२ थेसलोनिकी 1:6 - नेवाः बाइबल

⁶ छिमित दुःखकष्‍ट ब्‍यूपिन्‍त वय्‌कलं दुःखकष्‍ट बियादी। परमेश्‍वर न्‍याय यानादीम्‍ह खः।

२ थेसलोनिकी 1:6 ပူးပေါင်းရင်းမြစ်များ

प्रस्‍थान 23:22

थथे छिमिसं वयागु खँ न्‍यन धाःसा अले जिं धाःथें यात धाःसा जि छिमि शत्रुतय् शत्रु व छिमि विरोधीतय् विरोधी जुइ।

उपदेशक 3:17

जिं थःगु मनय् बिचाः याना, “परमेश्‍वरं धर्मी व मभिंपिं निम्‍हय्‌सित नं फैसला यानादी, छाय्‌धाःसा फुक्‍क ज्‍याखँया थःगु हे ई दइ, अले फुक्‍क ज्‍याया ई दु।”

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

कलस्‍सी 3:25

मभिंगु बांमलाःगु ज्‍या याना जूपिन्‍त सजाँय बी। प्रभुं ख्‍वाः स्‍वयाः न्‍याय यानादी मखु।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 18:24

अगमवक्तातय्‌गु, परमेश्‍वरया मनूतय्‌गु व पृथ्‍वीइ स्‍याःपिनिगु हि अनं लुया वःगुलिं बेबिलोन थुकथं नाश जुल।”

प्रकाश 19:2

वय्‌कलं बांलाक व खःकथं न्‍याय यानादी। पृथ्‍वीयापिं फुक्‍क मनूतय्‌त थःनाप व्‍यभिचार याकाः स्‍यंकूम्‍ह व तःधंम्‍ह वेश्‍यायात वय्‌कलं सजाँय बियादीगु दु। वय्‌कलं थः दासतय्‌गु हियागु पलेसा कयादीगु दु।”

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”