२ थेसलोनिकी 3:12 - नेवाः बाइबल

¹² थज्‍याःपिन्‍त जिमिसं प्रभु येशू ख्रीष्‍टया नामं ख्‍याच्‍वः बियाः धयाच्‍वना – “थःगु ल्‍हातं ज्‍या यानाः न।”

२ थेसलोनिकी 3:12 ပူးပေါင်းရင်းမြစ်များ

हितोपदेश 17:1

ल्‍वापुख्‍यापुं जाःगु छेँय् भ्‍वय् नयेगु स्‍वयाः याउँक स्‍वः मरि जक नयाच्‍वनेगु बांलाः।

उपदेशक 4:6

थाकुक ज्‍या यानाः कमय् याःगु व फय्‌यात लिनादइगु निम्‍हु स्‍वयाः ला सुखशान्‍तिं दइगु छम्‍हु जक हे सां भिं जू।

लूका 11:3

न्‍हियान्‍हिथं थें थौं नं जिमित नसा बियादिसँ।

एफिसी 4:28

खुँज्‍या याइम्‍हय्‌सिनं खुइगु त्‍वःति। अले थःगु हे ल्‍हातं ज्‍या यानाः मगाःमचाःपिन्‍त नं ग्‍वाहालि याये फय्‌केमाः।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 4:11

जिमिसं छिमित न्‍हापा हे धया थें सुं लिसे हाला जुइ मते, थःगु ज्‍या मन तयाः या, अले थःगु हे ल्‍हातं ज्‍या यानाः नयेगु कुतः या।

२ थेसलोनिकी 3:8

जिमिसं सुयाकें सितिं कयाः नयागु मदु, बरु छिमित थाकु मजुइमा धकाः जिमिसं चां न्‍हिं सिनाः सिनाः ज्‍या याना।

१ तिमोथी 2:2

शान्‍ति व चितासू दय्‌कः म्‍वानाच्‍वने फयेमा, अले परमेश्‍वरयागु सेवा दुग्‍यंक याये फयेमा धकाः जुजुपिनिगु निंतिं व अधिकार दुपिनिगु निंतिं नं प्रार्थना या।