२ थेसलोनिकी 1:11 - नेवाः बाइबल

¹¹ अय्‌जूगुलिं हे छिपिं झी परमेश्‍वरं सःतादी थें जुयाच्‍वने फयेमा, वय्‌कःयागु शक्तिं छिमिसं मतिइ तक्‍व भिंगु खँ व विश्‍वासयागु ज्‍या पूवंके फयेमा धकाः जिमिसं प्रार्थना यानाच्‍वनागु दु।

२ थेसलोनिकी 1:11 ပူးပေါင်းရင်းမြစ်များ

भजनसंग्रहया सफू 138:8

परमप्रभुं जिगु लागि थःगु उद्देश्‍य पूवंकादी, हे परमप्रभु, छिगु दया माया न्‍ह्याबलेंया लागि दयाच्‍वनी। थःगु ल्‍हातं दय्‌कादीपिन्‍त त्‍वःतादी मते।

भजनसंग्रहया सफू 48:14

छाय्‌धाःसा परमेश्‍वर न्‍ह्याबलें झी परमेश्‍वर खः। वय्‌कलं झीत न्‍ह्याबलें लँ क्‍यनादी।

भजनसंग्रहया सफू 51:18

हे परमेश्‍वर, सियोनयात भिं यानादिसँ, उकियात ग्‍वाहालि बियादिसँ। यरूशलेमया पःखाः हाकनं दय्‌कादिसँ।

भजनसंग्रहया सफू 68:20

झी परमेश्‍वर झीत बचय् यानादीम्‍ह परमेश्‍वर खः। परमप्रभुं झीत मृत्‍युपाखें बचय् यानादी।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 66:9

छु! मचाबुइकेगु ई थ्‍यने धुंकाः नं मचा मबुइकेगु ला?” परमप्रभुं धयादी, “छु! जिं सुयात मचा बुइके बी, वयात मचाबुइकेगुपाखें पनी ला?” छिमि परमेश्‍वरं धयादी।

दानिएल 3:17

ह्वाना ह्वाना च्‍यानाच्‍वंगु मिया भट्टीइ जिमित वांछ्वःसां जिमिसं सेवा यानाम्‍ह परमेश्‍वरं जिमित बचय् यानादी फु। वय्‌कलं जिमित छःपिनिगु ल्‍हातं त्‍वःतकादी फु।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

जकरिया 4:7

“हे तःधंगु पर्वत, छ छु खः? यरूबाबेलया न्‍ह्यःने छ मैदान जुइतिनि। वं देगःया च्‍वय् फुसय् तइगु ल्‍वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्‍वरं आशिष बियादीमा! थुकियात परमेश्‍वरं आशिष बियादीमा!’”

मर्कूस 4:28

बुँ थःम्‍हं हे अन्‍न सय्‌की। न्‍हापां चुलि ह्वइ, अले मा थाहां वइ, अले तिनि अन्‍न सइ।

लूका 12:32

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

रोमी 11:29

छाय्‌धाःसा वय्‌कलं ल्‍यय् धुंकूपिन्‍त त्‍वःतादी मखु, अले बियादी धुंकूगु वरदान लित कयादी मखु।

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

रोमी 8:30

वय्‌कलं न्‍हापांनिसें ल्‍ययातःपिन्‍त सःता नं दिल। थथे वय्‌कलं सःतादीपिन्‍त धर्मी ठहरय् यानादिल। थुकथं वय्‌कलं धर्मी ठहरय् याःपिन्‍त तःधं नं यानादिल।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

एफिसी 1:16

जिं परमेश्‍वरयात न्‍ह्याबलें सुभाय् बियाच्‍वनागु दु। अले प्रार्थना यायेबलय् छिमित नं लुमंकाच्‍वनागु दु।

एफिसी 1:5

वय्‌कलं झीत माया यानाः येशू ख्रीष्‍टपाखें थःकाय्‌पिं यानादिल। वय्‌कलं थः यःकथं हे थथे यानादीगु खः।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

फिलिप्‍पी 2:13

परमेश्‍वर झीनापं ज्‍या यानादी। बांलाःगु इच्‍छां ज्‍या याकादीम्‍ह परमेश्‍वर हे खः।

फिलिप्‍पी 3:14

परमेश्‍वरं येशू ख्रीष्‍टपाखें सःताः बीत तयादीगु स्‍वर्गया सिरपाः कायेत जि निशानापाखे ब्‍बाँय् वने।

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

२ थेसलोनिकी 1:5

परमेश्‍वरं ख्‍वाः स्‍वयाः न्‍याय यानादी मखु धकाः ला थुकिं हे सीदत, छाय्‌धाःसा छिमिसं दुःखकष्‍ट सियाच्‍वंगुलिं हे छिपिं वय्‌कःयागु राज्‍यय् दुहां वनेत ल्‍वःपिं जुल।

२ थेसलोनिकी 2:14

थुकियागु निंतिं हे वय्‌कलं जिमिगुपाखें भिंगु खँ न्‍यंकाः छिमित झी प्रभु येशू ख्रीष्‍टनापं तुं तःधंकेत सःतादीगु खः।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

प्रकाश 3:4

“अथेसां सार्डिसय् गुलिखय् मनूतय्‌सं थःगु लं यचुकातःगु दु। थुपिं तुइसे च्‍वंगु वसतं पुनाः जि नाप जुइतिनि, छाय्‌धाःसा थुपिं जि नाप जुइत ल्‍वः।

प्रकाश 5:10

छिं हे इमित झी परमेश्‍वरया सेवा यायेत छगू राज्‍य व पुजाहारीत दय्‌कादिल। अले इमिसं संसारय् राज्‍य याइ।”