२ तिमोथी 1:3 - नेवाः बाइबल

³ जिं जिमि तापाःबाज्‍यापिन्‍सं थें दुनुगलंनिसें परमेश्‍वरयागु ज्‍या यानाच्‍वनागु दु। प्रार्थना यायेबलय् जिं छन्‍त लुमंकाः चान्‍हिं परमेश्‍वरयात सुभाय् बियाच्‍वनागु दु।

२ तिमोथी 1:3 ပူးပေါင်းရင်းမြစ်များ

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

प्रेरित 22:3

“जि किलिकियायागु टार्सस शहरय् बूम्‍ह छम्‍ह यहूदी खः। अय्‌नं जि ब्‍वलंगु ला थ्‍व हे शहरय् गमलिएलयागु ल्‍हातं खः। जिं झी तापाःबाज्‍यापिनिगु व्‍यवस्‍था नं बांलाक स्‍यना कया। छिकपिन्‍सं थौंकन्‍हय् याना च्‍वंथें जिं नं परमेश्‍वरया निंतिं थःत पाना जुयागु खः।

प्रेरित 23:1

पावलं सभाय् चाकःछिं स्‍वयाः धाल – “दाजुकिजापिं, परमेश्‍वरया न्‍ह्यःने जिं थौं तक थःगु नुगः यचुकाः भिंगु ज्‍या याना वयाच्‍वनागु दु।”

प्रेरित 24:14

“अय्‌नं इमिसं धाःगु छता खँ ला जिं नं खः धकाः धाये। जिं नं जिमि तापाःबाज्‍यापिन्‍सं मानय् याना वःम्‍ह परमेश्‍वरयागु आराधना यानागु खः, गुकियात इमिसं ‘नासरी पुचः’ धकाः धयाजुल। मोशायागु व्‍यवस्‍था व अगमवक्तां च्‍वया थकूगु फुक्‍क खँय् जिं विश्‍वास याना।

प्रेरित 24:16

अय्‌जूगुलिं जिं मनूतय्‌गु न्‍ह्यःने नं परमेश्‍वरयागु न्‍ह्यःने नं थःत यचुकाः ज्‍या याना जुया।”

प्रेरित 26:4

“जि थःगु देश व यरूशलेमय् ब्‍वलंम्‍ह खः। उकिं इमिसं जितः मचांनिसें हे बांलाक म्‍हस्‍यू।

प्रेरित 27:23

जिं आराधना यानाच्‍वनाम्‍ह जिम्‍ह परमेश्‍वरया छम्‍ह स्‍वर्गदूतं म्‍हिगः चान्‍हय् वयाः जितः थथे धाल –

रोमी 9:1

जि ख्रीष्‍टयाम्‍ह मनू जूगुलिं जिं सत्‍य खँ ल्‍हाना च्‍वना। जिं मखुगु खँ धयाच्‍वनागु मखु। जिके पवित्र आत्‍मा दीगुलिं जिगु विवेकं थ्‍व खँ धात्‍थें खः धकाः साक्षी बी।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

गलाती 1:14

जि ज्‍वलिंज्‍वःपिं मध्‍ये दकलय् अप्‍वः यहूदी धर्म मानय् याना जुयाम्‍ह नं जि हे खः। झी तापाःबाज्‍यापिनिगु थितिकुति दकलय् अप्‍वः मानय् याना जुयाम्‍ह नं जि हे खः।

एफिसी 1:16

जिं परमेश्‍वरयात न्‍ह्याबलें सुभाय् बियाच्‍वनागु दु। अले प्रार्थना यायेबलय् छिमित नं लुमंकाच्‍वनागु दु।

१ थेसलोनिकी 3:10

चान्‍हिं जिमिसं दुनुगलंनिसें आम्‍कन वये दयेमा धकाः परमेश्‍वरयाके फ्‍वनाच्‍वनागु दु। थुकथं छिमिगु विश्‍वासय् मगाः मचाःगु नं तना बीदइगु खः।

१ तिमोथी 1:19

विश्‍वास यायेगु व भिंगु खँ मतिइ तयेगु त्‍वःते मते। मति मभिना वंगुलिं ग्‍वःम्‍हय्‌सिनं ला विश्‍वास यायेगुनापं त्‍वःते धुंकल।

१ तिमोथी 1:5

यचुगु नुगलं, भिंगु मतिं व शंका मयासें याइगु विश्‍वासं दइगु मायायात ब्‍वलंकेत जिमिसं थथे धयाच्‍वनागु खः।

१ तिमोथी 5:5

हाःनाः मदुम्‍ह भाःत मदय्‌ धुंकूपिं मिसां परमेश्‍वरयाके भरोसा तयाच्‍वनी। अले चां न्‍हिं परमेश्‍वरयात प्रार्थना यानाच्‍वनी।

२ तिमोथी 1:5

छं यचुगु नुगलं विश्‍वास याःगु जि अज्‍जं लुमनि। छिमि बज्ये लोइस व मां युनिसं नं अथे हे यचुगु नुगलं विश्‍वास याःगु खः। छं अज्‍ज नं उकथं हे यचुगु नुगलं विश्‍वास यानाच्‍वंगु दइ धकाः जितः विश्‍वास दु।

२ तिमोथी 3:15

मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

हिब्रू 13:8

येशू ख्रीष्‍ट म्‍हिगः नं थौं नं अले सदां उथें हे जुयादी।

१ शमूएल 12:23

जिगु लागि धाःसा, छिमिगु निंतिं प्रार्थना यायेगु त्‍वःताः परमप्रभुया न्‍ह्यःने पाप यायेगु न्‍हि जिपाखें तापाक हे जुइमा। छु यायेगु पाय्‌छि जू अले छु यायेगु भिं व जिं छिमित स्‍यनेकने याये।