२ थेसलोनिकी 3:4 - नेवाः बाइबल

⁴ जिमिसं धया थें छिमिसं यानाच्‍वंगु दु, अले याना हे च्‍वनी धकाः जिमिसं प्रभुयाके भरोसा कयागु दु।

२ थेसलोनिकी 3:4 ပူးပေါင်းရင်းမြစ်များ

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

रोमी 15:18

ख्रीष्‍टं जिगुपाखें यहूदीमखुपिन्‍त परमेश्‍वरयात मानय् याकेत यानादीगु वचन व ज्‍याखँ बाहेक मेगु खँ ल्‍हायेगु आँट जिं मयाना।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

१ कोरिन्‍थी 14:37

सुनानं थः अगमवक्ता व परमेश्‍वरयागु वरदान दुम्‍ह मनू खः धकाः बिचाः याःसा वं जिं च्‍वयाच्‍वनागु थ्‍व खँ परमेश्‍वरयागु उजं खः धकाः सीकेमाः।

१ कोरिन्‍थी 7:19

परमेश्‍वरया न्‍ह्यःने चिं तःसां मतःसां छुं मपाः। तःधंगु खँ ला परमेश्‍वरयागु आज्ञा मानय् यायेगु खः।

२ कोरिन्‍थी 2:3

अय्‌जूगुलिं हे खः जिं व पौ च्‍वयाः छ्वयाहयागु। जितः लय्‌ताय्‌कीपिंलिसे हे नुगलय् स्‍याके म्‍वाःलेमा धकाः जिं मवयेगु क्‍वःछिनागु खः, छाय्‌धाःसा जि लय्‌ताःसा हे जक छिपिं लय्‌ताइ धकाः जिं स्‍यू।

२ कोरिन्‍थी 2:9

जिं धयागु खँ छिमिसं मानय् याः ला कि मयाः धकाः स्‍वयेत जिं थथे च्‍वयागु खः।

२ कोरिन्‍थी 8:22

अय्‌जूगुलिं जिमिसं इपिं नाप मेम्‍ह किजायात नं छ्वयाहयागु दु। तःकः जाँचय् यानाः स्‍वयाः जिमिसं वयात ज्‍या याये तसकं इच्‍छा दुम्‍ह धकाः सीका। अज्‍ज ला छिमिके अप्‍वः भरोसा दुगुलिं थौंकन्‍हय् व ग्‍वाहालि यायेत अप्‍वः न्‍ह्यचिलाच्‍वंगु दु।

गलाती 5:10

प्रभु नाप मिलय् जुयाच्‍वंगुलिं छिपिं अथे मेगु लँय् जुइ मखु धकाः जिं पत्‍याः यानाच्‍वनागु दु। अथेसां छिमित स्‍यंकेत स्‍वःपिं, न्‍ह्याम्‍ह हे जूसां, इमित परमेश्‍वरं सजाँय बियादी।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

१ थेसलोनिकी 4:10

अथे ला छिमिसं माकेडोनियाय् च्‍वंपिं दाजुकिजापिन्‍त धात्‍थें हे माया यानाच्‍वंगु दु। छिपिं अज्‍ज नं थुकथं हे न्‍ह्यज्‍याना हुँ धकाः जिमिसं छिमित धयाच्‍वनागु दु।

२ थेसलोनिकी 3:12

थज्‍याःपिन्‍त जिमिसं प्रभु येशू ख्रीष्‍टया नामं ख्‍याच्‍वः बियाः धयाच्‍वना – “थःगु ल्‍हातं ज्‍या यानाः न।”

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

फिलेमोन 1:21

छं जिं धयागु स्‍वयाः नं अप्‍वः याइ धकाः विश्‍वास दुगुलिं थथे च्‍वयाच्‍वनागु खः।