वासघाती केहेँ यहूदा दुनुगलंनिसें जिथाय् लिहां मवः। तर ख्‍यालं जक लिहां वल,” परमप्रभुं धयादी।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

प्रेरित 16:1

पावलपिं हानं डर्बी जुयाः लुस्‍त्राय् वन। अन तिमोथी धाःम्‍ह छम्‍ह चेला दु। वया मां विश्‍वासी यहूदी जूसां वया बौ ग्रीक खः।

प्रेरित 26:26

अग्रिपास जुजुं नं थ्‍व खँ स्‍यू। जिं वय्‌कःयात मग्‍यासे धायेफु। वय्‌कलं थ्‍व खँ बांलाक हे स्‍यू, छाय्‌धाःसा थ्‍व खँ सुं मदुथाय् धाःगु मखु।

रोमी 14:14

प्रभु येशूयात विश्‍वास यानागुलिं छुं नं नसा थः हे अशुद्ध धयागु मदु धकाः जिं बांलाक थुइकाः सीका तयागु दु। सुनानं थ्‍व अशुद्ध खः धकाः बिचाः याःसा वयात व अशुद्ध हे जुइ।

रोमी 14:5

गुम्‍ह गुम्‍हय्‌सिनं मेमेगु दिनयात स्‍वयाः छन्‍हुयात तःधं धकाः मानय् याइ। गुम्‍ह गुम्‍हय्‌सिनं फुक्‍क दिनयात उत्‍थें खः धकाः मानय् याइ। फुक्‍कं थथःम्‍हं विश्‍वास यानागु खँय् पक्‍का जुयाच्‍वनेमाः।

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

रोमी 4:21

छाय्‌धाःसा परमेश्‍वर थःम्‍हं बियादीगु बचं पूवंकादी फुम्‍ह खः धकाः वं बांलाक स्‍यू।

रोमी 8:38

सुनानं अले छुकिं हे नं परमेश्‍वरयागु मायां झीत त्‍वःतके फइ मखु धकाः जिं स्‍यू। न मृत्‍युं, न जीवनं, न स्‍वर्गदूततय्‌सं, न शैतानया दूततय्‌सं, न संसारयागु शक्तिं, न थौंकन्‍हय् जुयाच्‍वंगु खं, न लिपा जुइतिनिगु खं,

२ कोरिन्‍थी 6:6

जिमिसं यानागु भिंगु ज्‍यां व बुद्धिं यानाः सह याये फुगुलिं, दया माया यानाजुयागुलिं, पवित्र आत्‍मा दुगुलिं, धात्‍थेंगु माया यानाः जिपिं परमेश्‍वरयागु ज्‍या याइपिं मनूत खः धकाः क्‍यना।

१ तिमोथी 1:5

यचुगु नुगलं, भिंगु मतिं व शंका मयासें याइगु विश्‍वासं दइगु मायायात ब्‍वलंकेत जिमिसं थथे धयाच्‍वनागु खः।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

२ तिमोथी 3:15

मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

हिब्रू 6:9

यःपिं दाजुकिजापिं, जिमिसं थथे धयासां छिमिगु बारे थ्‍व स्‍वयाः भिंगु व मुक्तिनापं स्‍वापु दुगु खँयागु हे जिमिसं भरोसा कयागु दु।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।