२ थेसलोनिकी 1:9 - नेवाः बाइबल

⁹ थुपिं प्रभुयागु तसकं बल्‍लाःगु जलं तापाक व प्रभुयागु ख्‍वाः तकं स्‍वये मखंक च्‍वनाच्‍वने माली। अले थुपिं सदांयात नाश जुयावनी।

२ थेसलोनिकी 1:9 ပူးပေါင်းရင်းမြစ်များ

उत्‍पत्ति 3:8

बहनी परमप्रभु परमेश्‍वर क्‍यबय् चाःह्यूवःगु सः इमिसं ताल। अले इमिसं परमेश्‍वरयापाखें थःपिन्‍त बिसिकेत सिमां किकाः च्‍वन।

उत्‍पत्ति 4:16

अले व परमप्रभुया थासं पिहां वनाः अदनया पुर्बपाखे च्‍वंगु नोद धयागु देशय् च्‍वंवन।

अय्‍यूब 21:14

अय्‌नं इमिसं परमेश्‍वरयात धाइ, ‘जिमित त्‍वःतादिसँ। जिमित छिगु लँपु सीकेमास्‍ति मवः।

अय्‍यूब 22:17

उपिं मनूतय्‌सं परमेश्‍वरयात धाल, ‘जिमित त्‍वःतादिसँ, दक्‍व शक्ति दुम्‍ह परमेश्‍वरं जिमित छु याये फइ?’

भजनसंग्रहया सफू 16:11

छिं जितः जीवनया लँपु क्‍यनादी छिनापं च्‍वनाः जितः लय्‌ताय्‌केबी। अले थ्‍व लसता जितः सदां सदां बियादी।

भजनसंग्रहया सफू 51:11

जितः छिगु न्‍ह्यःनं तापाक तयादी मते, अले थःगु पवित्र आत्‍मायात जिपाखें लित यंकादी मते।

यशैया 1:28

तर विद्रोहीत व पापीत कुचा कुचा जुइ, वय्‌कःयात त्‍वःतूपिं फुक्‍कं नाश जुइ।

यशैया 2:10

परमप्रभुया दण्‍डपाखें बचय् जुइत व वय्‌कःया महिमा, तःजिगु शक्तिपाखें सुपिलेत इपिं तग्‍वःगु ल्‍वहं व गुफाय् दुहांवनी।

यशैया 2:19

परमप्रभुं पृथ्‍वीइ ग्‍यानापुगु छ्वया हयादीबलय् परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 2:21

पृथ्‍वीयात लिगिलिगि संकेत परमप्रभु दनादीबलय्, परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

दानिएल 12:2

अले ग्‍वाः ग्‍वाः सी धुंकूपिं मनूत, गुलिं अनन्‍त जीवनया लागिं, गुलिं धाःसा लज्‍या व न्‍ह्याबलें क्‍वह्यंकाच्‍वनेगु लागि दना वइ।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

मत्ती 22:13

अले जुजुं थः च्‍यःतय्‌त थथे धकाः धाल – ‘थ्‍व मनूयात ल्‍हाःतुति चिनाः पिने खिउँथाय् वान्‍छ्वया ब्‍यु। अन हे ख्‍व जक ख्‍वयाः वा न्‍ह्ययाच्‍वनी।’”

मत्ती 24:30

“थुलि जुइ धुंकाः आकाशय् मनूया काय् वइगु चिं खने दइ। अले मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी। थ्‍व खनाः संसारय् च्‍वंपिं फुक्‍क कुलयापिं मनूत ह्वाँय्‌ह्वाँय् ख्‍वइ।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

मत्ती 26:24

धर्मशास्‍त्रय् च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं तसकं हे धिक्‍कार दु। व बु हे मबूगु जूसा तसकं बांलाइगु खः।”

मत्ती 7:23

जिं इमित थथे लिसः बी – जिं छिमित म्‍ह हे मस्‍यू। मभिंगु ज्‍याखँ यानाजुइपिं, छिपिं फुक्‍कं जिथासं तापाक्‍क हुँ।

लूका 13:27

छिमिसं वय्‌कःयात अथे धाःसां वय्‌कलं छिमित थथे धया हइ – ‘धात्‍थें हे छिपिं गनं वःपिं खः धकाः जिं मस्‍यू। अले गज्‍याःपिं खः धकाः नं जिं मस्‍यू। मभिंगु जक ज्‍या यानाजुइपिं, हालाच्‍वने मते, हुँ।’

यूहन्‍ना 5:14

लिपा येशूं वयात देगलय् नाप लानाः धयादिल – “स्‍व, छंगु ल्‍वय् लाये धुंकल। आवंनिसें पाप याये मते, अले छन्‍त छुं नं जुइ मखु।”

व्‍यवस्‍था 33:2

वं धाल, “परमप्रभु सीनैनं झाल अले सेइरं इमिगु लागि खनेदय्‌कः झाल। वय्‌कः पारान पर्वतं थित, वय्‌कः अल्‍याख पवित्रपिंलिसें थःगु पर्वतया पाःचापाखें दच्‍छिनं झाल। वय्‌कःया जव ल्‍हातय् च्‍यानाच्‍वंगु मि दु।

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

२ थेसलोनिकी 2:8

वयात पनातःम्‍ह चिला वन कि व दुष्‍ट खनेदय्‌कः वइ। अले प्रभु येशू ख्रीष्‍ट जलय् झःझः धाय्‌क झाइबलय् छगू सासलं हे वयात नाश यानाछ्वइ।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

२ पत्रुस 2:17

थज्‍याःपिं मनूत सुनावने धुंकूगु बुंगाःचा थें खः, अले हानं इपिं ग्‍वःफसं पुइके यंकूगु सुपाँय् थें खः। इमिगु निंतिं परमेश्‍वरं तसकं खिउँसे च्‍वंगु गाः दय्‌कादीगु दु।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

यहूदा 1:13

थुपिं समुद्रया ग्‍यानापुगु किसिद्वम्‍बः खः। थुमिसं थःगु घच्‍चायापुगु ज्‍याखँ समुद्र दासि वये थें यानाक्‍यनी। थुपिं चाचाःहिला च्‍वनीगु नगु खः। थुमिगु निंतिं सदांयात तसकं खिउँगु थाय् दय्‌कातःगु दु।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

प्रकाश 20:14

अले मृत्‍यु व पातालयात नं मि गालय् वांछ्वल। थ्‍व मि गाः धयागु हे निकः सीगु खः।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।