२ तिमोथी 1:10 - नेवाः बाइबल

¹⁰ झीत मुक्ति बियादीम्‍ह ख्रीष्‍ट येशू झायादी धुंकाः तिनि थ्‍व बांलाक सीदत। वय्‌कलं मृत्‍युयात त्‍याकाः भिंगु खँ न्‍यंक्‍वसित अनन्‍त जीवन बियादिल।

२ तिमोथी 1:10 ပူးပေါင်းရင်းမြစ်များ

यशैया 43:3

छाय्‌धाःसा जि परमप्रभु छिमि परमेश्‍वर खः, इस्राएलया पवित्र परमेश्‍वर, छिमि मुक्तिदाता। छन्‍त त्‍वतकेत मिश्र देश अले छंगु पलेसा कूश व सेबा जिं बी।

यशैया 45:15

हे परमेश्‍वर, इस्राएलया मुक्तिदाता। धात्‍थें छि हे परमेश्‍वर खः, सुनां थःत सुपिका तयादी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

होशे 13:14

“जिं इमित चिहानया शक्तिपाखें मू पुलाः त्‍वतके ला? जिं इमित मृत्‍युपाखें छुत्‍कारा याये ला? अय् मृत्‍यु, छंगु ग्‍यानापुगु ल्‍वय् गन दु? अय् मृत-लोक छंगु नाश यायेगु शक्ति गन दु? “छाय्‌धाःसा जिं इमित दया याये मखुत।

लूका 11:36

खिउँगु धयागु मदय्‌क छिमिगु म्‍ह छम्‍हं जलं थिना च्‍वंसा जक छिमिगु म्‍ह छम्‍हं मत जलं खःगु थें च्‍वनी।”

लूका 13:7

अले वं क्‍यबय् ज्‍या याइम्‍हय्‌सित धाल – ‘स्‍वदँ मछि दये धुंकल थ्‍व यःमरि सइ ला धकाः पियाच्‍वनागु, सःगु हे मखुनि। आः ला सिमायात पाला छ्वःसां जिल। थाय् जक पंक, छाय् तया तयेगु?’

लूका 2:11

जुजु दाऊद बूगु गामय् छिमि छम्‍ह मुक्तिदाता नकतिनि हे बूगु दु। वय्‌कः हे ख्रीष्‍ट प्रभु खः।

यूहन्‍ना 1:9

फुक्‍क मनूतय्‌गु नुगलय् थीगु धात्‍थेंयागु जः ला संसारय् झायाच्‍वंगु दु।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 20:31

अय्‌नं छिमिसं येशू परमेश्‍वरया काय्, मुक्ति बीम्‍ह ख्रीष्‍ट हे खः धकाः विश्‍वास याये फयेमा, अले विश्‍वास यानाः वय्‌कःयागु नामय् छिमित जीवन दयेमा धकाः थ्‍व च्‍वयातःगु खः।

यूहन्‍ना 4:42

इमिसं व मिसायात धाल – “आः छं धाःगुलिं जक जिमिसं विश्‍वास यानागु मखु, बरु जिमिसं हे वय्‌कःयागु खँ न्‍यनाः विश्‍वास यानागु खः। जिमिसं वय्‌कः हे संसारयाम्‍ह मुक्तिदाता खः धकाः सीके धुन।”

यूहन्‍ना 5:40

अय्‌नं छिपिं जिथाय् अनन्‍त जीवन कायेत वइ मखु।

प्रेरित 13:23

“थ्‍व हे मनूया कुलं परमेश्‍वरं इस्राएलयात मुक्ति बीम्‍ह येशूयात छ्वयाहयादिल। थथे छ्वयाहये धकाः वय्‌कलं न्‍हापा हे बचं बियादीगु खः।

प्रेरित 5:31

परमेश्‍वरं हे वय्‌कःयात तःधंकाः जव ल्‍हातय् तयादिल। इस्राएलीतय्‌त पश्‍चाताप याकाः पाप क्षमा बीकेत वय्‌कःयात हे जुजु व मुक्ति बीम्‍ह यानादिल।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

रोमी 3:31

छु थ्‍व विश्‍वासं यानाः व्‍यवस्‍था ज्‍यालगय् मजुल ला? अहं, अथे मखु, बरु झीसं ला व्‍यवस्‍थायात झन जक बांलाक मानय् यानाच्‍वनागु जुइ।

रोमी 6:6

झीगु पापी जीवन नाश जुयावनेमा धकाः झीगु पुलांगु जीवन वय्‌कःलिसें क्रूसय् यख्‍खाना बी धुन धकाः झीसं स्‍यू। अय्‌जूगुलिं आः झीसं पापी ज्‍याखँ याना जुइ जि हे मज्‍यू।

१ कोरिन्‍थी 15:26

दकलय् लिपा नाश जुइम्‍ह शत्रु ला “मृत्‍यु” खः।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ कोरिन्‍थी 5:4

थ्‍व संसारय् झीपिं म्‍वाना च्‍वंतले झीत तसकं दुःखकष्‍ट जुया च्‍वनीगुलिं झीगु मन ख्‍वः। अथे धकाः झीपिं सीत आय्‌बुयाच्‍वनागु मखु, बरु स्‍वर्गय् च्‍वंगु न्‍हूगु म्‍ह फीत आय्‌बुयाच्‍वनागु खः।

