२ तिमोथी 1:11 - नेवाः बाइबल

¹¹ थ्‍व हे भिगुं खँ न्‍यंकेत व स्‍यनेत जितः प्रेरित दय्‌कादीगु खः।

२ तिमोथी 1:11 ပူးပေါင်းရင်းမြစ်များ

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

१ कोरिन्‍थी 9:1

जिं जक यःथें याये मदु ला? जि जक छम्‍ह प्रेरित मखु ला? झी प्रभु येशूयात जिं खनागु मदु ला? छिमित परमेश्‍वरयागु भिंगु खँ न्‍यंकाः विश्‍वास याका तयाम्‍ह जि हे मखु ला?

१ तिमोथी 1:7

थःपिन्‍सं छु धयाच्‍वना धकाः इमिसं मस्‍यू, न इमिसं थःगु खँयात विश्‍वास यानाः हे धायेफु। अय्‌नं इपिं व्‍यवस्‍था स्‍यनीपिं गुरु जुइ मास्‍ति वः।

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।