२ तिमोथी 1:4 - नेवाः बाइबल

⁴ छंगु मिखाय् जाया वःगु ख्‍वबि लुमंकाः जि छन्‍त नापलाः वये मास्‍ति वइगु। छन्‍त नापलाये खंसा जिगु मन च्‍वनी।

२ तिमोथी 1:4 ပူးပေါင်းရင်းမြစ်များ

भजनसंग्रहया सफू 126:5

ख्‍वःख्‍वं प्‍यूपिन्‍सं लय्‌लय्‌तातां म्‍ये हालाः बाली लइ।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यर्मिया 31:13

अबलय् ल्‍यासेत लय्‌लय्‌तातां प्‍याखं हुली। ल्‍याय्‌म्‍हपिं व बुरापिं लय्‌ताइ। छाय्‌धाःसा जिं इमिगु दुःखयात चीकाः इमित लय्‌ताय्‌के। जिं इमित सान्‍त्‍वना बी अले दुःखया पलेसा लय्‌ताः बी।

यूहन्‍ना 16:22

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

प्रेरित 20:19

फक्‍व क्‍वमिलु जुयाः मिखां ख्‍वबि हाय्‌काः जक मखु, यहूदीतय्‌सं स्‍यायेत स्‍वःबलय् नं जिं प्रभुयागु सेवा याना हे च्‍वना।

प्रेरित 20:31

अय्‌जूगुलिं होश यानादिसँ, स्‍वदँ स्‍वदँ तक जिं छिकपिन्‍त चच्‍छि न्‍हिच्‍छि ख्‍वबि हाय्‌काः स्‍यनागु खँ ल्‍वःमंकादी मते।”

रोमी 1:11

पवित्र आत्‍मां बियादीगु वरदान बियाः छिमिगु विश्‍वास बल्‍लाकेत छिमिथाय् वये मास्‍ति वः।

फिलिप्‍पी 1:8

ख्रीष्‍ट येशूं थें जिं छिमित दुनुगलंनिसें माया यानाच्‍वनागु दु। थ्‍व खँ परमेश्‍वरं स्‍यू।

फिलिप्‍पी 2:26

वं छिमिगु ख्‍वाः स्‍वयेमास्‍ति वय्‌काच्‍वंगु दु, छाय्‌धाःसा छिमिसं व म्‍हंमफुगु खँ न्‍यंगुलिं व छिमिथाय् वयेत तसकं आय्‌बुया च्‍वंगु दु।

१ थेसलोनिकी 2:17

यःपिं दाजुकिजापिं, छिपिंलिसे बायाः पलख ख्‍वाः स्‍वये मखंसां नुगलं ला बायाच्‍वनागु मदु। छिमिथाय् हाकनं वयेत जिमिसं तसकं कुतः यानाच्‍वनागु दु।

२ तिमोथी 4:21

चिकुला न्‍ह्यः हे जिथाय् वयेगु कुतः या। युबुलस, पुडेस, लिनस, क्‍लौडिया व थनच्‍वंपिं किजापिं सकसिनं ज्‍वजलपा धयाहःगु दु।

२ तिमोथी 4:9

छं याकनं हे जिथाय् वयेगु स्‍व।

१ यूहन्‍ना 1:4

थथे जिमिसं छिमित च्‍वयाः कयाच्‍वने दुगुलिं जिपिं तसकं लय्‌ताः।

प्रकाश 21:4

वय्‌कलं इमिगु मिखाय् च्‍वंगु ख्‍वबि सुचुक हुयादी। आः अन इपिं सी माली मखुत, दुःखं च्‍वने म्‍वाःल, ख्‍वय् म्‍वाःल, अले छुं नं दुःख जुइ मखुत। पुलांगु ज्‍याखँ फुक्‍कं मदयावने धुंकल।”

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”