गलाती 5:4

व्‍यवस्‍था मानय् यानाः परमेश्‍वरया न्‍ह्यःने धर्मी ठहरय् जुइत स्‍वइपिं मनूत ख्रीष्‍ट येशू नाप मिलय् जुइ फइ मखु। अले थज्‍याःपिं मनूत परमेश्‍वरयागु दया मायां तापाना च्‍वनी।

एफिसी 1:18

परमेश्‍वरयागु ज्‍याखँ फुक्‍कं थुइके फय्‌केत छिमिगु नुगः चाय्‌कादिसँ धकाः नं जिं प्रार्थना यानाच्‍वनागु दु। अले छु आशायागु निंतिं वय्‌कलं छिमित सःतादीगु खः व वय्‌कलं थः मनूतय्‌त छु छु आशिष बियादी धकाः धयादीगु खः, छिमिसं सी।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

२ थेसलोनिकी 2:8

वयात पनातःम्‍ह चिला वन कि व दुष्‍ट खनेदय्‌कः वइ। अले प्रभु येशू ख्रीष्‍ट जलय् झःझः धाय्‌क झाइबलय् छगू सासलं हे वयात नाश यानाछ्वइ।

२ तिमोथी 1:1

ख्रीष्‍ट येशूयात विश्‍वास याक्‍वसित जीवन बी धकाः धयादीगुलिं परमेश्‍वरं वय्‌कःयाम्‍ह प्रेरित यानादीम्‍ह पावलपाखें

२ तिमोथी 1:8

उकिं झी प्रभुयागु भिंगु खँ न्‍यंका जुइत लज्‍या चाये मते, अले जितः कुनातःगुलिइ नं लज्‍या चाये मते, बरु परमेश्‍वरयागु शक्तिइ भरोसा तयाः छं नं जिं थें तुं भिंगु खँयागु निंतिं दुःखसिया जु।

२ तिमोथी 4:1

सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

तीतस 2:11

परमेश्‍वरं फुक्‍कसितं मुक्ति बीत दया माया यानादीगु खः। थ्‍व हे खँ फुक्‍कसितं सीके ब्‍यूगु दु।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

तीतस 3:4

अय्‌नं झीत मुक्ति बियादीम्‍ह परमेश्‍वरं मनूतय्‌त दया माया क्‍यनादीगुलिं

हिब्रू 10:32

न्‍हापायागु खँ छकः लुमंकि – भिंगु खँ न्‍यने धुंकाः व परमेश्‍वरयागु जः काये धुंकाः छिमित गुलि दुःखकष्‍ट जूवल। अय्‌नं छिमिसं विश्‍वास यायेगु मत्‍वःतू।

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

२ पत्रुस 1:3

पवित्र जुयाः म्‍वायेत माःगु फुक्‍क खँ झीसं परमेश्‍वरया शक्तिं हे कयाच्‍वनागु दु, छाय्‌धाःसा थःगु इज्‍जत व गुण बीत सःतादीम्‍ह परमेश्‍वरयात झीसं म्‍हस्‍यू।

२ पत्रुस 2:20

अले हानं झीत मुक्ति बियादीम्‍ह प्रभु येशू ख्रीष्‍टयागु भिंगु खँ न्‍यनाः थुइकाः संसारयागु मभिंगु पापी ज्‍याखँ त्‍वःता च्‍वनेधुंकूपिं मनूत हानं थ्‍व हे संसारयागु मभिंगु पापी ज्‍याखँ तुं यायेत वन धाःसा इपिं न्‍हापा स्‍वयाः तसकं मभिंपिं जुइ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

२ पत्रुस 3:2

पवित्रपिं अगमवक्तातय्‌सं न्‍हापा न्‍हापा धयाथकूगु खँ छिमित लुमंकाबीत जिं कुतः यानाच्‍वनागु खः। अले हानं प्रेरिततय्‌सं न्‍यंका थकूगु मुक्ति बियादीम्‍ह प्रभुयागु आज्ञायात लुमंका बियाच्‍वनागु खः।

१ यूहन्‍ना 1:2

गुबलय् थ्‍व वचन जीवन जुयाः जिमिथाय् खनेदय्‌कः झाल, उबलय् थ्‍व जीवनयात जिमिसं खना, जिमिसं साक्षी बी, अले छिमित नं धाये। थ्‍व बाःयाके दुगु अनन्‍त जीवन जिमिथाय् खनेदय्‌कः झाल।

१ यूहन्‍ना 4:14

थ्‍व संसारयापिं मनूतय्‌त मुक्ति बीत परमेश्‍वर बाःनं थःकाय्‌यात छ्वयाहयादीगु जिमिसं खना। थ्‍व हे खँ जिमिसं कनावयाच्‍वनागु खः।

प्रकाश 18:1

थुलि जुइ धुंकाः जिं स्‍वर्गं क्‍वहां वयाच्‍वंम्‍ह मेम्‍ह स्‍वर्गदूतयात खना। व स्‍वर्गदूतयाके तःधंगु अधिकार दु। वयागु जलं पृथ्‍वी हे झल्‍लल थित।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 20:14

अले मृत्‍यु व पातालयात नं मि गालय् वांछ्वल। थ्‍व मि गाः धयागु हे निकः सीगु खः।

प्रकाश 22:14

थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।