२ थेसलोनिकी 1:8 - नेवाः बाइबल

⁸ वय्‌कलं च्‍यानाच्‍वंगु मित्‍याः ज्‍वना झायाः परमेश्‍वरयात म्‍हमस्‍यूपिन्‍त व झी प्रभु येशू ख्रीष्‍टयागु भिंगु खँ मन्‍यंपिन्‍त सजाँय बियादी।

२ थेसलोनिकी 1:8 ပူးပေါင်းရင်းမြစ်များ

उत्‍पत्ति 3:24

मनूयात पितिनाछ्वये धुंकाः परमेश्‍वरं जीवनया सिमायागु लँ पाखे पाः तयेत अदनया क्‍यबया पुर्बपाखे करूबत व प्‍यखें चाःहिलाच्‍वनीगु दनदन च्‍यानाच्‍वंगु तरवार तयादिल।

२ शमूएल 23:7

नयागु ल्‍वाभः वा भाला छ्यलेगु यायेमाः। कंमा गन मुंकेगु याइ अन हे उकियात छ्वय्‌की।

भजनसंग्रहया सफू 18:44

मेगु जातियापिं मनूत नं जिगु न्‍ह्यःने क्‍वछुइ अले जिं धाःथें च्‍वनी।

भजनसंग्रहया सफू 79:6

छिगु तं छितः नालामकाःपिं जातियात प्‍वंकादिसँ। छिगु तं छितः प्रार्थना मयाइपिन्‍त प्‍वंकादिसँ।

भजनसंग्रहया सफू 9:10

छिगु नां स्‍यूपिं सकसिनं छिगु हे भलसा काइ, छाय्‌धाःसा, हे परमप्रभु, छितः मालाजुइपिन्‍त छिं त्‍वःतादी मखु।

भजनसंग्रहया सफू 94:1

हे परमप्रभु, छि सजाँय बियादीम्‍ह परमेश्‍वर खः, थःगु तं क्‍यनादिसँ!

प्रस्‍थान 5:2

फारोनं धाल, “परमप्रभु सु खः? जिं छाय् वयागु खँ न्‍यनाः इस्राएलीतय्‌त वने बीगु? जिं परमप्रभुयात म्‍हमस्‍यू अले इस्राएलीतय्‌त नं वनेबी मखु।”

यशैया 1:19

छिमिसं जिगु आज्ञा मानय् याये यय्‌कल धाःसा छिमिसं थ्‍व देशया भिंगु भिंगु नसा नयेखनी।

यशैया 1:28

तर विद्रोहीत व पापीत कुचा कुचा जुइ, वय्‌कःयात त्‍वःतूपिं फुक्‍कं नाश जुइ।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

यर्मिया 10:25

छितः स्‍वीकार मयाःपिं जाति जातितय्‌के व छिगु नां मकाइपिं मनूतय्‌के थःगु तं प्‍वंकादिसँ! छाय्‌धाःसा इमिसं याकूबयात क्‍वाप्‍प नःगु दु। इमिसं वयात क्‍वाप्‍प नःगु दु अले वयागु देशयात नाश यानाब्‍यूगु दु।

यर्मिया 9:6

छ धोखाया दथुइ च्‍वनाच्‍वंगु दु। धोखां यानाः हे इमिसं जितः म्‍हसीकेत इन्‍कार याःगु दु,” परमप्रभुं धयादी।

दानिएल 7:10

अले व गद्दीं तःधाःगु मित्‍याः मदिक्‍क पिहां वयाच्‍वंगु दु। द्वलंद्वः मनूत वय्‌कःया सेवा यायेत न्‍ह्यःने दु। वय्‌कःया न्‍ह्यःने लखंलख मनूत दनाच्‍वंगु दु। न्‍याययागु अदालत अन हे च्‍वन। अले सफूत प्‍वल।

सपन्‍याह 1:6

परमप्रभुयागु ल्‍यू वनेगु त्‍वःता वंपिन्‍त, अले वय्‌कःयात ममालीपिं व वय्‌कःयाके न्‍यनेकने मयाःपिन्‍त जिं न्‍हंकाबी।”

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

यूहन्‍ना 3:19

जः संसारय् छ्वयाहयादी धुंकूसां मनूतय्‌सं थ्‍व जःयात स्‍वयाः खिउँयात यय्‌कल, छाय्‌धाःसा इमिगु ज्‍या मभिं। थुकथं इपिं दोषी ठहरय् जुल।

यूहन्‍ना 8:19

अय्‌जूगुलिं इमिसं वय्‌कःयात थथे धाल – “छिमि बाः गन दु लय्?” वय्‌कलं लिसः बियादिल – “छिकपिन्‍सं न जितः म्‍हस्‍यू, न जिमि बाःयात म्‍हस्‍यू। छिकपिन्‍सं जितः म्‍हस्‍यूगु जूसा जिमि बाःयात नं म्‍हसी।”

प्रेरित 6:7

परमेश्‍वरयागु वचन फुक्‍क थासय् बय्‌बय् जुयाः वन। थुकथं यरूशलेमय् चेलात यक्‍व हे दयावल। हानं पुजाहारीत नं यक्‍वसिनं हे विश्‍वास यात।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 10:16

अय्‌नं यहूदीत फुक्‍कसिनं भिंगु खँय् न्‍हाय्‌पं मब्‍यूनि। थ्‍व हे खँ यशैयां नं च्‍वया थकल – “प्रभु, जिमिसं न्‍यंकागु खँय् सुनां विश्‍वास याःगु दु?”

