२ थेसलोनिकी 1:12 - नेवाः बाइबल

¹² थथे छिमिगुपाखें झी प्रभु येशूयागु नां तःधं जुइ, अथे हे झी परमेश्‍वर व प्रभु येशू ख्रीष्‍टयागु दया मायां यानाः छिपिं नं तःधं जुइ।

२ थेसलोनिकी 1:12 ပူးပေါင်းရင်းမြစ်များ

उत्‍पत्ति 18:18

अब्राहाम छगू तःधंगु व बल्‍लाःगु जाति जुइ। अले पृथ्‍वीया फुक्‍क जातिं वयापाखें हे आशिष काइ।

भजनसंग्रहया सफू 72:17

वयागु नां न्‍ह्याबलें लुमनाच्‍वनेमा। सूर्य दतले वयागु नां जायाच्‍वनेमा। फुक्‍क जातियापिन्‍सं वयापाखें परमेश्‍वरया आशिष कायेमा। सकसिनं वयात धन्‍य धायेमा।

यशैया 24:15

अथे जुयाः पुर्बय् च्‍वनीपिन्‍सं परमप्रभुया प्रशंसा या! समुद्रया सिथय् च्‍वनीपिन्‍सं परमप्रभु इस्राएलया परमेश्‍वरया नांया प्रशंसा या!

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

यूहन्‍ना 17:10

जिगु फुक्‍कं छिगु खः, छिगु फुक्‍कं जिगु खः। थुकथं इमिसं यानाः जि तःधं जूगु खः।

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

१ कोरिन्‍थी 1:4

ख्रीष्‍ट येशूं छिमित दया माया यानादीगुलिं जिं न्‍ह्याबलें परमेश्‍वरयात सुभाय् बियाच्‍वनागु दु।

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

फिलिप्‍पी 3:9

व्‍यवस्‍थां धाःथें यानाजुयागुलिं जि धर्मी ठहरय् जूगु मखु बरु येशू ख्रीष्‍टयात विश्‍वास यानागुलिं परमेश्‍वरं हे जितः धर्मी ठहरय् यानादीगु खः।

२ थेसलोनिकी 1:10

उबलय् वय्‌कः थः मनूतय्‌पाखें महिमा कायेत व विश्‍वास याइपिं सकसितं अजू चाय्‌केत झाइ छाय्‌धाःसा छिमिसं जिमिगु साक्षीयात विश्‍वास यात।

तीतस 2:11

परमेश्‍वरं फुक्‍कसितं मुक्ति बीत दया माया यानादीगु खः। थ्‍व हे खँ फुक्‍कसितं सीके ब्‍यूगु दु।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।

प्रकाश 1:4

एशियाय् दुगु न्‍हय्‌गू मण्‍डलीयात यूहन्‍नापाखें ज्‍वजलपा। आः नं दीम्‍ह, न्‍हापा नं दीम्‍ह, अले झायादीत्‍यंम्‍ह, व वय्‌कःयागु सिंहासनयागु लिक्‍क च्‍वंपिं न्‍हय्‌म्‍ह आत्‍मापाखें छिमित दया माया व शान्‍ति दयेमा।