२ थेसलोनिकी 2:2 - नेवाः बाइबल

² जिमिसं छिमित बिन्‍ति यानाच्‍वना – सुनानं झी प्रभु झाइगु ई वये धुंकल धाल धायेवं छिपिं आछु-आछु कने मते, अले ग्‍याये मते। गुम्‍हय्‌सिनं अगमवक्तां धाःथें च्‍वंक, गुम्‍हय्‌सिनं वचनपाखें धाःथें च्‍वंक, अले गुम्‍हय्‌सिनं जिमिसं पौ च्‍वया थें च्‍वंक थथे धायेफु।

२ थेसलोनिकी 2:2 ပူးပေါင်းရင်းမြစ်များ

यशैया 26:3

परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

यशैया 7:2

“अरामं इस्राएललिसें सन्‍धि यात” धयागु खँ दाऊदया घरानायाम्‍ह जुजु आहाजं न्‍यन। अबलय् यहूदाया जुजु व फुक्‍क प्रजात तसकं ग्‍यात इपिं ला फसं सिमात संकू थें हे थुर्र थुर्र खात।

मीका 2:11

सुं मखुगु खँ ल्‍हाइम्‍ह व ध्‍वंलाइम्‍ह मनुखं ‘जिं छंगु लागि यक्‍व दाखमद्य व अय्‌लाःया लागि अगमवाणी याये’ धकाः धाल धाःसा अज्‍याःम्‍ह अगमवक्तायात हे थुपिं मनूतय्‌सं यय्‌की।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मर्कूस 13:7

न्‍यँ, छिमिसं जवंखवं तसकं ल्‍वापु जूगु व ल्‍वापु जुइत्‍यंगु खँ न्‍यनी। अय्‌सां, छिपिं ग्‍याये मते, छाय्‌धाःसा थथे जुइ हे माः। थथे जुइवं संसार नाश जुयावनी मखु।

लूका 21:19

छिमिसं सह यानाच्‍वन धाःसा छिमित अनन्‍त जीवन दइ।”

लूका 21:9

अले छिमिसं जवंखवं तसकं ल्‍वापु जूगु व ल्‍वापु जुइत्‍यंगु खँ न्‍यनी। अय्‌सां छिपिं ग्‍याये मते, छाय्‌धाःसा थ्‍व संसार नाश जुयावने न्‍ह्यः थथे जुइ हे माः। अथेसां उघ्रिमय् हे संसारयागु नाश जुइ मखु।”

यूहन्‍ना 14:1

“छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

१ कोरिन्‍थी 14:32

अगमवाणी कनेगु वरदान दुपिं मनूतय्‌सं थःत बसय् तयेमाः।

१ कोरिन्‍थी 7:26

थौंकन्‍हय् जुयाच्‍वंगु दुःखकष्‍ट स्‍वयेबलय् ला ब्‍याहा मयासें च्‍वनेगु हे भिं जुइ।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

१ थेसलोनिकी 3:3

थज्‍याःगु दुःखकष्‍ट खनाः ग्‍यानाः छिपिं सुं नं लिचिले मते। थज्‍याःगु दुःखकष्‍ट ला झीत व हे वइ धकाः छिमिसं सि हे स्‍यू।

१ थेसलोनिकी 4:15

प्रभुं धयादी थें जिमिसं स्‍यनाच्‍वनागु खः। प्रभु झायादीबलय् झीपिं म्‍वानाच्‍वंपिन्‍सं सी धुंकूपिन्‍त गुगुं कथं नं लिलाके फइ मखु।

१ थेसलोनिकी 5:2

छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

२ थेसलोनिकी 2:15

अय्‌जूगुलिं दाजुकिजापिं क्‍वात्तुक विश्‍वास याना च्‍वँ। जिमिसं धयागु व च्‍वयाहयागु खँ न्‍यनेगु या।

२ थेसलोनिकी 3:17

जि पावल थःम्‍हं हे छिमित ज्‍वजलपा च्‍वयाच्‍वनागु दु। जिं च्‍वया हयेगु फुक्‍क पौलय्‌ थथे हे सही यायेगु खः। थ्‍व जिगु थःगु हे च्‍वयेगु पहः खः।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।