२ थेसलोनिकी 3:14 - नेवाः बाइबल

¹⁴ आम्‍कन च्‍वंपिं सुनानं जिमिसं च्‍वयाहयागु खँ मन्‍यन धाःसा अज्‍याःपिन्‍त म्‍हसीकाः इपिं नाप तापाक हे च्‍वनेगु या। अले इपिं थथःम्‍हं मछाली।

२ थेसलोनिकी 3:14 ပူးပေါင်းရင်းမြစ်များ

एज्रा 9:6

थथे धकाः प्रार्थना याना – “हे जिमि परमेश्‍वर, जिगु ख्‍वाः छिपाखे स्‍वकेत जितः तसकं मछालापुसे च्‍वं, छाय्‌धाःसा हे जिमि परमेश्‍वर, जिमिगु पाप यक्‍व अप्‍वयावंगु दु अले जिमिगु दोष स्‍वर्ग तक थ्‍यंगु दु।

भजनसंग्रहया सफू 83:16

हे परमप्रभु, इमिगु ख्‍वाः लज्‍यां त्‍वःपुयादिसँ, अले इमिसं छिगु नां मालेमा।

हितोपदेश 5:13

थः गुरुपिनिगु खँय् जिं ध्‍यान हे मबिया। इमिसं धाःगु खँय् बिचाः हे मयाना।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

यर्मिया 6:15

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ” परमप्रभुं धयादी।

सपन्‍याह 3:2

वं आज्ञा मानय् याइ मखु, वं न्‍वाखँ नाला काइ मखु। वं परमप्रभुयाके नं भलसा मतः व थः परमेश्‍वरया न्‍ह्यःने वनी मखु।

गन्‍ती 12:14

परमप्रभुं मोशायात लिसः बियादिल, “वया बौनं वयागु ख्‍वालय् थुकलं ब्‍यूगु जूसा छु व न्‍हय्‌न्‍हु तक मछाला मच्‍वनी ला? वयात न्‍हय्‌न्‍हु तक छाउनीं पिने कुना ति! अनं लिपा लित हःसां ज्‍यू।”

मत्ती 18:17

इमिसं धाःगु खँ नं वं मन्‍यन धाःसा मण्‍डलीइ वनाः फुक्‍क खँ न्‍यंकाब्‍यु। मण्‍डलीयागु खँ नं मन्‍यन धाःसा छिमिसं वयात यहूदीमखुम्‍ह व कर काइम्‍ह मनू थें ताय्‌कि।

रोमी 16:17

यःपिं दाजुकिजापिं, छिमित स्‍यनागु शिक्षा नाप पाय्‌छि मजुइक अःखतं ल्‍वापु याकेत व मनूतय्‌गु विश्‍वास स्‍यंकेत स्‍वइपिं नाप होश‍ यानाच्‍वँ। इपिंपाखें तापाक च्‍वँ।

१ कोरिन्‍थी 4:14

छिमित लज्‍या चाय्‌केत मखु बरु जि यःपिं मस्‍तय्‌त थें छिमित सल्‍लाह बीत थ्‍व च्‍वयाच्‍वनागु खः।

१ कोरिन्‍थी 5:11

जिं छिमित धयागु छु धाःसा विश्‍वासी दाजुकिजापिं जुयाः नं व्‍यभिचार यानाजुइपिं, लोभीत, मूर्ति पुजा यानाजुइपिं, मेपिन्‍त मभिंका जुइपिं, अय्‌लाः त्‍वनाजुइपिं, अले खुँत – थज्‍याःपिं मनूत नाप बुला जुइ मते, अले इपिं नाप नये तक मते धकाः धयागु खः।

१ कोरिन्‍थी 5:9

जिं न्‍हापा नं व्‍यभिचार याइपिं नाप बुला जुइ मते धकाः च्‍वया हये धुनागु खः।

२ कोरिन्‍थी 10:6

छिमिसं फुक्‍क आज्ञा मानय् याये धुंकाः मानय् मयाइपिन्‍त सजाँय बीत जिपिं तयार दु।

२ कोरिन्‍थी 2:9

जिं धयागु खँ छिमिसं मानय् याः ला कि मयाः धकाः स्‍वयेत जिं थथे च्‍वयागु खः।

२ कोरिन्‍थी 7:15

छिमिसं वयात ग्‍याग्‍यां जूसां लसकुस यात, अले वं धाःगु खँ न्‍यनेत छिपिं फुक्‍क न्‍ह्यचिल। उकिं वं छिमित तसकं माया यानाच्‍वंगु दु।

व्‍यवस्‍था 16:12

छिपिं मिश्रय् दास दासी जुयाच्‍वंगु खः धइगु खँ ल्‍वःमंके मते अले थुपिं नियम बांलाक मानय् या।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

कलस्‍सी 4:16

थ्‍व पौ छिमिसं ब्‍वने धुंकाः लाउडिकियाय् च्‍वंपिं विश्‍वासीतय्‌त नं ब्‍वंकि। अले लाउडिकियाय् च्‍वंगु मण्‍डलीयात च्‍वयाहयागु पौ नं छिमिसं ब्‍वँ।

१ थेसलोनिकी 4:8

उकिं सुनां थ्‍व खँ न्‍यनी मखु वं मनूयागु मखु, बरु छिमित पवित्र आत्‍मा बियादीम्‍ह परमेश्‍वरयागु हे खँ मन्‍यंगु जुइ।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

तीतस 2:8

सुनानं छुं धाये मफय्‌क नवा। अथे जूसा विरोधीतय्‌सं नं छुं धाये मफयाः थः हे लज्‍या चाये माली।

तीतस 3:10

मनूतय्‌त ल्‍वाका जुइपिन्‍त छकः निकः न्‍वाना नं मजिल धाःसा व नाप जुइ मते।

फिलेमोन 1:21

छं जिं धयागु स्‍वयाः नं अप्‍वः याइ धकाः विश्‍वास दुगुलिं थथे च्‍वयाच्‍वनागु खः।

हिब्रू 13:17

छिमिसं मण्‍डलीया थकालिपिनिगु खँ न्‍यँ, अले इमिसं धाःथें च्‍वँ, छाय्‌धाःसा इमिसं थःगु ज्‍याया ल्‍याःचाः परमेश्‍वरयात क्‍यनेमाःगुलिं छिमित बांलाक हेरचाह याना तइ। इमित थःगु ज्‍या लसतां याकेब्‍यु, इमित नुगलय् स्‍याके मते। मखुसा छिमित हे बांलाइ मखु।

२ यूहन्‍ना 1:10

अय्‌जूगुलिं येशू ख्रीष्‍टं स्‍यनादीगु खँ नाप पाय्‌छि मजुइक मेकथं हे स्‍यना जुइपिं मनूत छिमिगु छेँय् वःसा इमित दुकाये मते। थज्‍याःपिं मनूतय्‌त ज्‍वजलपा नं याये मते।