रोमी 15:18

ख्रीष्‍टं जिगुपाखें यहूदीमखुपिन्‍त परमेश्‍वरयात मानय् याकेत यानादीगु वचन व ज्‍याखँ बाहेक मेगु खँ ल्‍हायेगु आँट जिं मयाना।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

रोमी 6:16

दासतय्‌सं मालिकयात मानय् याःथें छिमिसं सुयात मानय् यात छिपिं वया हे दास जुइ, नरकय् यंकीगु पापयात मानय् याःगु छाये मजुइमा, अथवा परमेश्‍वरया न्‍ह्यःने धर्मी ठहरय् जुइत मानय् याःगु छाये मजुइमा, छुं पाइ मखु।

१ कोरिन्‍थी 15:34

भिंगु ज्‍याखँ यायेत न्‍ह्यलं चाय्‌कि, अले पाप यायेगु त्‍वःति। छिमित मछालापुकेत जिं थथे धयाच्‍वनागु खः, छाय्‌धाःसा छिपिं गुम्‍हं गुम्‍हय्‌सिनं परमेश्‍वरयात म्‍हसीके मफुनि।

२ कोरिन्‍थी 10:5

परमेश्‍वरयागु खँ अःखः यायेत स्‍वइपिन्‍त नं जिमिसं बुकाच्‍वनागु दु। फुक्‍क बिचाःयात बसय् कयाः ख्रीष्‍टयात मानय् याकेत स्‍वयाच्‍वनागु दु।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?

गलाती 4:8

न्‍हापा परमेश्‍वरयात म्‍हमस्‍यूगुलिं छिपिं परमेश्‍वर हे मखुपिं मेपिं द्यःतय् दास जुयाच्‍वंगु खः।

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

व्‍यवस्‍था 4:11

उबलय् पर्वतय् मि ह्वानाः ह्वानाः च्‍यानाः आकाश तक हे थ्‍यन, अले ख्‍वातुगु सुपाँय्‌ वयाः अन तसकं खिउँसे च्‍वंबलय् छिपिं वयाः पर्वतया क्‍वय् दन।

व्‍यवस्‍था 4:30

लिपांगु इलय् छिमित आपत जुइबलय् अले थुपिं फुक्‍क खँ छिमित वइबलय् छिपिं थः परमप्रभु परमेश्‍वरपाखे लिहां वइ अले छिमिसं वय्‌कःया खँ मानय् याइ।

व्‍यवस्‍था 5:5

(उबलय् छिपिं मि खनाः ग्‍यानाः पर्वतय् थाहां मवं, अथे जुयाः जि परमप्रभु व छिमिगु दथुइ वय्‌कःया वचन छिमित कनेत दनाच्‍वना।) अले परमप्रभुं धयादिल,

१ थेसलोनिकी 4:5

परमेश्‍वरयात म्‍हमस्‍यूपिं थें मभिंगु मतिइ तयाः मखु।

हिब्रू 10:27

थुकिया पलेसा पाप याःम्‍हय्‌सिनं परमेश्‍वरयागु सजाँय फयेमाली। व सजाँयया मिं परमेश्‍वरया विरोधीतय्‌त भस्‍म यानाबी।

हिब्रू 10:30

“बदला कायेगु ज्‍या जिगु खः, जिं हे बदला काये,” धयादीम्‍हय्‌सित झीसं म्‍हस्‍यू। थथे नं धयातःगु दु – “परमप्रभुं हे वय्‌कःया मनूतय्‌त न्‍याय यानादी।”

हिब्रू 11:8

विश्‍वासं हे अब्राहामं परमेश्‍वरयागु खँ न्‍यन। परमेश्‍वरं वयात सःताः थःम्‍हं बी धकाः धयादीगु देशय् हुँ धकाः उजं बियादिल। गन वनेगु धकाः मसीकं हे वं थःगु देश त्‍वःतावन।

हिब्रू 12:29

झीम्‍ह परमेश्‍वर भस्‍म याना छ्वइम्‍ह मि खः।

हिब्रू 2:3

थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 3:6

इपिं मध्‍ये सारा नं छम्‍ह खः। सारां थः भाःत अब्राहामयात हामा धकाः तसकं मानय् याइगु खः। छिपिं नं साराया सन्‍तान जूगुलिं छिमिसं भिंगु बांलाःगु याना जुइमाः। अले छिपिं नं ग्‍याये माली मखु।

१ पत्रुस 4:17

परमेश्‍वरं याकनं न्‍याय यानादी। दकलय् न्‍हापा परमेश्‍वरया मनूतय्‌त न्‍याय यानादी। थथे न्‍हापा झीत हे न्‍याय यानादी धाःसा भिंगु खँ मन्‍यंपिन्‍त झन गज्‍याःगु न्‍याय यानादीगु जुइ?

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

यहूदा 1:7

अथे हे सदोम व गमोरा अले वया जःखः च्‍वंगु शहरयापिन्‍सं छगूया ल्‍यू मेगु यायां घच्‍चाइपुगु व्‍यभिचारया ज्‍या याना हल। परमेश्‍वरं इमित गुबलें मसीगु मिइ तयाः नमूना दय्‌कादिल।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।