२ थेसलोनिकी 3:15 - नेवाः बाइबल

¹⁵ अय्‌नं वयात शत्रु थें भाःपी मते, बरु थः हे दाजुकिजायात थें न्‍वायेगु या।

२ थेसलोनिकी 3:15 ပူးပေါင်းရင်းမြစ်များ

भजनसंग्रहया सफू 141:5

धर्मीतय्‌सं जितः दायेमा, व जिगु निंतिं दया जुइ। इमिसं जितः ब्‍वः बीमा, व जिगु छ्यंया निंतिं चिकं जुइ। जिगु छेनं मयय्‌की मखु। अय्‌नं मभिंपिं मनूतय्‌सं याःगु ज्‍याखँया विरोधय् जिं प्रार्थना याना हे च्‍वने।

हितोपदेश 25:12

सःस्‍यूम्‍ह मनुखं ब्‍वःब्‍यूगु नं न्‍यनीगु न्‍हाय्‌पंया निंतिं लुँयागु तिसा स्‍वयाः मू वं।

हितोपदेश 9:9

बुद्धिमान मनूयात ज्ञां बिल धाःसा व झन बुद्धिमान जुइ, धर्मी मनूयात स्‍यनेकने यात धाःसा वयागु ज्ञां झन अप्‍वः दइ।

मत्ती 18:15

“छिमि दाजुकिजा सुनानं छन्‍त मभिंका जुल धाःसा याकःचा हे वनाः वयागु द्वंबिद्वं क्‍यनाब्‍यु। वं छंगु खँ न्‍यन धाःसा छिपिं हानं मिलय् जुइ फइ।

१ कोरिन्‍थी 4:14

छिमित लज्‍या चाय्‌केत मखु बरु जि यःपिं मस्‍तय्‌त थें छिमित सल्‍लाह बीत थ्‍व च्‍वयाच्‍वनागु खः।

१ कोरिन्‍थी 5:5

थज्‍याःम्‍ह मनूयात शैतानयागु ल्‍हातय् लःल्‍हानाब्‍यु, अले वयागु म्‍ह स्‍यना वंसां ख्रीष्‍ट येशू झायाः न्‍याय यानादीबलय् आत्‍मा धाःसा बचय् जुइ।

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

गलाती 6:1

यःपिं दाजुकिजापिं, सुनानं मभिंगु ज्‍या याःगु खन धाःसा छिपिं परमेश्‍वरया आत्‍मां धाःथें याइपिन्‍सं वयात मिजासं भिंकेगु स्‍वयेमाः। तर बांलाक होश या, थथे यायेबलय् छिपिं थः हे मभिंगु ज्‍याय् मलायेमा।

१ थेसलोनिकी 5:14

जिं छिमित हानं धाये – अल्‍छीतय्‌त ब्‍वःब्‍यु, नुगः क्‍वतुंपिन्‍त हःपा ब्‍यु, बमलाःपिन्‍त ग्‍वाहालि या, अले न्‍ह्याम्‍हय्‌सिनं न्‍ह्यागु धाःसां सह यानाच्‍वँ।

२ थेसलोनिकी 3:13

दाजुकिजापिं, भिंगु बांलाःगु ज्‍या यायेत थाकु चाये मते।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

तीतस 3:10

मनूतय्‌त ल्‍वाका जुइपिन्‍त छकः निकः न्‍वाना नं मजिल धाःसा व नाप जुइ मते।