२ तिमोथी 1:14 - नेवाः बाइबल

¹⁴ झीगु दुने च्‍वनादीम्‍ह पवित्र आत्‍मायागु ग्‍वाहालिं छन्‍त लःल्‍हाना बियातःगु सत्‍य खँयात बांलाक नुगलय् तयाति।

२ तिमोथी 1:14 ပူးပေါင်းရင်းမြစ်များ

लूका 16:11

संसारयागु धिबाया ज्‍याखँय् हे ला विश्‍वास यायेबहः मजूम्‍ह मनूयात स्‍वर्गयागु धन सुनां लःल्‍हानाबी।

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

रोमी 3:2

न्‍ह्याखें नं इमित फाइदाया फाइदा जक दु। दकलय् न्‍हापालाक यहूदीतय्‌त हे परमेश्‍वरयागु वचन लः ल्‍हानातःगु खः।

रोमी 8:11

सी धुंकूम्‍ह येशूयात म्‍वाकादीम्‍ह परमेश्‍वरया आत्‍मा छिमिके दुसा ख्रीष्‍ट येशूयात सीगुपाखें म्‍वाकादीम्‍हय्‌सिनं छिमिगु सीमाःगु शरीरयात नं म्‍वाकादी।

रोमी 8:13

छिमिसं शरीरयात यःथें याना जुया च्‍वंसा छिपिं सी। शरीरयात यःथें याना मजुसे बरु परमेश्‍वरया आत्‍मायात यःथें याना जूसा छिपिं म्‍वाइ। अथे याना जूसा आत्‍मां छिमिगु यत्‍थेंज्‍याःगु चालचलन त्‍वःतकादी।

रोमी 8:9

धात्‍थें परमेश्‍वरयागु आत्‍मा छिमिके दु धयागु जूसा शरीरयात यःथें यानाजुइपिं मखु, बरु आत्‍मायात यःथें यानाजुइपिं छिपिं खत, अले ख्रीष्‍टयागु आत्‍मा मदुम्‍ह मनू ख्रीष्‍टयाम्‍ह मनू जुइ फइ मखु।

१ कोरिन्‍थी 3:16

छिपिं परमेश्‍वरयागु देगः खः, उकिं पवित्र आत्‍मा छिमिके च्‍वनादी धकाः छिमिसं मस्‍यू ला?

१ कोरिन्‍थी 6:19

छिमिगु म्‍ह पवित्र आत्‍मा च्‍वनादीगु देगः खः धकाः मस्‍यू ला? उकिं छिमिगु म्‍हय् परमेश्‍वरं छ्वयाहयादीम्‍ह पवित्र आत्‍मा च्‍वनादी। अय्‌जूगुलिं छिमिगु म्‍ह छिमिगु थःगु मखु।

१ कोरिन्‍थी 9:17

जिं थःम्‍हं हे थ्‍व ज्‍या यानागु जूसा जितः ज्‍याला दइ। अथे मखुसे थ्‍व ज्‍या परमेश्‍वरं जितः लः ल्‍हानादीगुलिं जिं थथे याये हे माः।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

गलाती 2:7

गथे परमेश्‍वरं पत्रुसयात यहूदीतय्‌त भिंगु खँ न्‍यंकेगु ज्‍या बियादिल, अथे हे जितः नं यहूदीमखुपिन्‍त भिंगु खँ न्‍यंकेगु ज्‍या बियादिल धकाः इमिसं सीकल।

एफिसी 2:22

छिपिं नं मेपिं थें पवित्र आत्‍माय् परमेश्‍वर च्‍वनादीगु छेँ जुइत नापनापं च्‍वजाया वनी।

एफिसी 5:18

अय्‌लाः थ्‍वँ काय्‌का जुइ मते, छाय्‌धाःसा थुकिं मनूतय्‌त बांमलाःगु ज्‍या याकी, बरु पवित्र आत्‍मां जाया च्‍वँ।

कलस्‍सी 4:11

युस्‍तस धाःम्‍ह येशूं नं छिमित ज्‍वजलपा धयाहःगु दु। परमेश्‍वरयागु राज्‍ययागु भिंगु खँ न्‍यंकेगु ज्‍याय् जि नाप जुयाच्‍वंपिं यहूदीत थ्‍व हे स्‍वम्‍ह जक खः। थुमिसं जितः यक्‍व तिबः बियाच्‍वंगु दु।

१ थेसलोनिकी 5:19

पवित्र आत्‍मायागु इच्‍छायात त्‍यलेत स्‍वये मते।

१ तिमोथी 1:11

थ्‍व हे तसकं भिंगु खँ दकलय् तःधंम्‍ह परमेश्‍वरं जितः न्‍यंकेत बियादीगु खः।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

२ तिमोथी 2:2

यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।